“ဘာမဆိုစဉ်းစဉ်းစားစားလုပ်တာကောင်းတယ်ဟ”
မဲတူးကကျွဲမကိုလက်ချာရိုက်နေတယ်၊ကျွဲမကပြုံးပြီးခေါင်းညိတ်တယ်။
“ကျွဲမစဉ်းစားတာများလို့တူနှစ်ကိုယ်မနီးနိုင်သေးဘဲဖြစ်နေတာ”ကိုကောက်ကပြောတယ်။
“ဘာမဆိုစဉ်းစဉ်းစားစားလုပ်တာကောင်ပါတယ်”ဆိုပြီးမဲတူးကထပ်ပြောတယ်။
“စဉ်းစားတာတော့ဟုတ်ပါရဲ့၊စဉ်းစားပုံစဉ်းစားနည်းကရှိသေးတယ်”လို့ ရွှီးကပြောတော့“မင်းစကားက အဆန်းပါလား”ဆိုပြီးကိုအောင်ကပြောပါတယ်။ရွှီးက“စဉ်းစားပြီးမှလုပ်တဲ့ပုံပြင်ရှိတယ်”ဆိုတော့ဘဲဥမက “ပြောစမ်းပါဦး”လို့ပွဲတောင်းတယ်။
“တစ်ခါကရွာတစ်ရွာမှာမိုတီပတေးဆိုတဲ့လူတစ်ယောက်ရှိတယ်၊သူကမနက်၆း၀၀နာရီဆိုအိပ်ရာထတယ်၊ အိမ်ဝင်းရှေ့ပိုင်းကကျောက်တုံးပေါ်မှာထိုင်ပြီးတံပူနဲ့သွားတိုက်တယ်”
“..........................”
“မနက်တိုင်းအဲဒီအချိန်မှာပဲနွားမတစ်ကောင်ကလဲအဲဒီကျောက်တုံးအနီးမှာလာဝပ်ပြီးစားမြုံ့ပြန်နေတာတဲ့၊
နွားမရဲ့ဦးချိုတွေက၀န်းဝိုင်းလှပသတဲ့”
“........................”
“ပတေးကနွားမရဲ့ဝန်းဝိုင်းတဲ့ဦးချိုတွေကိုကြည့်ပြီးငါ့ခေါင်းဟာချိုနှစ်ချောင်းကြားမှာ အံကျပဲလို့နေ့စဉ်နေ့တိုင်းစဉ်းစားသတဲ့၊တစ်နေ့နေ့တော့ချိုကြားမှာခေါင်းထည့်ကြည့်ဦးမယ်လို့ သူ့ကိုယ်သူကတိပေးတာနေ့စဉ်ပါပဲ”
“မစဉ်းမစားနဲ့လုပ်တော့မယ်”
“ဒီလိုနဲ့
ခြောက်လလောက်ကြာသွားတယ်၊တစ်နေ့မှာတော့ပတေးကဆုံးဖြတ်ချက်ချတယ်၊ဒီနေ့တော့ဖြင့် လှပတဲ့ဦးချိုနှစ်ချောင်းကြားမှာငါ့ခေါင်းကိုအသေအချပဲထည့်မယ်တဲ့”
“ကြံကြံဖန်ဖန်ကွာ”
“မျက်နှာသစ်၊သွားတံပူတိုက်၊သန့်ရှင်းရေးလုပ်ပြီးတာနဲ့ပတေးထိုင်ရာကထပြီးနွားမဆီလမ်းလျှောက် သွားတယ်၊သူ့ခေါင်းကိုချိုနှစ်ချာင်းကြားထဲသွက်ကြည့်တယ်၊တကယ့်ကိုအံကျပဲ၊ ဒါပေမဲ့
...”
“...........................”
“ဒါပေမဲ့နွားမကလန့်ပြီးထခုန်တယ်၊ပြီးတော့ပြေးပါလေရော၊ပတေးလဲတန်းလန်းကြီးပါသွားတယ်”
“ဟား ဟား ဟား ဟား”
“ပတေးကကယ်တော်မူပါ၊ကယ်တော်မူပါ၊ကယ်တော်မူပါ၊အသံကုန်ခြစ်အော်တာပေါ့၊ရွာသားတွေလဲနွား မကိုဝိုင်းဖမ်းပြီးပတေးရဲ့ ခေါင်းကိုချိုကြားကဆွဲထုတ်ပေးရတယ်”
“တော်သေးတာပေါ့”
“ရွာသားတွေကပတေးကိုဝိုင်းပြီးအပြစ်တင်ကြိမ်းမောင်းကြတာပေါ့၊ပတေး၊ဒါမလုပ်ခင် မင်းမစဉ်းစားဘူးလားလို့လဲမေးတယ်”
“ဟုတ်တာပေါ့”
“ပတေးကလဲခြောက်လလောက်အကြိမ်ကြိမ်အဖန်ဖန်စဉ်းစားပြီးမှနွားချိုထဲကို
ငါ့ခေါင်းထည့်တာလို့ပြန်ဖြေတယ်၊ပတေးရဲ့လက်တွေ၊ခြေတွေကျိုးသွားလို့နှစ်လလောက်အိပ်ရာထဲ
လှဲနေရသတဲ့”“ခြောက်လလောက်တော့စဉ်းစားပါရဲ့၊စဉ်းစားတာကိုကအမှားလုပ်ဖို့ပဲစဉ်းစားတာကိုး၊ စဉ်းစားတယ်ဆိုရာမှာဝေဖန်သုံးသပ်ပြီးကောင်းတာဖြစ်ဖို့ဦးတည်ရမှာ၊ဒါမှကိုယ်ဖြစ်ချင်တာ
တကယ်ဖြစ်မှာပေါ့နော်”
“ဟုတ်ပါ့ ဟုတ်ပါ့”
ဖေလင်းသစ်
No comments:
Post a Comment