ကိုလေးရေ "ဒီမှာကြည့်ပါအုံး သတင်းစာထဲမှာ"
"ဖတ်ပြပါဦး ဘာပါလို.လဲ"
"ဆယ်နှစ်မြောက်မင်္ဂလာ ကိုမောင်မောင်-မဇင်မာဝေ တဲ့၊သူ.အောက်တည့်တည့်မှာကျတော့ နှစ်ဦးသဘောတူကွာရှင်းပြတ်စဲခြင်း
ကိုစိုးသိန်း+မစန္ဒာတဲ့"
"ဘာလဲ အဲ့ဒါတွေက ညီမလေးအသိတွေဖြစ်နေလို.လား"
"မသိပါဘူး ကိုလေးရဲ.၊စာတစ်စုတည်းမှာဖတ်ရသူအဖို.ခံစားမှုနှစ်မျိုးတစ်ပြိုင်ထဲပေးနေလို."
"ဘယ်လိုခံစားမှုကိုတစ်ပြိုင်ထဲပေးနေလို.လဲ"
"ဒီလို ကိုလေးရဲ. အထက်က ဆယ်နှစ်မြောက်ကင်္ဂလာသတင်းဖတ်ရတော့စိတ်ထဲဝမ်းမြောက်မိတာပေါ့၊အောက်က
နှစ်ဦးသဘောတူကွာရှင်းပြတ်ရှင်းစံခြင်းသတင်းဖတ်ရတော့စိတ်မကောင်းဖြစ်မိတယ်၊အဲ့ဒီသဘောကိုပြောတာ
ကိုလေးရဲ."
"ဒီလိုပါပဲ ညီမလေးရယ်၊ကိုယ်နဲ.မဆိုင်ပေမဲ့ဝမ်းသာစရာရှိရင်ဝမ်းသာပေးမယ်၊၀မ်းနည်းစရာရှိရင်ဝမ်းနည်းပေးမယ်
ဒါ မြန်မာ တွေရဲ.စရိုက်တစ်ခုပဲလေ"
"ညီမလေး စာတစ်ခုထဲမှာဖတ်ရဖူးတယ် ကိုလေးရဲ. မြန်မာတွေမှာ ချစ်စရာ၊ကြည်ညိုစရာ ကောင်းတဲ့ဓလေ့စရိုက်တွေအများကြီးရှိတယ်တဲ့၊အဲ့ဒီစရိုက်တွေထဲမှာတစ်လင်တစ်မယား
စနစ်ဟာလည်းတစ်ခုအပါအ၀င်ဖြစ်တယ်တဲ့၊တစ်လင်တစ်မယားစနစ်ဟာတစ်ရွှေ.ရွှေ.ကွယ်ပျောက်နေပြီလားမသိဘူးနော်
နောက်ရှိသေးတယ်ကိုလေးရဲ.အထီးကျန်များစွာထဲမှာ အိမ်ထောင်ရေးအထီးကျန်မှုဟာအပြင်းဆုံးခံစားမှုကိုဖြစ်စေတယ်တဲ့၊ပြီးတော့အိမ်ထောင်ရေးအထီးကျန်မှုဟာ
အသက်ကိုလဲတိုစေတယ်လို.လည်းဖတ်ဖူးတယ်၊ဟုတ်လားတော့မသိဘူး"
"ငါ့ညီမကတော့ စာစုံဖတ်ထားတာပဲ"
"ကိုလေးပဲစာစုံဖတ်ဆို"
"ကိုယ်စကားနဲ.ကိုယ့်ကိုပြန်ပြောနေတော့ ဘာပြန်ပြောရမှန်းတောင်မသိတော့ဘူး၊ဟုတ်တယ်ညီမလေးရဲ.
အိမ်ထောင်ရေးပဋပက္ခဖြစ်လာရင် ကာယကံရှင်တွေတင်မကဘူး၊သူတို.တွေနဲ.နွယ်တဲ့ကလေးတွေပါစိတ်ဒုက္ခရောက်ရတော့တာပဲ"
"ဒီမှာ ကိုလေးရဲ.၊သတင်းစာမှာ တစ်ပုဒ်ပါသေးတယ်၊နိဗ္ဗာန် မရောက်သေးခင် သံသရာခရီးတစ်လျှောက်ထာဝရ လက်တွဲသွားရပါလို၏တဲ့၊ဆုတောင်းလေးကလှတယ်နော်၊ဒါနဲ.နေပါဦး
ကိုလေးရဲ. သူတို.ဆုတောင်းတဲ့အတိုင်းလောကမှာ သံသရာခရီးတစ်လျှောက်နှိဗ္ဗာန်ရတဲ့အထိပေါ့၊ထာဝရ
လက်တွဲသွားလို.ရနိုင်ရဲ.လားကိုလေးရဲ."
"ရတာပေါ့ ညီမလေးရဲ. ဘုရားဟော ပါဋ္ဌိတော်တွေမှာအများကြီးတွေ.ရတယ်။တွေ.ရုံတင်မကဘူး နိဗ္ဗာန်မရမိ ဘ၀တိုင်းဆုံတွေ.ချင်သူအတွက်လမ်းညွှန်ဟောကြားထားတာတွေတောင်ရှိသေးတယ်"
"ဟာ...ဟုတ်လားကိုလေးရဲ.၊စိတ်ဝင်စားစရာပဲ ဘ၀တိုင်းဆုံတွေ.ချင်ရင် ဘာလုပ်ရမလဲပြောပါဦး"
"အဲ့ဒီအကြောင်း အဂုင်္တ္တရနိကာယ် ပုညာဘိသန္ဒ၀ဂ် ပထမ သမဇီဝိသုတ်မှာဟောထားတာရှိတယ်"
ပြောပါဦးကိုလေး...
"ဘဂ္ဂတိုင်း သုသုမာရဂိရမြို. ဘေသကတောမှာ မြတ်စွာဘုရားသီတင်းတုန်းကပေါ့ မြတ်စွာဘုရားကနံနက်ရောက်တော့
သင်းပိုင်၊ကိုယ်ဝတ်တွေကိုသေသပ်စွာပြန်ဝတ်၊သပိတ်၊သင်္ကန်းကိုယူပြီး နကုလပိတာနဲ.နကုလမာတိုဇနီးမာင်နှံအိမ်ကိုကြွသွားတယ်၊အကြောင်းမဲ့ကြွတာမဟုတ်ဘူး။ရှိခဲ့ဘူးတဲ့ကျေးဇူးကို
ပြန်ဆပ်ချင်လို.၊ဒီလိုညီမလေးရဲ.၊နကုလပိတာဟာ ဘ၀ငါးရာ မြတ်စွာဘုရားရဲ.ဖခင်၊ဘ၀ငါးရာမြတ်စွာဘုရားရဲ.ဘထွေး(ဦးလေး)ဖြစ်ခဲ့ဖူးတယ်၊
ဒီအတူပဲ နကုလမာတာဟာလည်းဘ၀ငါးရာမြတ်စွာဘုရားမိခင်၊အဘွား၊မိထွေး(ဒေါ်လေး၊အရီး)ဖြစ်ခဲ့ဖူးတယ်၊ဒါကြောင့်ကြွသွားတာ။
အိမ်ရောက်တော့ ဘ၀အဆက်ဆက် သံယောဇဉ် ဖြစ်ခဲ့တဲ့အတွက် နကုလပိတာတို.ဇနီးမောင်နှံဟာမြတ်စွာဘုရားကို ချစ်သားချစ်သား လို.နှုတ်ကအလိုလိုထွက်ခေါ်မိတဲ့အထိဖြစ်သွားတယ်၊ပြီးတော့ နကုလပိတာတို.ဟာမြတ်စွာဘုရားကိုမြင်တာနဲ.တပြိုင်နဲ.သောတာပန်ဖြစ်သွားတယ်၊နောက်မြတ်စွာဘုရားကနကုလပိတာ
တို.ခင်းထားတဲ့နေယာမှာထိုင်တော်မှုတယ်ပေါ့လေ။အဲ့ဒီအခါမှာနကုလပိတာကမြတ်စွာဘုရားကိုဒီလိုလျှောက်တယ်။
"ဘုန်းတော်ကြီးတော်မှုသော မြတ်စွာဘုရား ဘုရားတပည့်တော်သည် ငယ်ရွယ်စဉ်အခါကပင်လျှင်ငယ်ရွယ်သောနကုလမာတာကိုထိမ်းမြားလက်ထပ်ခဲ့ပါတယ်။
လက်ထပ်ထိမ်းမားချိန်ကစပြီးယနေ.အထိနကုလမာတာမှတစ်ပါးအခြားသောအမျိုးသမီးနှင့်ဖောက်ပြန်ကျူးလွန်
ခြင်းမရှိပါ၊မြတ်စွာဘုရားတပည့်တော်သည်ယခုမျက်မှောက်ဘ၀တွင်လည်းတစ်ယောက်မျက်နှာတစ်ယောက်ကြည့်ပြီး
နားလည်မှုများစွာ မခွဲမခွာ သက်ဆုံးတိုင် ထာဝရလက်တွဲသွားလိုပါတယ်ဘုရား၊အဲ့ဒီအတွက်ဘယ်လိုကျင့်ကြံနေထိုင်ရမယ်ဆိုတာကိုလမ်းညွှန်တော်မှုပါဘုရား"
"နကုလပိတာကမြတ်စွာဘုရားကိုအဲ့ဒီလိုလျှောက်ပြီးတော့နကုလမာတာကလည်း အားကျမခံတပည့်တော်မသည်နကုလပိတာမှတစ်ပါးအခြားသောအမျိုးသားနှင့်ဖောက်ပြန်ကျူးလွန်ခြင်းမရှိပါ။
ဘာညာပေါ့လေ နကုလပိတာပြောတဲ့အတိုင်းလျှောက်ပြန်တယ်၊ဒီနေရာမှာနကုလပိတာတို. ကိစ္စကိုရပ်ပြီး
ပြောစရာတစ်ခုကိုသတိရတယ်"
"ပြောပါဦး ကိုလေး ဘာကိုလဲ"
"လူနှစ်ယောက်ဟာ အခုပစ္စုပ္ပုန်ဘ၀မှာတွေ.ကြုံပဲ့တဲ့၊ဇာတကအဋ္ဌကထာ ပထမအုပ်မှာ ဂါတာတစ်ပုဒ်ပြထားတယ်။အဲ့ဒီဂါတာက...ပုဗ္ဗေ၀ သန္နိဝါသေန၊ပစ္စုပ္ပန္နဟိတေန၀ါ၊ဧ၀ံတံ ဇာယတေ ပေမံ၊
ဥပ္ပလံဝ ယထောဒကေ၊အနက်ပါ တစ်ခါတည်း ပြန်ပြမယ်နော်" "ဟုတ်ကဲ့ ကိုလေး" "ဥပ္ပလံဝါ-ကြာညှိ၊ကြာဖြူ၊ကြာနီသည်လည်းကောင်း၊အညံဝါ-အခြားသောပဒုမ္မာစသောကြာသည်လည်းကောင်း၊ဥဒကေ-ရေဉ်၊ဇယမာနံ-ပွင့်ထွန်းပေါ်ပေါက်လာသောသည်ရှိသော်၊ဒွိဟိကာရေစေဟိ-ရေနှင့်ညွန်ဟူသောနှစ်ပါးသောအကြောင်းတို.ကြောင့်
ဇာယတေယထာ-ဖြစ်ပေါ်လာရသကဲ့သို.။တထာ-ထို.အတူ၊တံပေမံ-ထိုချစ်ခြင်းသည်၊ပုဗ္ဗေ-ရှေ.ဘ၀ဉ်၊သန္နိဝါသေန၀ါ-အတူတကွနေထိုင်ခဲ့ရခြင်းလည်းကောင်း၊ပစ္စုပ္ပန်ဘ၀တွင်အကျိုးစီးပွားကိုဆောင်ရွက်ပေးခြင်းကြောင့်လည်းကောင်း
ဧ၀ံ-ထိုနှစ်ပါးသောကြောင့်တို.ကြောင့်၊ဇာယတေ-ဖြစ်၏"
"အဓိပ္ပါယ် ပြောပြပါဦး ကိုလေးရဲ."
"ကြာညှိ၊ကြာဖြူ၊ကြာနီ၊ပဒုမ္မာကြာစသည်တို.ဖူးပွင့်ပေါ်ထွက်ရခြင်းဟာ ရေနဲ.ညွှန်.နှစ်ပါးသောအကြောင်းကြောင့်
ဖြစ်ပေါ်ခဲ့ရသလို ဒီအတူပဲတဲ့၊လူနှစ်ယောက်အခု ပစ္စုပ္ပန်ဘ၀မှာချစ်ခင်တွေ.ကြုံပေါင်းသင်းရခြင်းဟာလည်း...
၁။အတိတ်ဘ၀တွင်အတူတကွနေထိုင်ခဲ့ရခြင်း
၂။ယခုပစ္စုပ္ပန်ဘ၀တွင် (မိမိ ပေါင်းသင်းရတဲ့သူရဲ.)အကျိုးစီးပွားကိုဆောင်ရွက်ပေးခြင်း အဲ့ဒီအင်္ဂါနှစ်ချက်ကြောင့်ပဲတဲ့ညီမလေးရဲ."
"အဲ့ဒီအကြောင်း ကိုလေးပြောပြမှပဲကြားဖူးတော့တယ်"
"ကဲ အဲ့ဒီဟာဒီမှာရပ်လိုက်တော့ နကုလပိတာတို.အကြောင်းပြန်ဆက်ရအောင် နကုလပိတာတို.ကမေးတော့ မြတ်စွာဘုရားကပြန်ဖြေတယ်။"
နကုလပိတာနှင့်နကုလမာတာတို. သင်တို.ဟာယခုဘ၀သာမက နောင်သံသရာ ဘ၀အဆက်ဆက် ထာဝရပေါင်းသင်းနေထိုင်သွားလိုလျှင်...
၁။တူညီသော သဒ္ဒါတရားရှိခြင်း
၂။တူညီသော သီလရှိခြင်း
၃။တူညီသော ပေးကမ်းစွန်.ကြဲမှုရှိခြင်း
၎။တူညီသော ဥာဏ်ပညာရှိခြင်း ထိုအင်္ဂါလေးပါးနှင့်ပြည့်စုံပါကသင်တို. အလိုရှိတဲ့အတိုင်းဖြစ်စေရမည်လ်ို.မိန်.တော်မှုတယ်၊မိန်.ပြီးတော့ ကျောင်းကိုပြန်ကြွသွားတော်မူတယ်ပေါ့လေ"
"ဒီနေယာမှာ ကိုလေးကို စောဒကတစ်ခု ၀င်ချင်တယ်"
"နံပါတ် (၄) တူညီသောဥာဏ်ပညာရှိခြင်းဆိုတဲ့နေယာမှာပေါ့ ဥပမာပေါ့လေ..ယောကျာင်္င်္းကဘီအက်အေဘွဲ.ရတယ် မိန်းမကဆယ်တန်းမအောင်ဘူး အဲ့ဒီလိုဆိုရင်ဘယ်လိုလုပ်မလဲ"လောကမှာပညာတူဖို.ဆိုတာမလွယ်ကူတဲ့ကိစ္စမှမဟုတ်တာလေ"ကိုလေးရဲ.
"ဟာငါ့ညီမကတော့လုပ်ပြီ တူညီသောဥာဏ်ပညာရှိခြင်းဆိုတာလောကီအတန်းပညာကိုပြောတာမဟုတ်ဘူးငတုန်းမလေးရဲ."ဒါဖြင့်ဘာကိုပြောတာ
လဲအစ်ကိုဥာဏ်ကြီးရှင်ကြီးရဲ."ဥာဏ်ပညာတူရမယ်ဆိုတာ ကောင်းတာလုပ်ရင်ကောင်းတဲ့အကျိုးခံစားရမယ်၊မကောင်းတာ
လုပ်ရင်မကောင်းတဲ့အကျိုးကိုခံစားရတယ်၊အဲ့ဒီလို အကြောင်းအကျိုး အကောင်းအဆိုးကိုခွဲခြားဝေဖန်နိုင်တဲ့ဥာဏ်ကိုပြောတာငတုန်းမလေးရဲ."
"အော်ဟုတ်လား""ကဲညီမလေးရေ ဒီလောက်ဆိုတော်ရော်ပေါ့ မေးစရာရှိရင်နောက်မှပဲဆက်မေးတော့ ကိုလေးသွားစရာရှိသေးတယ်"
"ဟုတ်ကဲ့ပါကိုလေး"
ရဝေနွယ် (အင်းမ)ဘာသာရေးလမ်းညွန်မှတင်ပြထားပါသည်
No comments:
Post a Comment