ရင်သားတွဲကျခြင်းကိုကာကွယ်နိုင်သောနည်းလမ်းများ

ပြည့်ဖြိုးတင်းရင်းတဲ့ရင်သားအလှကိုပိုင်ဆိုင်လိုတာမိန်းကလေးတိုင်းရဲ့ဆန္ဒဖြစ်ပါလိမ့်မယ်။မိန်းကလေး တစ်ယောက်ရဲ့အလှတရားကိုထင်ရှားပေါ်လွင်စေပြီးဆွဲဆောင်မှုရှိစေတဲ့အရာတွေထဲမှာရင်သားက မရှိမဖြစ်ပါ။
သင့်ကောက်ကြောင်းလေးအထင်သားပေါ်လွင်စေဖို့ရင်သားကလည်းပံ့ပိုးပေးပါတယ်။ဒါပေမဲ့တစ်ချိန်မှာ ဒီအလှတရားဆုံးရှုံးသွားမှာကိုသင်စိုးရိမ်နေပါသလား။အဆီတွေ၊ဂလင်းတွေ၊တွယ်ဆက်တစ်သျှူးတွေနဲ့ ဖွဲ့စည်းထားတဲ့သင့်ရင်သားဟာတစ်သျှူးတွေလျော့ရဲလာတဲ့အခါ၊တစ်သျှူးရဲ့ကျုံ့နိုင်ဆန့်နိုင်တဲ့ စွမ်းအားလျော့နည်းလာတဲ့အခါမျိုးတွေမှာတွဲကျလာတတ်ပါတယ်။
မိန်းကလေးအများစုကရင်သားတွဲကျလာတာကိုမလိုလားကြသလိုသင်တို့ရဲ့အမျိုးသား အဖော်ကလည်းနှစ်သက်မှာမဟုတ်ပါဘူး။ရင်သားတွဲကျတာကိုနို.သီးခေါင်းရဲ့အနေအထားပေါ်မူတည်ပြီး ခွဲခြားနိုင်ပါတယ်။နို.သီးခေါင်းကပုံမှန်အနေအထားထက်အနည်းငယ်နိမ့်ကျနေပါကရင်သားတွဲကျတာ သိပ်မဆိုးပါဘူး။တကယ်လို့နို.သီးခေါင်းတွေကပုံမှန်အနေအထားထက်အလွန်အမင်းနိမ့်ကျပြီး
အောက်ဘက်ကိုစိုက်နေရင်တော့ရင်သားတွဲကျတာဆိုးနေပါပြီ။

ရင်သားတွဲကျစေသောအကြောင်းအရာများ

၁။ ကိုယ်အလေးချိန်ကျဆင်းခြင်း

ကိုယ်အလေးချိန်ကျဆင်းတာကရင်သားတွဲကျတာကိုဖြစ်စေတဲ့အဓိကအကြောင်းရင်းပါ။ခန္ဓာကိုယ် အလေးချိန်တိုးလာတဲ့အခါအရေပြားကိုကျယ်ပြန့်အောင်ဆန့်ထားတာကြောင့်တင်းတင်းရင်းရင်း
ဖြစ်စေပါတယ်။ရုတ်တရက်ကိုယ်အလေးချိန်လျော့သွားတဲ့အခါခန္ဓာကိုယ်တစ်ခုလုံးက အရေပြားတွေလျော့တွဲလာသလိုသင့်ရင်သားတွေလည်းလျော့တွဲလာစေပါတယ်။

၂။ ကမ္ဘာမြေကြီးဆွဲငင်အား

ကမ္ဘာမြေကြီးဆွဲငင်အားကသင့်ရင်သားကိုတွဲကျစေတယ်ဆိုလို့မအံ့သြလိုက်ပါနဲ့။ဒါကအမှန်တကယ်ပါပဲ။ ကမ္ဘာမြေကြီးဆွဲငင်အားကအရာအားလုံးကိုဆွဲထားသလိုသင့်ရင်သားကိုလည်းဆွဲတာကြောင့် တွဲကျစေတာပါ။ရင်သားတစ်သျှူးတွေကိုလျော့ရဲစေသလိုရင်သားမှာအရေးကြောင်းတွေကိုပါ
ဖြစ်ပေါ်စေပါတယ်။

၃။ မီးယပ်သွေးဆုံးခြင်း

အမျိုးသမီးတွေသွေးဆုံးချိန်မှာအီစထရိုဂျင်လို့ခေါ်တဲ့မဟော်မုန်းဓာတ်လျော့နည်းသွားပါတယ်။ အဲဒီအချိန်မှာရင်သားကိုတင်းရင်းပြည့်ဖြိုးစေတဲ့ကော်လာဂျင်တွေလျော့နည်းသွားပြီး သင့်ရင်သားကိုလျော့တွဲလာစေပါတယ်။

၎။ လျော့ရဲသောဘရာစီယာဝတ်ဆင်ခြင်း

အမျိုးသမီးတွေအတွက်အရေးကြီးဆုံးကဘရာစီယာကိုရင်သားအရွယ်အစားအလိုက်သင့်တော်တဲ့ ပုံစံအနေအထားဝတ်ဆင်ဖို့ပါ။ဘာကြောင့်လဲဆိုတော့ဘရာစီယာပုံစံမှန်မှန်မဝတ်ဆင်တာက သင့်ရင်သားကိုတွဲကျစေတာကြောင့်ပါ။

ဘယ်လိုကာကွယ်ရမလဲ

၁။ အစားထိုးခြင်း၊ခွဲစိတ်ခြင်း

ရင်သားပိုမိုပြည့်ဖြိုးစေဖို့နဲ့တင်းတင်းရင်းရင်းရှိစေဖို့ရင်သားအစားထိုးခြင်းနဲ့ရင်သား ခွဲစိတ်ပြုပြင်ခြင်းတွေပြုလုပ်လို့ရပါတယ်။ရင်သားတွဲကျနေသူတစ်ယောက်အနေနဲ့ရင်သားအစားထိုးခြင်းနဲ့ ရင်သားခွဲစိတ်ပြုပြင်ခြင်းတွေလုပ်တာကတွဲကျနေတဲ့ရင်သားကိုအပြည့်အဝမပြုပြင်နိုင်ပါဘူး။ ဘာကြောင့်လဲဆိုတော့ပြုပြင်တာဟာရင်သားပြည့်တင်းလာပေမယ့်နို.သီးခေါင်းကတော့
အောက်ဆိုက်နေနိုင်ပါတယ်။

၂။ အရွယ်အစားနဲ့ကိုက်ညီသောဘရာစီယာဝတ်ဆင်ပါ

ရင်သားအရွယ်အစားနဲ့ကိုက်ညီပြီးသင့်တော်တဲ့ဘရာစီယာအရွယ်အစားကိုရွေးချယ်ဝယ်ယူကာ ၀တ်ဆင်ပါ။ကိုယ်ဝန်ဆောင်ချိန်နဲ့နို.တိုက်ကျွေးချိန်တွေကရင်သားတွဲကျနိုင်တာကြောင့်သင့်တော်တဲ့ ဘရာစီယာဝတ်ဆင်ပေးဖို့ပိုမိုအရေးကြီးပါတယ်။

၃။ သဘာဝကရတဲ့ဆေး

ဒါတွေကိုအသုံးပြုတာဟာအန္တရာယ်အကင်းဆုံး၊ငွေကုန်ကြေးကျအသက်သာဆုံးနဲ့ခွဲစိတ်စရာမလိုတဲ့ နည်းလမ်းတစ်ခုပါ။သဘာဝကရတဲ့အရာတွေနဲ့ဖော်စပ်ထုတ်လုပ်ထားတဲ့လိမ်းဆေး၊ဖျန်းဆေးတွေ အသုံးပြုပြီးသင့်ရင်သားအလှကိုပြုပြင်နိုင်ပါတယ်။အသင့်တော်ဆုံးနည်းလမ်းဖြစ်ပါတယ်။

၎။ နှိပ်နှယ်ပေးခြင်း

သင့်ရင်သားကိုနှိပ်နယ်ပေးတာကဆိုးကျိုးအန္တရာယ်တစ်စုံတစ်ရာမပေးဘဲသင့်ရင်သားတွဲကျတာကို ကာကွယ်ပေးနိုင်ပါတယ်။နှိပ်နယ်ပေးတဲ့အခါရင်သားအတွက်သီးသန့်ထုတ်လုပ်ထားတဲ့အဆီနဲ့ လိမ်းဆေးတွေကိုအသုံးပြုပြီးနှိပ်နယ်ပေးပါ။

ကျောက်ချဉ်အစွမ်းနဲ့ အမျိုးသမီးများ ကျန်းမာရေး...

အမျိုးသမီးတွေဟာအမျိုးသားတွေထက်ကျန်းမာရေးကိစ္စမှာဝန်ပိုတွေရှိကြပါတယ်။အခုကျွှန်တော်တင်ပြမယ့် အမျိုးသမီးကျန်းမာရေးနဲ့ပတ်သက်တဲ့အကြောင်းမှာကျောက်ချဉ်နဲ့ပတ်သက်ပြီးအစွမ်းထက်မြက်မှုတချို့ပါ။ 

ကျောက်ချဉ်လို့ပြောလိုက်ရင်မြန်မာစာဖတ်ပရိသတ်တိုင်းသိနားလည်ပြီးဖြစ်နေပါလိမ့်မယ်။လူတိုင်း၊ ပစ္စည်းတိုင်းမှာသူ့တန်ဘိုးကိုယ်စီအသီးသီးရှိတတ်ကြစမြဲဖြစ်တာမို့ကျောက်ချဉ်ကလည်းသူ့အစွမ်းက သီးခြားရှိပါတယ်။ 

ကျောက်ချဉ်ကို Alum လို့ခေါ်ပြီးအလူမီနီယမ်ဆာလဖိတ်၊ပိုတက်ဆီယမ်ဆာလဖိတ်တို့ပါဝင်တဲ့ဓာတု တွင်းထွက်တမျိုး ဖြစ်ပါတယ်။ကျောက်ချဉ်ဟာအမျိုးသမီးတွေအတွက်အသုံးအတည့်ဆုံးတခုလို့ပြောရင် မမှားပါဘူး။မိန်းမပျိုကအစ၊ကိုယ်ဝန်မရနိုင်လို့ကလေးလိုချင်နေတဲ့အိမ်ထောင်သည် အလယ်၊သွေးဆုံးနေတဲ့အမျိုးသမီးတွေအဆုံးကျောက်ချဉ်ကအလွန်အသုံးဝင်ပါတယ်။ 
အမျိုးသမီးကျန်းမာရေးမှာအမျိုးသမီးတိုင်းမိန်းမကိုယ်သန့်ရှင်းရေးဟာအလွန်အရေးကြီးပါတယ်။ အမျိုးသမီးတွေကိုယ်နံ့ထွက်တာ၊စိတ်လက်မလန်းဆန်းပဲသွက်လက်မှုမရှိဖြစ်နေတာတွေဟာ၊ ယားယံတတ်တာတွေဟာမိန်းမကိုယ်သန့်ရှင်းရေးကိစ္စနဲ့တိုက်ရိုက်ပတ်သက်ပြီးအဆိုပါကိစ္စ မှာကျောက်ချဉ်ကအလွန်အသုံးတည့်ပါတယ်။ဒီအပြင်ခုခေတ်မှာနာမည်ကြီးနေပြီး ကာကွယ်ဆေးတွေငွေကုန်ခံထိုးနေရတဲ့သားအိမ်ခေါင်းကင်ဆာလိုမျိုးမဖြစ်ပွားအောင်ဟန့်တား ကာကွယ်နိုင်မှုမှာကျောက်ချဉ်ဟာလည်းအကျိုးအလွန်ရှိပါတယ်။ကိုယ်ဝန်ကိုကျန်းမာစွာလွယ်လိုသူ အိမ်ထောင်ရှင်အမျိုးသမီးတွေအတွက်လည်းကျောက်ချဉ်ကအစွမ်းထက်ပါတယ်။ကလေးမရလို့ စိတ်ညစ်နေရသူများအတွက်လည်းအလွန်အသုံးတည့်ပါတယ်။ဒီအပြင်ရာသီလာချိန်ခေါင်းကိုက်တာ၊ ကိုယ်လက်အဆစ်အမြစ်ကိုက်ခဲတာ၊သွေးလန့်တတ်တာ၊ရာသီမမှန်ပဲလာရန်ခက်ခဲတာတွေအတွက်လည်း
ကျောက်ချဉ်ကအသုံးဝင်ပါတယ်။ပြီးတော့သွေသားသန့်ရှင်းပြီးအသားအရေစိုပြေမှုတွေကိုလည်း 
ကျောက်ချဉ်ကစွမ်းဆောင်စေပါတယ်။ချွေးပေါက်ကျယ်တာအစဒွါရပေါက်တွေလည်းကျယ်တာကိုလည်း ကျဉ်းစေတဲ့သတ္တိရှိပါတယ်။
 
ကျောက်ချဉ်ကိုအသုံးပြုပုံကတော့...အင်တုံတခုသို့မဟုတ်ပလပ်စတစ်ဇလုံကြီးတခုထဲမှာကျောက်ချဉ်ကို သင့်တင့်တဲ့ပမာဏထည့်ပြီးပျော်ဝင်သည်ထိစောင့်ပါ။ပြီးရင်အမျိုးသမီးများအနေနဲ့မိမိရဲ့မိန်းမကိုယ်ကို အဆိုပါဇလုံတွင်းကျောက်ချဉ်ရေဖြင့်တနေ့လျှင်၁၅မိနစ်လောက်စိမ်ပေးပါ။ 
လုပ်နည်းလုပ်ဟန်ကအင်မတန်ရိုးစင်းပြီးလွယ်ပေမယ့်နေ့စဉ်ပုံမှန်လုပ်ဆောင်ပေးခြင်းဆိုတဲ့အရာကို အမျိုးတော်တော်များများမှာအခက်အခဲတွေ့တတ်ကြပါတယ်။ဒါကိုတော့သတိပြုစေချင်ပါတယ်။ 
နေ့စဉ်၁၅မိနစ်တာကိုယ့်ကျန်းမာရေးအတွက်အချိန်ပေးပြီးကျောက်ချဉ်ရေစိမ်ပေးခြင်းကြောင့်ရရှိလာမယ့် ရလာဒ်ကကြီးမားလှပါတယ်။ပျိုမေတို့မှသည်သက်ကြီးရွယ်အိုအမျိုးသမီးကြီးတွေအထိအသုံးတည့်ပြီး အကျိုးရှိတဲ့နည်းလမ်းတခုလည်းဖြစ်ပါတယ်။ငွေကုန်ကျေးကျလည်းအလွန်နည်းပြီး ခက်ခဲမှုလည်း မရှိပါဘူး။

မိန်းကလေးတိုင်း သိထားသင့်သော အဖြူဆင်းခြင်း

မိန်းကလေးတွေမှာအဖြူဆင်းတာကအဖြစ်များတတ်ပြီးမစိုးရိမ်ရတဲ့အခြေအနေဖြစ်နိုင်သလို အသက်အန္တရာယ်ကိုထိခိုက်စေနိုင်တဲ့အခြေအနေလည်းဖြစ်နိုင်ပါတယ်။အဖြူဆင်းတာကအနံ့အသက် ရှိတယ်၊အရောင်ရှိတယ်ဆိုရင်ပိုးဝင်တာကြောင့်ဖြစ်နိုင်ပါတယ်။

ပုံမှန်အဖြူဆင်းခြင်း
မိန်းကလေးတွေမှာအဖြူဆင်းရတဲ့အကြောင်းကအမျိုးမျိုးဖြစ်နိုင်ပါတယ်။တစ်လတစ်ကြိမ်သားဥကြွေချိန်မှာ မိန်းကလေးတွေရဲ့အဖြူဆင်းတာကပြောင်းလဲမှုဖြစ်ပေါ်နိုင်ပါတယ်။သားဥကြွေချိန်နီးတဲ့ရက်တွေမှာသင်ရဲ့ အဖြူဆင်းတာကအရည်ကြည်ကြည်တွေဆင်းတတ်ပါတယ်။ဒါကပုံမှန်အဖြူဆင်းတာဖြစ်လို့မစိုးရိမ်ပါနဲ့။

ပုံမမှန် အဖြူဆင်းခြင်း
မိန်းမကိုယ်ကနေပုံမမှန်အဖြူဆင်းနေတယ်ဆိုရင်တော့သားဖွားမီးယပ်ဆရာဝန်နဲ့အမြန်ဆုံးပြသစစ်ဆေးဖို့ လိုပါတယ်။သားအိမ်ခေါင်းကင်ဆာနဲ့သားဥအိမ်ကင်ဆာတွေဖြစ်နေနိုင်တာကြောင့်ပါ။
ငါးညှီနံရခြင်း...အဖြူဆင်းတဲ့အခါငါးညှီနံလိုညှီစို့စို့အနံ့မျိုးရနေရင်ဒါဟာပုံမှန်မဟုတ်ပါဘူး။ဘက်တီးရီးပိုး ဝင်တာကြောင့်ဖြစ်နိုင်ပါတယ်။အိမ်တွင်းကုထုံးနဲ့ဖြေရှင်းနိုင်ပါတယ်။ပိုးသတ်အာနိသင်ရှိတဲ့ကြက်သွန်ဖြူ စားပါ၊ဒိန်ချဉ်သောက်ပါ။အဖြူဆင်းတဲ့အခါငါးညှီနံ့ရနေတာဟာယောနိလမ်းကြောင်းရောင်ရမ်းနေတာကြောင့်
လည်းဖြစ်နိုင်ပါတယ်။ယောနိလမ်းကြောင်းရောင်ရမ်းမှုကိုမျိုးဆက်ပွားများနိုင်တဲ့အသက်အရွယ် အတွင်းမှာရှိတဲ့မိန်းကလေးတိုင်းဖြစ်နိုင်ပါတယ်။ဒါဟာလိင်မှတစ်ဆင့်ကူးစက်တတ်တဲ့ရောဂါကြောင့်လို့တော့ သတ်မှတ်လို့မရပါဘူး။ကုသမှုနည်းလမ်းတွေကတော့မျိုးစုံရှိနိုင်ပါတယ်။အိမ်တွင်းကုထုံးနဲ့မသက်သာပါက ဆရာဝန်နဲ့ ပြသတိုင်ပင်ပါ။

အဖြူဆင်းရာတွင်အရောင်ပါခြင်း
လိင်မှတစ်ဆင့်ကူးစက်တတ်တဲ့ရောဂါဖြစ်ပါတယ်။အနံ့အသက်ဆိုးဆိုးရွားရွားထွက်နေတာ၊အဖြူဆင်း ရာမှာအစိမ်းရောင်၊အဝါရောင်ဒါမှမဟုတ်မီးခိုးရောင်တွေဖြစ်နေတတ်ပြီးအမျိုးသားနဲ.အတူနေတဲ့အခါ နာကျင်တာ၊ယားယံတာနဲ့ယောနိလမ်းကြောင်းတစ်လျှောက်နေမထိထိုင်မသာဖြစ်တတ်ပါတယ်။
ဒိန်ချဉ်လိုအဖတ်များဆင်းခြင်း..မိန်းမကိုယ်မှိုစွဲတာကြောင့်ဖြစ်ပါတယ်။ဒိန်ချဉ်သောက်ပေးရုံနဲ့ အလွယ်တကူပျောက်ကင်းနိုင်ပါတယ်။အနံ့အသက်မရှိတတ်ပေမယ့်ပူစပ်ပူလောင်ဖြစ်တာနဲ့ ယားယံတာတွေခံစားရတတ်ပါတယ်။ဆီးသွားတဲ့အခါနာကျင်မှုဖြစ်တတ်ပါတယ်။ကလမ်မိုင်ဒီယား မှိုပိုးကြောင့်ဖြစ်တတ်ပြီးဆရာဝန်နဲ့ပြသဖို့လိုပါတယ်။

အရည်ကြည်များဆင်းခြင်း
လိင်မှတစ်ဆင့်ကူးစက်တတ်တဲ့ဟားပီးစ်ဗိုင်းရပ်စ်ပိုးကြောင့်အရည်ကြည်ကြည်တွေဆင်းတာနဲ့မိန်းမကိုယ် တစ်ဝိုက်မှာကြွက်နို့ပေါက်တာတွေဖြစ်တတ်ပါတယ်။မိန်းမကိုယ်တစ်ဝိုက်မှာပူစပ်ပူလောင်ဖြစ်တာ၊ ယားယံတာတွေဖြစ်တတ်ပြီးအရည်ကြည်ဖုတွေလည်းပေါက်တတ်ပါတယ်။အဖြူဖတ်များဆင်းခြင်း ဂနိုရောဂါကြောင့်မိန်းမကိုယ်ကအဖြူဖတ်တွေဆင်းနေနိုင်ပါတယ်။အဖြူဖတ်တွေဆင်းတာနဲ့အတူ
ရောင်ရမ်းတာ၊နာကျင်တာ၊ယားယံတာတွေလည်းဖြစ်နိုင်ပါတယ်။
                                                                                 အလင်း (ဆေးဝါး)

အမျိုးသမီးတွေရဲ. ရင်သားကို တနေ. ၁၅ မိနစ်ကြည့်ရင် ကျန်းမာရေးပိုကောင်းစေနိုင်

Facebookမှာတောင်ပျံ့သွားတဲ့အမျိုးသမီးတွေရဲ့ရင်သားကိုတနေ့၁၅မိနစ်ကြည့်ရင်ကျန်းမာရေး ပိုကောင်းစေနိုင်တယ်ဆိုတာကိုအမှတ်မဲ့မြင်ဖူးလိုက်မယ်ထင်ပါတယ်။အခုကြည့်တာတင်မဟုတ်ပဲ ညှစ်ရတော့မှာပါ။

သိပ္ပံပညာရှင်တွေကအမျိုးသမီးတွေရဲ့ရင်သားကိုညှစ်ပေးချင်းအားဖြင့်Cancerဖြစ်စေနိုင်တဲ့အန္တရာယ်ရှိတဲ့ Cell တွေဖြစ်ပေါ်ခြင်းကကာကွယ်နိုင်တယ်လို့ပြောလိုက်ပါတယ်။
ကဲကောင်လေးနဲ့ကောင်မလေးတွေရင်သားကင်ဆာတားဆီးရေးအတွက်ကိုယ်စွမ်းရှိသလောက် ကူညီကျတာပေ့ါဟုတ်တယ်မလား:D California ပြည်နယ်က Berkeley တက္ကသိုလ်မှာဒီသုတေသန ကိုဦးဆောင်တဲ့သူတွေထဲကတစ်ယောက်ဖြစ်တဲ့ Gautham Venuhopalan က Cell တွေအပေါ်ဒြပ်ရှိတဲ့ ဖိအားပေးမှုကနဂိုမူလဖွံ့ဖြိုးမှုလမ်းကြောင်းထဲပြန်ထိမ်းပေးနိုင်တယ်ဆိုတာစမ်းသပ်မှုတွေကတစ်ဆင့်တွေ့ရှိ ရတယ်လို့ပြောပါတယ်။ဆန့်ကျင်ဘက်အနေနဲ့ဆိုရင်တော့Cancerဖြစ်နိုင်မယ့်ဖွံ့ဖြိုးမှုကိုအားသာစေပါတယ်။

 

အတိအကျပြောရရင်ရာစုနှစ်ပေါင်းများစွာကတည်းကအားသက်ရောက်မှုကြောင့်ခန္ဓာကိုယ်ကိုပြောင်းလဲ

စေနိုင်တယ်ဆိုတာလူတွေကသိပြီးသားပါ။ဥပမာ...ပေးရရင်ဝိတ်မတယ့်အခါကြွက်သားတွေကြီးလာသလိုပေ့ါ။ 

ကမ္ဘာမြေကြီးရဲ့ဆွဲငင်အားကကျွန်တော်တို့အရိုးတွေကိုသန်မာလာစေဖို့အဓိကကျပါတယ်။အခုဒီမှာ ကျွန်တော်တို့ပြောချင်တာကဒြပ်ရှိအားသက်ရောက်မှုကဖွံ့ဖြိုးမှုနေရာမှာအချက်အချာကြနိုင်ပြီးCancel Cell တွေဖြစ်ပေါ်လာမှုကိုကျုံ့စေပါတယ်။ဒီစမ်းသပ်မှုမှာ Cancer ဖြစ်စေနိုင်တဲ့ Cellတွေကို Silicone ထဲမှာ ဖွံ့ဖြိုးစေပြီး ပထမ Cell ဖွံ့ဖြိုးလာတဲ့အဆင့်မှာ Silicone ကိုညှစ်တာ ပါဝင်ပါတယ်။အချိန် ကြာလာတာနဲ့ အမျှ Cell တွေက ပုံမှန်ပြန်လည် ဖွံ့ဖြိုး လာတာကို တွေ့ရပါတယ်။ Venugopalan ကဒီ Cell တွေဟာ ပုံမှန်ကျန်းမာတဲ့ပုံစံထဲပြန်ဝင်လာဖို့အရိပ်အမြွက်လေးလောက်ပဲလိုတာပါ။ဖျစ်ညှစ်ခြင်းကအဲ့ဒီအရိပ်အမြွက် ပါပဲ။

ကဲစာဖတ်သူတို့ ရင်သား Cancer ရောဂါပပျောက်ဖို့များများညှစ်ကြစို့။

နှုတ်ခမ်းနီးဆိုးခြင်းကြောင့် ဥာဏ်ရည်ဥာဏ်သွေး ထိခိုက်နိုင်

နှုတ်ခမ်းနီအမျိုးအစားပေါင်း ၂၂ မျိုးကိုမကြာခင်ကပြုလုပ်တဲ့လေ့လာမှုအရသူတို့ထဲမှ ၅၅ ရာခိုင်နှုန်းဟာ
စိတ်ကျန်းမာရေးအခြေအနေကိုထိခိုက်စေနိုင်တဲ့ခဲပစ္စည်းတွေအနည်းငယ်ပါဝင်နေတယ်လို့သိရပါတယ်။
အဲဒီထဲမှာနှုတ်ခမ်းနီထုတ်ကုန် ၁၂ ခုမှ နှစ်ခုရဲ့နမူနာကိုစမ်းသပ်စစ်ဆေးရာမှာအဆိပ်သင့်စေတဲ့ ခဲပစ္စည်းဟာ ၃.၂၂ parts per million ထိအမြင့်ဆုံးပါဝင်နေတာကိုတွေ့ရှိခဲ့တယ်လို့ Daily Mail မှာဖော်ပြ ထားပါတယ်။
ခဲဓာတ်ကိုပမာဏအနည်းငယ်နဲ့ထိတွေ့မှုရှိရင်တောင်ကျန်းမာရေးကိုဆိုးရွားစွာထိခိုက်နိုင်ပြီးစိတ် ကျန်းမာရေးအတွက်ထိခိုက်မှုရှိတယ်လို့ဘောစတွန်မှခဲအဆိပ်သင့်မှုကာကွယ်ရေးအစီအစဉ်မှ
ဆေးပညာဆိုင်ရာဒါရိုက်တာ ဒေါက်တာရှောင်ကပြောပါတယ်။
ခဲဆိပ်ပမာဏအနည်းငယ်နဲ့ထိတွေ့ရင်တောင်ဥာဏ်ရည်ဥာဏ်သွေး၊အပြုအမူနဲ့သင်ယူနိုင်စွမ်းရည်တွေ ထိခိုက်နိုင်တယ်လို့သူကဆိုပါတယ်။ခဲဆိပ်သင့်မှာကိုကြောက်ရင်နှုတ်ခမ်းနီတစ်မျိုးတည်းသာမကပါဘူး။ ကလေးတွေနေထိုင်ရာအရပ်ကိုလည်းဂရုစိုက်ရပါမယ်။
အမှိုက်ပုံနားကနေရာမှာနေတာ၊အိမ်သုတ်ဆေးမှအကြွင်းအကျန်အမှုန့်တွေကိုမျိုချမိတာ
တွေမဖြစ်အောင်ရှောင်ကြဉ်ရပါမယ်။နှုတ်ခမ်းနီတိုင်းမှာတော့ရည်ရွယ်ချက်နဲ့ခဲကိုထည့်သွင်း ထားတာမဟုတ်ပေမယ့်အရောင်တွေဟာသတ္တုဓာတ်ကိုအခြေခံတာမို့ ရေ၊ လေနဲ့ မြေမှာသဘာဝအတိုင်း ပါဝင်တဲ့ခဲပမာဏအနည်းငယ်တော့ပါဝင်တတ်ပါတယ်။

                                                                            ဒေါက်တာခင်မိုးမိုး

                                                                             Good Health

ဆေးလိပ် နှင့် နှလုံးရောဂါ

ကမ္ဘာ့နှလုံးစောင့်ရှောက်ရေးအဖွဲ့ကြီးမှဦးစီးပြီးနှစ်စဉ်ကျင်းပနေတဲ့ဒီနေ့မှာတစ်ခုခုရေးချင်တာနဲ့ဆေးလိပ် မကောင်းကြောင်းကိုပဲရေးဖို့ဆုံးဖြတ်လိုက်ပါတယ်။ဒီနှစ်ကမ္ဘာ့နှလုံးများနေ့ရဲ့ဆောင်ပုဒ်ကလည်းနှလုံး အန္တရာယ်သိရှိကာကွယ်(Do you know your risk?)ဆိုတော့စာဖတ်သူတွေထဲမှာမသိတဲ့သူသိအောင် သိပြီးသားသူပိုပြီးသတိထားမိအောင်ဒီခေါင်းစဉ်လေးကိုရွေးချယ်လိုက်ပါတယ်။သိပြီးသားသူဆိုတဲ့ထဲ မှာဆရာဝန်တွေကထိပ်ဆုံးကပါ။ကျွန်တော်အခုစာသင်နေတဲ့ဆေးရုံကနှလုံးအထူးကုဆေးရုံကြီးတစ်ခုပါ။ Wardတစ်ခုထဲမှာအတူတူအလုပ်လုပ်နေတဲ့လက်ထောက်ဆရာဝန်(၁၅)ယောက်ခန့် ရှိပါတယ်။သူတို့ရဲ့ DUTY COAT ထဲမှာဆေးလိပ်ဘူးကိုယ်စီရှိကြပါတယ်။မနက်ပိုင်းလူနာကြည့်ချိန်ပြီးတာနဲ့smoking zone (ဆေးလိပ်သောက်ရန်သတ်မှတ်ထားသောနေရာ)ကိုပြေးကြတာပါပဲ။သူတို့အတွက်လူနာကြည့်ချိန် (၁)နာရီလောက်ကိုခက်ခက်ခဲခဲဖြတ်ကျော်ခဲ့ရပုံပါပဲ။နောက်ပါမောက္ခကြီး။သူကတော့နေ့လည်းပိုင်း စာသင်ခန်းမှာ(၄၅)မိနစ်စာသင်ပြီးတာနဲ့ဆေးလိပ်သောက်နားချိန်ပေးပါတယ်။ဆေးလိပ်တစ်လိပ်ကုန်မှ စာသင်ခန်းကိုပြန်လာပါတယ်။ဆရာဝန်တွေကိုယ်တိုင်နစ်ကိုတင်းရဲ့သားကောင်တွေဖြစ်နေကြပါတယ်။ သာမန်စာဖတ်သူတွေကတော့ဆေးလိပ်နဲ့အသက်ရှူလမ်းကြောင်းဆိုင်ရာရောဂါတွေဆက်နွယ်နေတယ် ဆိုတဲ့အကြောင်းသိပြီးကြမှာပါ။နှလုံးကျန်းမာရေးနဲ့ပက်သက်ရင်တော့သိတဲ့သူနည်းပါလိမ့်မယ် ငယ်ငယ်ကမြန်မာ့ရုပ်မြင်သံကြားမှာပညာပေးဇာတ်လမ်းတိုလေးကြည့်ဖူးပါတယ်။ကျန်းမာရေးဝန်ကြီး ဌာနကတော့နည်းမျိုးစုံနဲ့တတ်နိုင်သမျှပညာပေးနေတာပါပဲ။နှလုံးရောဂါတွေဖြစ်စေနိုင်တဲ့အခြေခံ အကြောင်းအရင်းတွေထဲမှာဆေးလိပ်သောက်ခြင်းကအဓိကအချက်တစ်ချက်ဖြစ်ပါတယ်။နေ့စဉ်ဆေးလိပ် ဘယ်နှစ်လိပ်သောက်တယ်ဆိုတဲ့အချက်ကနှလုံးရောဂါဖြစ်ပွားမှုအပေါ်မှာတိုက်ရိုက်အကျိုးသက်ရောက် ပါတယ်။များများသောက်လေဖြစ်ဖို့အလားအလာပိုများလေပါပဲ။နေ့စဉ်ဆေးလိပ်တစ်ဘူးကုန်အောင်
သောက်တဲ့သူဟာဆေးလိပ်လုံးဝမသောက်တဲ့သူနဲ့စာရင်နှလုံးရောဂါဖြစ်နိုင်ခြေ(၂)ဆပိုများပါတယ်
ဆေးလိပ်လည်းသောက်တယ်သန္ဓေတားဆေးတွေလည်းသုံးစွဲတယ်ဆိုတဲ့အမျိုးသမီးတွေ အတွက်တော့ဖြစ်နိုင်ခြေပိုများပါတယ်။ဆေးလိပ်သောက်တယ်ဆိုတဲ့ခေါင်းစဉ်အောက်မှာ တဆင့်ခံဆေးလိပ်သောက်ခြင်း(secondhandsmoke)လည်းပါဝင်ပါတယ်။နှစ်စဉ်နှလုံးရောဂါကြောင့်
သေဆုံးသူ၃၅၀၀၀ခန့်ဟာဒီလိုတဆင့်ခံဆေးလိပ်သောက်ခြင်းနှင့်တိုက်ရိုက်ဆက်စပ်နေတယ်လို့ ဆိုပါတယ်။ဆေးလိပ်နှင့်နှလုံးရောဂါဘယ်လိုဆက်စပ်နေသလဲ?ဆေးလိပ်မှာအဓိကပါဝင်တဲ့ နီကိုတင်းဓါတ်က
၁။ နှလုံးအတွက်လိုအပ်တဲ့အောက်ဆီဂျင်ရရှိမှုကိုနည်းပါးစေပါတယ်။
၂။ သွေးဖိအားကိုများစေပြီးနှလုံးခုံနှုန်းကိုမြန်စေပါတယ်။
၃။ သွေးခဲအောင်အားပေးပါတယ်။
၎။ နှလုံးသွေးကြောအပါအ၀င်သွေးကြောအားလုံး၏နံရံမှဆဲလ်များကိုထိခိုက်ပျက်စီးစေပါတယ်။

 ဆေးလ်ိပ်ဖြတ်ခြင်း၏အကျိုးကျေးဇူးများ
၁။ အသက်ကိုရှည်စေပါတယ်။
၂။ နှလုံးရောဂါ၊သွေးတိုးရောဂါနှင့်ကင်ဆာရောဂါများဖြစ်ပွားနိုင်ခြေကိုလျော့နည်းစေပါတယ်။ ၃။ ချောင်းဆိုးခြင်း၊လည်ချောင်းနာခြင်းများကင်ဝေးပြီးအမောအပန်းခံနိုင်လာပါတယ်။
၎။ အသားအရေတွန့်ခြင်း၊အရွယ်မတိုင်ခင်အိုမင်းရင့်ရော်ခြင်းကိုကာကွယ်ပေးပြီးနုပျိုစေပါတယ်။
၅။ အရသာခံခြင်း၊အနံ့ခံခြင်းစတဲ့အာရုံများကိုတိုးတက်စေပါတယ်။
၆။ ငွေကြေးအကုန်အကျသက်သာပါတယ်။
၇။ ဆေးလိပ်ငွေ့ကင်းစင်တဲ့ပျော်စရာမိသားစုလေးကိုပိုင်ဆိုင်နိုင်ပါတယ်။ဆေးလိပ်ဘယ်လိုဖြတ်ကြမလဲ?
ဆေးလိပ်မကောင်းကြောင်းလည်းပြောပြီးပြီ။ဆေးလိပ်မသောက်ရင်ဘာတွေကောင်းမယ်ဆိုတာလည်း
ပြောပြီးပြီ။ဆေးလိပ်ဘယ်လိုဖြတ်ရမလဲဆိုတဲ့မေးခွန်းတွေကိုခဏခဏအမေးခံရဖူးပါတယ်။
ဆေးလိပ်ဖြတ်တယ်ဆိုတာဆရာပြောသလောက်မလွယ်ပါဘူးဆိုတဲ့သူတွေလည်းကြုံဖူးပါတယ်။ မလွယ်ဘူးဆိုတာကိုယ်တိုင်မသောက်ပေမယ့်ရ်ိပ်စားမိပါတယ်။သို့ပေမယ့်လည်းမိမိကောင်းကျိုး၊ မိသားစုကောင်းကျိုးရှေ့ရှူပြီးကြိုးစားသင့်ပါတယ်။ဆေးလိပ်ဖြတ်မယ်လို့ဆုံးဖြတ်တဲ့အခါမှာ မိမိကိုယ်တိုင်ကပြတ်သားဖို့လိုပါတယ်။လိုလိုချင်ချင်ရှိရပါမယ်။ရည်းစားကဖြတ်ခိုင်းလို့ဆိုတာထက် မိမိကိုယ်တိုင်မသောက်သင့်တော့ဘူး၊ဖြတ်ကိုဖြတ်ရမယ်ဆိုတာမျိုးဖြစ်သင့်ပါတယ်။ပထမဆုံးလုပ်ရမှာက
ဆေးလိပ်ဖြတ်မယ့်နေ့ကိုရွေးရပါမယ်။ဒီနေ့ဖြတ်ရမယ်လို့မဆိုလိုပါဘူး။ဥပမာ အောက်တိုဘာ ၁၅ ရက်နေ့ဆေးလိပ်ဖြတ်မည်ဆိုတာမျိုးပေါ့။ရက်ရွေးပြီးရင်တိတိကျကျလုပ်ရပါမယ်။ဘာအကြောင်းနဲ့မှ ရက်နောက်ဆုတ်သွားတာမျိုးမဖြစ်သင့်ပါဘူး။
၁။ဘာကြောင့်ဆေးလိပ်ဖြတ်ဖို့ရွေးချယ်ခဲ့တယ်ဆိုတာရေးသားပြီးနေ့စဉ်ပြန်ပြန်ဖတ်ပါ။ဥပမာ...ဆေးလိပ်ရဲ.
   ဆိုးကျိုးတွေကိုရေးချပြီးနေ့စဉ်ပြန်သတိရအောင်ဖတ်ပါ။
၂။ဘာလို့အချိန်တွေမှာဆေးလိပ်သောက်တယ်၊ဘာကြောင့်ဆေးလိပ်သောက်တယ်၊ဆေးလိပ်သောက်တဲ့     ချိန်တွေမှာဘာတွေလုပ်နေတယ်ဆိုတာကိုစာရွက်နဲ့ရေးချပြီးမိမိဆေးလိပ်သောက်ရခြင်းအကြောင်းအရင်း ကိုဆန်းစစ်ပါ။
၃။ လုံးဝအပြီးအပိုင်မဖြတ်ခင်သောက်နေကျအချိန်တွေမှာမသောက်ဘဲနေကြည့်ပါ။ဥပမာ...အလုပ်နားချိန်၊ ညစာစားပြီချိန်။
၎။ ဆေးလိပ်သောက်ချင်စိတ်ပေးလာရင်တစ်ခုခုလုပ်ဖို့စာရင်းပြုစုထားပါ။
ဥပမာ...ပီကေ၀ါးမယ်။ရေကူးမယ်။
၅။ Chantix and Wellbutrin ကဲ့သို့ဆေးလိပ်ဖြတ်ဆေးများ၊နစ်ကိုတင်း Gum များကိုလည်း သုံးစွဲနိုင်ပါတယ်။နီးစပ်ရာဆရာဝန်နှင့်တိုင်ပင်သုံးစွဲရပါမယ်။အနောက်နိုင်ငံတွေမှာတော့ဆေးလိပ်
ဖြတ်သူတွေစုစည်းထားတဲ့အသင်းအဖွဲ့တွေရှိပါတယ်။အတွေ့အကြုံဖလှယ်ခြင်းအကြံဉာဏ် ရယူခြင်းများဖြင့် အကျိုးရှိစေပါတယ်။ဆေးလိပ်ဖြတ်ပြီဆိုတာနဲ့နောက်အရေးကြီးတဲ့အချက်ကပြန်မသောက်ဖြစ်အောင် ထိန်းနိုင်ဖို့လိုပါတယ်။ဒီအတွက်အောက်ပါအချက်လေးများကိုဂရုစိုက်ပြီးလိုက်နာသင့်ပါတယ်။ ၁။ ဆေးလိပ်၊မီးခြစ်၊ဆေးလိပ်ပြာခွက်စတာတွေကိုလုံးဝစွန့်ပစ်လိုက်ပါ။
၂။ အနီးပတ်ဝန်းကျင်မှာဆေးလိပ်မသောက်ဖို့သူငယ်ချင်းတွေကိုပြောပါ။တားမြစ်ပါ။
၃။ ဆေးလိပ်ကိုသတိရတိုင်းမိမိကျန်မာရေးကောင်းမွန်လာမှာကိုတွေးပြီးဖြေသိမ့်ပါ။ ၄။ ဆေးလိပ်သောက်ချင်စိတ်ဖြစ်လာတဲ့အခါအသက်ပြင်းပြင်းရှူပြီး(၁၀)စက္ကန့်ခန့်အောင့်ထားပါ။
ဖြေးညှင်းစွာရှူထုတ်ပါ။ဆေးလိပ်သောက်ချင်စိတ်ပျောက်တဲ့အထိအကြိမ်ကြိမ်ပြန်လုပ်ပါ။
၅။ လက်ကိုမအားအောင်တစ်ခုခုလုပ်နေပါ။ဥပမာ...ခဲတံဖြင့်ကစားနေပါ။
၆။ ဆေးလိပ်နဲ့ပက်သက်နေတဲ့မိမိရဲ့လူနေမှုပုံစံကိုပြင်ပါ။လမ်းလျှောက်၊ရေကူးလေ့ကျင့်ခန်းများလုပ်ပါ။
၇။ ပီကယ်ဝါးပါ။ဆေးလိပ်အစားထိုးအစားအစာကိုသတိထားရွေးချယ်ပါ။သကြားဓါတ်မများပါစေနှင့်။ ၈။ ရေများများသောက်ပါ။အရက်နှင့်ကဖင်းဓါတ်ပါသောအချိုရည်များကိုရှောင်ပါ။ဆေးလိပ်ဖြတ် လက္ခဏာများဆေးလိပ်မှာပါတဲနစ်ကိုတင်းဓါတ်ကြောင့်ဆေးလိပ်ဖြတ်စမှာခန္ဓာကိုယ်ကဆေးလိပ်
တောင်းတတ်ပါတယ်။ဂဏှာမငြိမ်ခြင်း၊စိတ်တိုလွယ်ခြင်း၊ဗိုက်ဆာခြင်း၊ခေါင်းကိုက်ခြင်း၊ချွေးစေးများ ထွက်ခြင်း၊အိပ်မပျော်ခြင်းစတဲ့ဝေဒနာတွေကိုခံစားရနိုင်ပါတယ်။ဒီကာလမှာတောင့်ခံနိုင်အောင်ကြိုးစား ရပါမယ်။မိသားစုဝင်တွေကလည်းစာနာဖေးမပြီးကူညီပေးရပါမယ်။ဒီလက္ခဏာတွေဟာသာမန်အားဖြင့် (၂)
ပတ်အတွင်းပျောက်ကင်းသွားနိုင်ပါတယ်။ဆေးလိပ်ဖြတ်တာ(၁၅)နှစ်ကြာပြီဆိုရင်တော့ နှလုံးရောဂါရ နိုင်ခြေဟာသာမန်လူတွေနဲ့အတူတူပြန်ဖြစ်သွားပါမယ်။သင်ကိုယ်တိုင်နှင့်သင့်မိသားစုဝင်တွေဆေးလိပ် အန္တရာယ်မှကင်းဝေးနိုင်ကြပါစေ။
(ကျွှန်တော်ကိုယ်တိုင်လဲ ဆေးလိပ်ဖြတ်ဖို. ကျိုးစားနေပါတယ်ဗျာ)

အရက် နှင့် ဆေးလိပ် တွဲမိပြီဆိုလျှင်

ယနေ့ဆရာဝန်များတွေ့ရှိသောအချက်ကဆေးလိပ်နှင့်အရက်ပေါင်းစပ်လို့မရပါ။အရက်ရောဆေးလိပ်ပါ ကျန်းမာရေးကိုထိခိုက်စေတတ်သည်။ဤသည်မှာလူတိုင်းအသိပင်..။ ယင်းနှစ်ခုကိုပေါင်းလိုက်မိလျှင်ပြဿနာမှာပို၍ပို၍မျှော်မှန်းသည်ထက်ကြီးထွားသွားသည်။
အရက်ရောဆေးလိပ်ပါသောက်သုံးသူတို့၏ဖျားနာဖို့နှုန်းသည်ဆေးလိပ်ကိုမသောက်ပဲ အရက်ကိုရေသောက်သလိုသောက်နေသောသူ၊အရက်ကိုမသောက်ပဲဆေးလိပ်ကို မီးခိုးခေါင်းတိုင်ဖြစ်အောင်သောက်နေသောသူတွေထက်ပိုသည်ဟုပြင်သစ်နိုင်ငံရှိအပြည်ပြည်ဆိုင်ရာ ကင်ဆာရောဂါသုတေသနမှပညာရှင်များကဆိုပါသည်။အဆိုပါဌာနကြီးမှတာဝန်ရှိပုဂ္ဂိုလ်၏
ပြောပြချက်အရနေ့စဉ်စီးကရက်တစ်ဗူးနှင့်အတူအရက်ကိုအသင့်အတင့်တွဲဖက်သောက်သုံးသောသူ၏ အစာမျိုလမ်းကြောင်းကင်ဆာဖြစ်ဖို့နှုန်းသည်အရက်တစ်မျိုးထဲသာသောက်သုံးတတ်သူသို့ စီးကရက် တစ်မျိုးကိုသာနေ့စဉ်မှီဝဲသူတွေထက်ငါးဆပိုသည်။အကယ်၍လူတစ်ယောက်သည်စီးကရက်ကို အသင့်အတင့်သောက်၍နေ့စဉ်အရက်ကိုအလွန်အမင်းသောက်သုံးခဲ့သော်သူ၏အစာမျိုလမ်းကြောင်း ကင်ဆာရောဂါဖြစ်မည့်နှုန်းသည်အရက်သို့စီးကရက်တစ်မျိုးထဲသောက်သူထက်၁၈ဆပိုသည်။
အရက်ရောစီးကရက်ကိုပါအလွန်အကျွံသောက်မိပြီဆိုပါကကင်ဆာဖြစ်ရမည့်နှုန်းသည်၄၄ဆအထိ တက်သွားနိုင်သည်။
ဘယ်လိုကြောင့်ဒီလိုဖြစ်နေရပါလိမ့်...။အဖြေကိုရရှိရန်စီးကရက်တစ်လိပ်ကိုရှုသွင်းနေသော သူတစ်ယောက်ကိုသတိထားကြည့်ပါ။စီးကရက်ကထွက်လာသောအငွေ့တွင်ကာဗွန်မိုအောက်ဆိုက်၊
နိုက်ထရိုဂျင်ဒိုင်အောက်ဆိုက်စသည့်ကင်ဆာရောဂါဖြစ်စေနိုင်သောဓါတ်အမျိုးပေါင်း၄၀၀၀တို့သည် အဆုတ်ထဲကိုဝင်ရောက်သွားသည်။၎င်းဓါတ်ငွေ့တို့သည်ပါးစပ်၊နှခေါင်း၊လည်ချောင်းနှင့်အဆုတ်ထဲ၌ အသာတွယ်ကပ်ပြီးနေတတ်ကြသည်။ဤအချိန်မှာဆေးလိပ်သမားကရောဆာလာသဖြင့် ခံတွင်းရှင်းသွားအောင်အရက်တစ်ခွက်ကိုအဖေါ်ပြုလိုက်ပြီဆိုပါကပါးစပ်နှင့်လည်ချောင်းတ၀ိုက်ကို အရက်ဖြင့်ပက်ဖျန်းလိုက်သလိုဖြစ်သွားမည်ဖြစ်၏။အရက်ကကင်ဆာရောဂါမဖြစ်စေပါ။သို့သော်ပါးစပ်၊ လည်ချောင်းစသည်တို့၌အနည်တင်နေသောစီးကရက်မှဓါတ်များကိုအရည်ပျော်စေ၍ခန္ဓာကိုယ်ထဲကို မ၀င်ဝင်သွားအောင်အကူအညီ ပေးလိုက်၏။
စီးကရက်သမားကစီးကရက်ကိုဆက်ပြီးသောက်လျှင်ပါးစပ်နှင့်လည်ချောင်းအတွင်း၌ရောက်နေပြီးဖြစ်သော
အရက်ကအဆိပ်ဓါတ်များကိုခန္ဓာကိုယ်တွင်းသို့မ၀င်ဝင်အောင်ဆက်ပြီးကူညီပြန်၏။
ဒီအချိန်မှာဝမ်းဗိုက်အတွင်း၌ရှိသောအသည်းက၄င်းဆီကိုရောက်လာသောအဆိပ်အတောက်များကို ဖျက်ဆီးပစ်နိုင်အောင်ကြိုးစားပေးရသည်။အထူးသဖြင့်အရက်တွင်ပါလာသောခန္ဓာကိုယ်တွင်းကို
လောလောဆယ်ဒုက္ခပေးမည့်အဆိပ်များကိုလစ်လျှူရှု့ထားရသလိုဖြစ်သွား၏။ဒီလိုနှင့်စီးကရက် တစ်မျိုးထဲကိုမှီဝဲနေသူ၏သွေးထဲတွင်အဆိပ်ဓါတ်သည်မိနစ်အနည်းငယ်သာရှိနေရမည့်အစားအရက်ပါ တွဲဖက်သောသူတွင်နာရီပေါင်းများစွာကြာအောင်ဒုက္ခပေးနေတော့သည်။
အသည်းကအရက်တွင်ပါလာသောအဆိပ်များကိုဖျက်ဆီးပေးနေရစဉ်နောက်တာဝန်တစ်ခုကို လစ်ဟင်းသွားပြန်သည်။ဒါကသွေးထဲမှအဆီဓါတ်ကိုယူပြီးသကြားဓါတ်အဖြစ်အသွင်ပြောင်းပေးဖို့ တာဝန်ဖြစ်သည်။သို့ကြောင့်အရက်သမားတို့တွင်သွေးထဲ၌အဆီဓါတ်သည်ပိုလျှံနေတတ်သည်။ တချိန်ထဲမှာစီးကရက်ကပါလာသောအဆိပ်ဓါတ်များနှင့်ပေါင်းဆပ်မိသောအခါသွေးခဲလွယ်သည့် အဆင့်ကိုရောက်သွား၏။ဤတွင်သွေးကြောပိတ်သည့်ရောဂါမျိုးစုံနှင့်ဆက်စပ်သွား၏။
အဆုတ်ထဲကို ပြန်၍ကြည့်ကြရအောင်...။စီးကရက်ငွေ့တွင် CO ဓါတ်ငွေ့ပါရှိသည်။ ထိုဓါတ်ငွေ့သည်အောက်ဆီဂျင်ဓါတ်ငွေ့ထက်သွေးထဲကိုဝင်ဖို့အဆ၂၄၀လွယ်ကူသည်။ထို့ကြောင့် စီးကရက်များများသောက်နေသူတစ်ယောက်၏သွေးထဲတွင်အောက်ဆီဂျင်ပါရှိသည့်နှုန်းသည် ၈% နီးပါးလျော့နည်းသွား၏။စီးကရက်၊အရက်တွဲဖက်စွဲနေသောသူသည်အစာအာဟာရအစားအသောက် နည်းတတ်၏။အာဟာရချို့တဲ့နေတတ်၏။ဤအချက်တွေအားလုံးပေါင်းစပ်မိသောအခါခန္ဓာကိုယ်၏ အာရုံကြောများကိုထိ၏။အသည်းကမကောင်း၊အောက်ဆီဂျင်ကနည်း၊သွေးကြောတွေကပိတ်လုလု၊ အခြေအနေမှာဦးနှောက်ကိုထိခိုက်၏။နှလုံးသွေးကြောတွေကိုဒုက္ခပေး၏။အသက်ရှုလမ်းကြောင်းကို ဒုက္ခပေး၏။ဤတွင်နဂိုကသွေးတိုးရောဂါနည်းနည်းပါးပါးရှိနေသူဖြစ်ပါကလေဖြတ်ခံရမှာနှလုံးသွေးကြောပိတ်
ရောဂါရတော့မှာ သေချာ၏။
အမျိုးသမီးများတွင်စီးကရက်သောက်ပြီးပဋ္ဌိသန္ဓေတားဆေးကိုပါသုံးစွဲပါက ဦးနှောက်ထဲမှာသွေးယိုသည်အထိဖြစ်တတ်၏။အရက်ကသွေးတိုးရောဂါကိုအားပေး၏။အစာအိမ်ရောဂါ ရှိသောသူသည်အရက်နှင့်စီးကရက်ကိုဆက်ပြီးမှီဝဲပါကဘယ်တော့မှရောဂါပျောက်ကင်းလိမ့်မည်မဟုတ်ချေ။
အမျိုးသားများတွင်လည်းအရက်ကိုအလွန်အကျွံသောက်သုံးမိပါကသွေးထဲ၌ယောက်ျားဟိုမုန်းဓါတ်
ကျဆင်း၏။စီးကရက်ဖြင့်ပေါင်းစပ်မိပါကသုတ်ပိုးမထွက်သည့်ဘ၀ကိုရောက်သွားတတ်၏။
ထိုအခါအိမ်ထောင်ကျပေမဲ့ကလေးအဖေဘ၀ကိုရောက်တော့မည်မဟုတ်ပါ...။
သို့ကြောင့်အရက်နှင့်စီးကရက်မတွဲမိအောင်အတတ်နိုင်ဆုံးဆရာဝန်တွေကပြည်သူတွေကို အကြံပေးကြပါဟု၁၉၈၅ခုနှစ်ထုတ်ကမ္ဘာ့ဆေးပညာအသင်းဂျာနယ်မှရေးသားခဲ့ခြင်းဖြစ်ပါသည်။

မှတ်ချက်။ ။ ဆရာကြီး ဦးတင်ရွှေ ရေးသားသည့် စာအုပ်မှ ကောက်နုတ်တင်ပြပါသည်။

စိတ်ကျန်းမာရေး ဂယုစိုက်ပေး

စိတ်ကျန်းမာရေးမြှင့်တင်ပေး

၁။ စိတ်ဖောက်ပြန်သောရောဂါလက်ခဏာများ

(က)တစ်ယောက်တည်းစကားပြောခြင်းရယ်ခြင်းစကားပြောမမှန်ခြင်း၊

(ခ) မူမမှန်သောအပြုအမူများရှိနေခြင်း၊
(ဂ) သူများမကြားရသောအသံများကြားခြင်း၊သူများမမြင်ရသောအရာများမြင်ခြင်း၊
(ဃ) တစ်ကိုယ်ရေသန်.ရှင်းမှုအားနည်းပြီးမိမိကိုယ်ကိုဂရုမစိုက်ခြင်း၊
(င) အတွေးအခေါ်ချွတ်ယွင်ရ်ျမှားယွင်းသောယုံကြည်ချက်များသံသယများရှိခြင်း။

 ၂။ စိတ်ကျရောဂါ၏လက်ခဏာများ

(က) စိတ်ရောကိုယ်ပါထိုင်းမှိုင်းနှေးကွေးခြင်းအားမရှိခြင်း၊
(ခ) နေ.စဉ်ရအထူးသဖြင့်သန်ခေါင်ကျော်နိုးရ်ျပြန်အိပ်မရခြင်း၊
(ဂ) စိတ်အားငယ်ရ်ျဝမ်းနည်းနေခြင်း၊
(ဃ) အစားအသောက်ပျက်ရ်ျခန္တာကိုယ်အလေးချိန်ကျဆင်းခြင်း၊
(င) မိမိကိုယ်ကိုသေကြောင်းကြံစည်ရန်စိတ်ကူးများရှိနေခြင်း။

 ၃။ စိတ်ကြွရောဂါလက်ခဏာများ

(က) စိတ်ရောကိုယ်ပါအထူးတက်ကြွနေခြင်း၊
(ခ) ကရားရေလွှတ်စကားပြောခြင်း၊
(ဂ) စိတ်နေမြင့်ဘ၀င်မြင့်နေခြင်း၊
(ဃ) အသုံးအဖြုန်းများနေခြင်း၊
(င) ဒေါသကြီးရ်ျကြမ်းတမ်တတ်ခြင်း။

စိတ်ဖောက်ပြန်သောရောဂါလက်ခဏာတွေ့ ရှိပါက -

(က) နီးရာကျေးလက်ကျန်းမာရေးဋ္ဌာနသို့ ပြရန်ကူညီပါ၊
(ခ) လူနာအား မ,စ မနောက်ပါနှင့်၊
(ဂ) ညွှန်ကြားသောဆေးကိုမှန်မှန်သောက်ခိုင်းပါ၊
(ဃ) ညင်သာစွာဆက်ဆံပါ၊
(င) စိတ်ကျစိတ်ကြွရောဂါသည်ပျောက်ကင်းနိုင်သောရောဂါဖြစ်သည်။

Depo ထိုးဆေးအကြောင်း သိချင်ရင်

DMPA သားဆက်ခြား ထိုးဆေးများနဲ့ မိတ်ဆက်

• သည်နည်းလမ်းကိုအသုံးပြုသူအမျိုးသမီးများအနေနဲ့ကတော့ကိုယ်ဝန်ရှိမလာရလေအောင် ထိုးဆေးကို ထိုးနှံကြရပါတယ်။
• သည်မှာတော့လူသုံးအများဆုံး၊လူသိအများဆုံးသားဆက်ခြားထိုးဆေးဖြစ်လေတဲ့ဒီအယ်(မ်)ပီအေ (DMPA)အကြောင်းကိုဆွေးနွေးတင်ပြသွားပါမယ်။DMPA ကိုသုံးလတစ်ကြိမ်ထိုးရပါတယ်။
• သည်ထိုးဆေးထဲမှာတော့အမျိုးသမီးတွေရဲ့ခန္ဓာကိုယ်ကနေသဘာဝအလျောက်ထုတ်လုပ်ပေးတဲ့ဆင် ပရိုဂျက်စတင်ပါဝင်ပါတယ်။ဆေးထိုးပြီးသွားတဲ့အခါသွေးထဲကို အဲဒီ့ဟော်မုန်းဓာတ်ကဖြည်းဖြည်းချင်းပျံ့နှံ့သွားတာပါပဲ။သည်DMPAကိုပဲကျွန်တော်တို့ဆီက အိမ်ထောင်သည်အမျိုးသမီးတွေကြားမှာတော့ “ဒီပို” (တချို့ကလည်း “ဒစ်ပို”)ရယ်လို့ ခေါ်ကြတာ များတယ်။တခြားနိုင်ငံတွေမှာတော့depot-medroxyprogesterone acetate လို့လည်း ခန့်ခန့်ညားညား၊ရှည်ရှည်လျားလျားခေါ်တတ်ကြသလိုဆေးအမည်အတိုင်း Depo-Provera လို့သော်လည်းကောင်း၊Depoလို့သော်လည်းကောင်း၊နောက်ထပ်ဆေးအမည်တစ်ခု (တံဆိပ်နောက်တစ်မျိုး)နဲ့ Megestronလို့သော်လည်းကောင်းခေါ်တတ်ကြပါတယ်။
• တခြားသားဆက်ခြားထိုးဆေးတွေလည်းရှိပါသေးတယ်။ဆေးအမည်အတိုင်းနော်ရစ်စတာရက်(တ်) (Noristerat)ရယ်လို့ဖြစ်စေ၊norethindrone enanthate ရယ်လို့ ဖြစ်စေ၊norethisterone enanthate လို့ဖြစ်စေလည်းခ်ါတတ်ကြတဲ့နက်တယ်(န်) (NET EN) ထိုးဆေးကိုကျတော့နှစ်လတစ်ကြိမ်ထိုးရတာပါ။DMPA နဲ့ပတ်သက်တဲ့အချက် အလက်အတော်များများကNET EN နဲ့လည်းသက်ဆိုင်ပါတယ်။တချို့နိုင်ငံတွေမှာတော့လစဉ် ထိုးလို့ရတဲ့သားဆက်ခြားထိုးဆေးတွေလွယ်လွယ်ကူကူဝယ်လို့ရနေပါပြီ။အဲသလိုလစဉ်ထိုးရတဲ့ ထိုးဆေးတွေထဲမှာတော့ Cyclofem တို့၊ Cycloprovera တို့၊ Mesigyna တို့လိုဆေးအမည်တွေ ပါဝင်ပါတယ်။လစဉ်ထိုးရတဲ့ထိုးဆေးaတွထဲမှာကျတော့အက်စတြိုဂျင်ရော၊ ပရိုဂျက်စတင်ရောဟော်မုန်းဓာတ်နှစ်မျိုးစလုံးပါဝင်ပါတယ်။ဒါ့ကြောင့်အဲဒီ့လစဉ်သုံးထိုးဆေးတွေက DMPAတို့၊ NETEN တို့နဲ့မတူတော့ပါဘူး။ဒါ့ကြောင့်
  သည်အခန်းမှာအဲဒီ့လစဉ်သုံးထိုးဆေးတွေအကြောင်းကိုထည့်သွင်းဆွေးနွေးမထားပါဘူး။

DMPA ထိုးဆေးတွေကို သုံးချင်တယ်ဆိုရင်

အဲဒီ့ဆေးတွေက ဘယ်လိုဖြစ်စေနိုင်သလဲ

• အဓိကအားဖြင့်သားအိမ်ထဲကမမျိုးဥများထုတ်ပေးတာ၊တစ်နည်းအားဖြင့်မျိုးဥတည်တာကို ရပ်ဆိုင်းစေပါတယ်။
• ဒါတင်မကသေးဘဲသားအိမ်ခေါင်းကအကျိအချွဲကိုလည်းပိုပျစ်ခဲလာစေပြီး သုက်ပိုးဖြတ်သန်းရခက်သွားအောင်လည်းတားဆီးပေးပါတယ်။
• သည်ဆေးများဟာရှိနှင့်ပြီးသားသန္ဓေသားကိုနှောင့်ယှက်ဖျက်ဆီးမှာတော့မဟုတ်ပါဘူး။

ဘယ်လောက်စိတ်ချရသလဲ

အလွန်ထိရောက်ပါတယ်။ကိန်းဂဏန်းများအရပြောရင်တော့သည်ဆေးတွေသုံးပြီးပထမတစ်နှစ်အတွင်းမှာ အမျိုးသမီး ၁၀ဝ မှာ ဝ.၃ ယောက်သာကိုယ်ဝန်ရှိနိုင်တယ်လို့ဆိုပါတယ်။(ဆိုလိုတာကဆေးထိုးထားသူ အမျိုးသမီး ၃၃၃ ယောက်မှာမှတစ်ယောက်နှုန်းလောက်သာသည်ဆေးထိုးထားလျက်နဲ့
ကိုယ်ဝန်ဆောင်တာကိုတွေ့ရသပေါ့။)အမျိုးသမီးအတော်များများဟာသည်ဆေးတွေကိုမှန်မှန် မထိုးမိခဲ့ကြလို့သာ(ဝါ)ထိုးရမယ့်အချိန်ကျနေပါလျက်နဲ့မထိုးဖြစ်ခဲ့ကြလို့သာဆေးထိုးနေတဲ့ကြားက ကိုယ်ဝန်ရှိကုန်ရတာပါ။မှန်မှန်ထိုးနေလို့ကတော့အလွန့်အလွန်ကိုစိတ်ချရပါတယ်။

DMPA ထိုးဆေးတွေရဲ့ ကောင်းကျိုးနဲ့ ဆိုးကျိုးအထွေထွေ

ကောင်းကျိုးတွေ

• အလွန်ထိရောက်ပါတယ်။
• လူမသိနိုင်ဘူး။သည်ဆေးကိုထိုးနေတယ်ဆိုတာဆေးထိုးပေးတဲ့ဆရာဝန်ရယ်၊
• ဆေးထိုးထားတဲ့အမျိုးသမီးကိုယ်တိုင်ရယ်ကလွဲလို့တခြားဘယ်သူမှမသိနိုင်ဘူး။
• ကိုယ်ဝန်မဆောင်ဖြစ်အောင်ရေရှည်ကာကွယ်ပေးသလိုကိုယ်ဝန်ပြန်ဆောင်ဖို့လည်း မခဲယဉ်းလှဘူး။ဆေးတစ်ခါထိုးထားရင်အနည်းဆုံးသုံးလတော့ကိုယ်ဝန်မဆောင်နိုင်ဘူး။
• ချစ်တင်းနှောခြင်းကိုအနှောင့်အယှက်မဖြစ်စေနိုင်ဘူး။
• ကိုယ်ဝန်ရှိလာမှာမပူရတဲ့အတွက်ချစ်တင်းနှောရာမှာသာယာမှုကိုတိုးပွားခံစားနိုင်တယ်။
• တစ်နေ့တစ်လုံးဆေးသောက်ရတဲ့ဒုက္ခမျိုးမရှိဘူး။
• ဆေးထိုးဖို့အတွက်အချိန်အတိအကျစောင့်စရာမလိုဘူး။ ပုံမှန်ထိုးနေကျထက်နှစ်ပတ်ကနေလေးပတ်စောပြီးထိုးလို့လည်းရတယ်။ဒါမှမဟုတ် လည်းနှစ်ပတ်ကနေလေးပတ်အထိတောင်နောက်ကျပြီးမှထိုးမယ်ဆိုလည်းဖြစ်နိုင်တယ်။
• အသက်အရွယ်မရွေးအသုံးပြုနိုင်တယ်။
• မိခင်နို့ရဲ့အရည်အသွေးနဲ့ပမာဏကိုထိခိုက်ပုံမရဘူး။ရင်သွေးကိုနို.ချိုတိုက်ကျွေးနေသူ မိခင်များအနေနဲ့မီးဖွားပြီးရက်သတ္တခြောက်ပတ်အကြာမှာစတင်အသုံးပြုနိုင်တယ်။
• အက်စတြိုဂျင်ကြောင့်ဖြစ်တတ်တဲ့ဘေးထွက်ဆိုးကျိုးတွေမရှိဘူး။နှလုံးရောဂါလိုအက်စတြိုဂျင်နဲ့ ဆက်စပ်နေတဲ့အန္တရာယ်တွေလည်းတိုးပွားလာတာမျိုးမရှိပါဘူး။
• သားအိမ်ပြင်ပမှာသန္ဓေတည်ခြင်းကိုကာကွယ်ပေးနိုင်တယ်။
• သားအိမ်ကင်ဆာရောဂါဖြစ်ပွားခြင်းကိုကာကွယ်ပေးနိုင်တယ်။
• သားအိမ်အကျိတ်များဖြစ်ပွားခြင်းကိုလည်းကာကွယ်ပေးနိုင်တယ်။

ဆိုးကျိုးများ

ဖြစ်လေ့ဖြစ်ထရှိတဲ့ ဘေးထွက်ဆိုးကျိုးများ (ရောဂါလက္ခဏာမဟုတ်ပါ)
-   
 အောက်ပါတို့အပါအဝင် ဓမ္မတာပေါ်တဲ့အခါမှာ အပြောင်းအလဲတွေ ဖြစ်တတ်တယ်။

• အနည်းငယ်မျှသာဆင်းတာမျိုး၊အထူးသဖြင့်စတင်သုံးခါစမှာအဲသလိုဖြစ်တတ်ပါတယ်။
• အလွန်အကျွံဆင်းတာမျိုး။ဒါလည်းစတင်သုံးခါစမှာဖြစ်တတ်ပါတယ်။သို့ပေမယ့်ဖြစ်ခဲလှပါတယ်။
• ဓမ္မတာလုံးလုံးမပေါ်ဘဲပျောက်နေတာမျိုး။တကယ်တော့ဒါဟာသည်ဆေးကိုသုံးစွဲသူတွေအတွက် ပုံမှန်ဖြစ်ပြီးတစ်နှစ်လောက်ဆက်တိုက်သုံးစွဲပြီးရင်ဖြစ်လာတတ်ပါတယ်။ (တချို့အမျိုးသမီးတွေအတွက်အဲသလိုသွေးမပေါ်တာကိုကစိတ်ချမ်းသာစရာကောင်းနေနိုင်ပြန်ပါတယ်။)

• ကိုယ်အလေးချိန်တိုးလာနိုင်ပါတယ်။(ပျမ်းမျှအားဖြင့်တစ်နှစ်ကို၁ကီလိုမှ၂ကီလို၊ဒါမှမဟုတ် ၂ပေါင်ကနေ၄ပေါင်အတွင်းတိုးလာနိုင်တယ်)။(အစားအသောက်ကိုဂရုစိုက်မယ်ဆိုရင်ကိုယ်အလေး ချိန်တိုးတာကိုထိန်းချုပ်နိုင်၊ကာကွယ်နိုင်ပါတယ်။တချို့အမျိုးသမီးတွေအတွက်ကျပြန်တော့လည်း ကိုယ်အလေးချိန်တိုးလာတာ၊ဝလာတာကိုကကျေနပ်စရာကောင်းနေနိုင်ပြန်ပါတယ်။)
• သန္ဓေတည်နိုင်တဲ့အနေအထားကိုပြန်ရဖို့တော်တော်စောင့်ဆိုင်းယူရတတ်ပါတယ်။(ကိုယ်ခန္ဓာထဲက DMPAပမာဏလျော့ကျတဲ့အထိစောင့်ရတတ်တယ်။)နှစ်မျိုးစပ်သားဆက်ခြားသောက်ဆေးတွေကိုသာက်သုံးသူတွေ၊ အိုင်ယူဒီ၊ကွန်ဒုံး၊ဒါမှမဟုတ်အခြားယောနိသုံးနည်းတစ်မျိုးမျိုးကိုသုံးစွဲပြီး သားဆက်ခြားအောင်ဆောင်ရွက်ထားသူများနဲ့ယှဉ်မယ်ဆိုရင်သန္ဓေတည်ဖို့လေးလလောက် ပိုပြီးစောင့်ဆိုင်းယူရတတ်ပါတယ်။
• တစ်ခါထိုးပြီးနောက်သုံးလကြာတိုင်းကြာတိုင်းနောက်တစ်လုံးထပ်ထိုးဖို့လိုပါတယ်။
• တချို့အမျိုးသမီးတွေမှာခေါင်းကိုက်တာ၊ရင်သားနူးညံ့လာတာ၊စိတ်အတက်အကျမြန်တာ၊ပျို့ချင် အန်ချင်တာ၊ဆံပင်ကျွတ်တာ၊လိင်စိတ်နည်းပါးတာများကိုလည်းကောင်း၊ ဝက်ခြံထွက်တာကိုသော်လည်းကောင်း၊နှစ်မျိုးစလုံးကိုသော်လည်းကောင်းခံစားရတတ်တယ်။
• အိပ်(ခ်ျ)အိုင်ဗှီ/အေအိုင်ဒီအက်(စ်)အပါအဝင်လိင်မှတစ်ဆင့်ကူးစက်တဲ့ရောဂါများကို ကာကွယ်ပေးနိုင်စွမ်းမရှိပါဘူး။

အထူးသိထားသင့်တဲ့ အချက်တွေ

၁။    ဆေးတစ်ခါထိုးပြီးတဲ့နောက်မှာဆက်လက်ပြီးသားဆက်ခြားလိုသေးတယ်ဆိုရင်နောက်တစ်ကြိမ် အချိန်မီထပ်ထိုးဖို့လိုပါတယ်။အတိအကျပြောရင်တော့သုံးလတိတိအကြာမှာထပ်ထိုးရမှာပါ။သို့ပေမယ့်အဲဒီ့ သုံးလမတိုင်ခင်နှစ်ပတ်ကနေလေးပတ်စောပြီးကြိုထိုးလို့ရသလို၊နှစ်ပတ်ကနေလေးပတ်နောက်ကျပြီးမှ ထိုးလို့လည်းရပါတယ်။
၂။    နှစ်ပတ်ထက်ကျော်တဲ့အထိဆေးမထိုးဖြစ်သေးဘူးဆိုရင်တော့ကွန်ဒုံးကိုဖြစ်စေ၊ သုက်ပိုးသတ်ဆေးတွေကိုဖြစ်စေသုံးသင့်တယ်။ဒါမှမဟုတ်လည်းချစ်တင်းနှောခြင်းကိုရှောင်ကြဉ်သင့်ပါတယ်။
၃။    တစ်ကြိမ်ထိုးပြီးတဲ့နောက်ဘယ်လောက်ပဲနောက်ကျနောက်ကျ၊ကိုယ်ဝန် မရှိဘူးဆိုတာသေချာမယ်ဆိုရင်ဆက်ထိုးလို့ရပါသေးတယ်။
၎။    ဆေးစထိုးခါစမှာဓမ္မတာကမမျှော်လင့်တဲ့အချိန်တွေမှာပေါ်လာတတ်တယ်။ဓမ္မတာဆင်းတဲ့ပမာဏက တဖြည်းဖြည်းနည်းနည်းသွားပြီး ၆လကနေ၁၂လအတွင်းမှာဆေးကိုဆက်တိုက်ထိုးနေမယ်ဆိုရင်၊ ဆိုလိုတာကဆေးနှစ်ခါကနေလေးခါအထိထိုးပြီးသွားပြီဆိုရင်ဓမ္မတာဆင်းတာတအားကိုနည်းသွားနိုင်သလို လုံးလုံးကိုဓမ္မတာမပေါ်တော့တာမျိုးလည်းဖြစ်နေနိုင်တယ်။
၅။    အဲသလိုဓမ္မတာအပြောင်းအလဲဖြစ်တာဟာသည်ဆေးကိုသုံးစွဲသူများမှာဖြစ်နေကျ ပုံမှန်ဖြစ်ရိုးဖြစ်စဉ်ပါ။ဘာအန္တရာယ်မှမရှိပါဘူး။အဲသလိုဓမ္မတာမဆင်းလို့၊ပျောက်သွား၊ထိန်သွားလို့ ကိုယ်ဝန်ရှိတဲ့သဘော၊ရောဂါတစ်ခုခုဖြစ်နေတဲ့သဘော၊သွေးပုပ်တွေ ကိုယ်ခန္ဓာအတွင်းမှာအောင်းနေတဲ့သဘောလုံးလုံးမဟုတ်ပါဘူး။ဓမ္မတာအဆင်းနည်းတာ၊ဒါမှမဟုတ် လုံးလုံးမပေါ်တာဟာတချို့အမျိုးသမီးတွေအတွက်ကျတော့ပိုတောင် ကျန်းမာလာစေနိုင်ပါတယ်။သွေးအားနည်းရောဂါကိုကာကွယ်ပေးရာတောင်ရောက်နေတတ်လို့ပါ။
၆။    ကိုယ်အလေးချိန်လည်းတိုးလာပါလိမ့်မယ်။အနည်းအပါးဝလာပါလိမ့်မယ်။ဒါလည်းဖြစ်ရိုးဖြစ်စဉ်ပါ။ အန္တရာယ်လည်း မရှိပါဘူး။

ဆရာဝန်နဲ့ ပြဖို့ လိုတဲ့ ရောဂါလက္ခဏာများ

DMPA ထိုးဆေးကြောင့်စိုးရိမ်စရာရောဂါတွေဖြစ်တတ်တာအင်မတန်မှရှားလှပါတယ်။ သို့ပေမယ့်အောက်ဖော်ပြပါအဖြစ်တွေနဲ့ကြုံနေရတယ်ဆိုရင်တော့စိုးရိမ်စရာကောင်းတဲ့ တခြားရောဂါတစ်ခုခုရှိနေနိုင်တာမို့ဆရာဝန်နဲ့ ပြသသင့်ပါတယ်။အောက်မှာဖော်ပြထားတဲ့
ရောဂါလက္ခဏာတွေဟာDMPAကြောင့်လည်းဖြစ်နေနိုင်သလိုအဲဒီ့ထိုးဆေးကြောင့်လည်းဖြစ်ချင်မှ
ဖြစ်ပါလိမ့်မယ်။တခြားရောဂါတစ်ခုခုကြောင့်လည်းဖြစ်နေနိုင်တယ်လို့ဆိုလိုတာပါ။

• စိတ်ပျက်စရာကောင်းလောက်အောင်ဓမ္မတာတွေမတရားဆင်းနေတာ။(ခါတိုင်းထက်နှစ်ဆလောက် ပိုဆင်းနေတာ၊ဒါမှမဟုတ်ခါတိုင်းထက်နှစ်ဆတောင်ကြာအောင်ဆင်းနေတာမျိုးပါ)
• DMPA ထိုးပြီးခါမှဆိုးဆိုးရွားရွားကြီးကိုခေါင်းကိုက်လာတာ၊ ဒါမှမဟုတ်ခေါင်းကိုက်ဝေဒနာကဆေးထိုးပြီးမှပိုဆိုးရွားလာတာ။
• အသားအရေ၊ဒါမှမဟုတ်မျက်လုံးတွေထူးထူးခြားခြားဝါလာတာ။

Injection

အရေးတကာ့ အရေးကြီးဆုံးအချက်များ

၁။    ထိုးဆေးကိုလက်မောင်းမှာထိုးရတာပါ။ဆေးထိုးပြီးရင်ဘယ်တော့
ဖြစ်ဖြစ် ဆေးထိုးထားတဲ့နေရာကိုပွတ်ချေမိတတ်ကြပါတယ်။DMPAထိုးပြီးရင် မချေပါနဲ့။ချေလိုက်မယ်ဆိုရင်ဆေးကခန္ဓာကိုယ်ထဲကိုမြန်မြန်ကြီးပျံ့နှံ့သွားပါလိမ့်မယ်။
၂။    ဖြစ်နိုင်မယ်ဆိုရင်တစ်ခါသုံးဆေးထိုးအပ်နဲ့ပြွန်များကိုသာသုံးသင့်ပါတယ်။
၃။    တစ်ခါသုံးကိုပေမင့်ပြန်သုံးတာမျိုးကိုလုံးလုံးမလုပ်သင့်ပါဘူး။တချို့ဆေးခန်းတွေ၊သူနာပြုတွေက ပစ်ရမှာနှမျာပြီးပြန်သုံးတတ်ကြတာကိုကျွန်တော့်မျက်လုံးနဲ့တပ်အပ်မြင်ဖူးပါတယ်ခင်ဗျား။ဒါကြောင့် သတိပေးနေရတာပါ။ဖြစ်နိုင်ရင်၊တတ်နိုင်ရင်ကိုယ့်ရှေ့မှာအသစ်ဖောက်သုံးတာမျိုး၊ဒါမှမဟုတ် ကိုယ်ကိုယ်တိုင်ကတစ်ခါသုံးအပ်ကိုဝယ်သွားပြီးဖောက်သုံးတာမျိုးနဲ.ထိုးသင့်ပါတယ်။တစ်ခါသုံးအပ်တွေရဲ့ တည်ဆောက်ပုံကြောင့်ပိုးသတ်ဖို့လည်းအင်မတန်ခက်လှပါတယ်။အဲဒါကြောင့်တစ်ခါသုံးကိုတစ်ခါမက သုံးမယ်ဆိုရင်ဘယ်လောက်ပဲပိုးသတ်ထားတယ်ဆိုဆို HIV/AIDS လိုရောဂါပိုးမျိုးကူးစက်လာနိုင်ပါတယ်။
၎။    တစ်ခါသုံးအပ်တွေမရနိုင်ဘူးဆိုရင်တော့အထပ်ထပ်ပြန်သုံးလို့ရတဲ့ဆေးထိုးအပ်နဲ့ ပြွန်တွေကို မလွှဲမရှောင်သာသုံးရတော့မှာပါ။အဲလိုဆိုရင်လည်းသေချာပိုးသတ်ထားတဲ့ဆေးထိုးကိရိယာနဲ့မှသာဆေးထိုးခံသင့်ပါတယ်။

Ref: The Essentials of Contraceptive Technology: A Handbook for Clinic Staff published by John Hopkins Public Health University

၂၀၀၅ မှ ၂၀၀၇ ခုနှစ်အတွင်း Wellness ကျန်းမာရေး မဂ္ဂဇင်းမှာ လပေါင်းများစွာ အခန်းဆက် ဖော်ပြခဲ့တဲ့ ကျွန်တော့်ရဲ့ “သားဆက်ခြားခြင်းဆိုင်ရာ နည်းပညာ အဖြာဖြာ” ထဲက ထိုးဆေးနဲ့ ပတ်သက်တဲ့အပိုင်းကို ပြန်လည် ကောက်နုတ်တင်ပြလိုက်တာပါ။

ရှာလကာရည်ဖြင့် သားအိမ်ခေါင်း ကင်ဆာ စစ်ဆေးသည့် နည်းလမ်းသစ်...

အိန္ဒိယနိုင်ငံရှိဆရာဝန်များကရှာလကာရည်ကိုအသုံးပြုထားသောသားအိမ်ခေါင်းကင်ဆာဖြစ်ပွားမှု အခြေအနေရှိ၊မရှိစမ်းသပ်ရန်နည်းလမ်းသစ်တစ်ခုကိုရှာဖွေတွေ့ရှိခဲ့ကြသည်။ပုံမှန်အားဖြင့်သားအိမ်ခေါင်း ကင်ဆာကိုဖြစ်ပွားစေနိုင်သည့်ပုံမှန်မဟုတ်သောဆဲလ်များကိုသားအိမ်အတွင်းမှခြစ်ယူ၍ စမ်းသပ်ရခြင်းဖြစ်ရာထိုစစ်ဆေးစမ်းသပ်မှုမှာငွေကုန်ကြေးကျများပြားပြီးအထူးပြုလုပ်ထားသော ကိရိယာများလည်းလိုအပ်သည်။ထို့ကြောင့်အိန္ဒိယဆရာဝန်များ၏ယခုတွေ့ရှိသောရှာလကာရည်အသုံးပြု နည်းလမ်းသစ်မှာအထောက်အကူပြုလာနိုင်ဖွယ် ရှိသည်။

သားအိမ်ခေါင်းကင်ဆာသည်အမေရိကန်နိုင်ငံတွင်အခြားသောရောဂါများထက်အမျိုးသမီးများကို ပိုမိုသေဆုံးစေနိုင်သောရောဂါတစ်ခုဖြစ်သည်။အမေရိကန်နိုင်ငံ၌pap smearဟုခေါ်သောရောဂါစမ်း
သပ်မှုကိုဆယ်စုနှစ်တစ်ခုကြာသုံးစွဲလာခဲ့ကြခြင်းဖြစ်သည်။ထိုစမ်းသပ်မှုဖြင့်စောစီးစွာစစ်ဆေးပြီး ကုသမှုခံယူကြရသည်။အိန္ဒိယတွင်မူတစ်နှစ်လျှင်အမျိုးဦးရေတစ်သောင်းခန့်မှာသားအိမ်ခေါင်း ကင်ဆာကြောင့် အသက် ဆုံး၇ှုံးနေကြရသည်။

မိန်းကလေးများ အလေးမထားမိသည့် ကျန်းမာရေး ထိခိုက်စေနိုင်သော အချက်များ...

မိန်းကလေးတွေဟာအလှအပနောက်ကိုလိုက်ရင်းကျန်းမာရေးထိခိုက်စေနိုင်တာတွေကိုအလေးမထားမိတာ
မျိုးဖြစ်တတ်ကြပါတယ်။

(၁) စိတ်ညစ်တိုင်း အစာစားလေ့ရှိခြင်း

ယောကျာ်းလေးအများစုကပျော်ရွှင်တဲ့အခါမျိုးမှာအစာပိုစားတတ်ကြပြီးမိန်းကလေးတွေကတော့ စိတ်ညစ်တဲ့အခါမှာအချိုနဲ့ကယ်လိုရီများတဲ့အစားအစာတွေကိုပိုစားလေ့ရှိပါတယ်။စိတ်ညစ်လို.စားတဲ့ အစားအစာတွေကသင့်ခါးအနေအထားကိုပြောင်းလဲစေပြီးသင့်ကိုဝလာစေပါတယ်။စိတ်ညစ်တာကို အစာစားပြီးဖြေဖျောက်ဖို.ကြိုးစားတာထက်လေ့ကျင့်ခန်းလုပ်တာ၊ယောဂကျင့်တာ၊အပေါင်းအသင်းတွေနဲ့
ပျော်ပျော်ပါးပါးနေတာတွေနဲ့အစားထိုးလုပ်ဆောင် ကြည့်ပါ။

သင့်ရင်သား ကျန်းမာစေရန် စားသင့်သည်များ

နှလုံးကျန်းမာရေးအတွက်အိုမီဂါ-၃အဆီစားသင့်တယ်ဆိုတာသိထားကြပေမယ့်အိုမီဂါ-၉အဆီကို စားသုံးဖို့လိုတယ်ဆိုတာသင်သိချင်မှသိပါလိမ့်မယ်။မကြာသေးမီကပြုလုပ်ခဲ့တဲ့သုတေသနတွေအရ
အိုမီဂါ-၉ကကင်ဆာဆဲလ်တွေကိုသေစေနိုင်ပြီးရင်သားကင်ဆာရောဂါတွက်သောက်နေရတဲ့ဆေးတွေရဲ့ အာနိသင်ကိုပိုမိုထက်မြတ်စေပါတယ်။အိုမီဂါ-၉ဆိုတာအိုလိအက်စစ်(OleicAcid)ဖြစ်ပြီး ဗာဒံစေ့၊ထောပတ်သီးနဲ့သံလွင်ဆီတွေမှာပါဝင်ပါတယ်။ပြောင်းလဲမှုအဆင့်ဆင့်မပြုလုပ်မီပထမဆုံး ကြိတ်ယူရရှိလာတဲ့သံလွင်ဆီမှာဖိုက်တိုကမ်မီကယ်တွေပါဝင်သောကြောင့်Freeradicalsတွေကို ဟန့်တားပေးပါတယ်။တစ်နေ့ကိုအိုမီဂါ- ၉အဆီအနည်းဆုံးစားသင့်တဲ့ပမာဏကထောပတ်သီးတစ်လုံးရဲ့ ငါးပုံတစ်ပုံ၊ဗာဒံစေ့တစ်အောင်စ၊သံလွင်ဆီထမင်းစားဇွန်းတစ်ဇွန်းပါ။အပိုဆောင်းရနိုင်သော အကျိုးတရားကတော့သုတေသီတွေကအိုမီဂါ-၉မှာမပြည့်ဝဆီတွေပါဝင်သောကြောင့်ဗိုက်မှာရှိတဲ့အဆီတွေ
လျော့ကျစေတယ်လို့ဆိုပါတယ်။အင်ဆူလင်ဆေးမတိုးတာကို လျှော့ချပေးပြီး နှလုံးရောဂါ ဖြစ်ပွားနိုင်ခြေကိုပါ လျော့နည်းစေတယ်လို့ ပြောပါတယ်။

နှလုံးရောဂါ ကြိုတင်ကာကွယ်ပါ

နှလုံးသွေးကြောရောဂါကြောင့်အသက်အန္တရာယ်ဖြစ်ပွားနိုင်သဖြင့်ရောဂါမဖြစ်ပွားစေရန်အတွက်ကြိုတင် ကာကွယ်မှုများပြုလုပ်ထားသင့်ကြောင်းသိရသည်။ကမ္ဘာ.ကျန်းမာရေးအစီအရင်ခံစာ၂၀၀၂အရ ကမ္ဘာပေါ်တွင်စုစုပေါင်းသေဆုံးသူ၅၇သန်းအနက်နှလုံးသွေးကြောရောဂါဖြင့်သေဆုံးသူသည်၁၇သန်းခန့် ရှိကြောင်း၊၁၉၀၀ပြည့်နှစ်မှ၁၉၃၀ပြည့်နှစ်အထိအနှစ်သုံးဆယ်ကာလအတွင်းနှလုံးသွေးကြောရောဂါဖြင့် နာမကျန်းဖြစ်ခြင်းမှာ ၅ ရာခိုင်နှုန်း မြင့်တက်လာနိုင်ကြောင်းသိရသည်။

နှလုံးရောဂါ ဘာကြောင့်ဖြစ်

နှလုံးသွေးကြောရောဂါသည်သွေးတိုးရောဂါရှိသူများ၊ဆီးချိုသွေးချိုရောဂါရှိသူများ၊ အဝလွန်သူများ၊ဆေးလိပ်သောက်သူများ၊သွေးတွင်းအဆီဓာတ်များသူများတွင်ဖြစ်ပွားနိုင်ကြောင်း သိရသည်။

သင်က နှလုံးရောဂါ ဖြစ်ပွားနိုင်ခြေမြင့်မားသူလား

၁။ သွေးတိုးရောဂါရှိခြင်း 

သင့်မှာသွေးတိုးရှိတာကနှလုံးကိုထိခိုက်မှုဖြစ်စေပြီးသွးကြောတွေကိုပျက်စီးကာသွးကြောပိတ်ဆို့မှုတွေဖြစ်နိုင်ပါတယ်။
 
၂။ အမျိုးသားဖြစ်ခြင်း  

အမျိုးသားတွေကအမျိုးသမီးတွေထက်နှလုံးရောဂါဖြစ်ပွားနိုင်ခြေပိုများပါတယ်။

ဒါပေမဲ့သွေးဆုံးပြီးအမျိုးသမီးတွေကတော့အမျိုးသားတွေထက်နှလုံးရောဂါဖြစ်ပွားနိုင်ခြေပိုများပါတယ်။


၃။ မျိုးရိုးရှိခြင်း
 

မိဘမျိုးရိုးမှာနှလုံးနဲ့သွေးကြောဆိုင်ရာရောဂါတစ်ခုခုရှိသူတွေဟာတခြားသူတွေထက်နှလုံးနဲ့သွေးကြောဆိုင်ရာ
ရောဂါတွေဖြစ်ပွားနိုင်ခြေပိုမိုများပါတယ်။

လေဖြတ်ခြင်းကို ကာကွယ်နိုင်မယ့် ရေနွေးကြမ်း

ရေနွေးကြမ်းကိုကျွန်ုပ်တို့မြန်မာလူမျိုးများငယ်စဉ်တည်းကသောက်ခဲ့ကြသည်။နေရာတိုင်း အိမ်တိုင်းမှာ ရေနွေးကြမ်းဝိုင်း ရှိခဲ့သည်။ဧည့်သည်လာလျှင်ရေနွေးကြမ်းအရင်ချပေးသည်။

ရေနွေးကြမ်းကို မြန်မာတို့ ဘာကြောင့် သောက်ခဲ့ရသနည်း

Liver Blood Test အသဲအတွက် သွေးစစ်ခြင်း

ကျွန်တော့် အသက်က ၃၁ ပြည့်ပြီးသွားပါပြီ။ ကျွန်တော်မှာ အသည်းရောင် B ပိုးရှိပါတယ်။ လွန်ခဲ့တဲ့ ၅ နှစ်လောက်က ဆေးစစ်တော့ တွေ့တာပါခင်ဗျာ။ ကုသမှုတော့ မလုပ်ခဲ့ပါဘူး။ မနှစ်ကမှ ဆရာကြီး (့) ကို စပြီး ပြခဲ့ပါတယ်။ 14 Dec 2011 မှာ သွေးစစ်တဲ့ အဖြေတွေက

1. HBV - DNA Test - 71
2. ALT - 70 (high)
3. AST - 32 (normal) ဖြစ်ပါတယ်။ အဲ့ဒီ ကုသမှုမှာ LIVE UP, ZINCOVIT, LIVER (MILK THISTLE), RACIPER 20 (၄) မျိုး သောက်ဖို့ ညွှန်ကြားပြီး ၁ နှစ် ပြည့်ရင် ပြန်လာပြဖို့ ပြောပါတယ်။ အကြောင်းကြောင်းကြောင့် ကျွန်တော် ၁ လ ပြည့်အောင် မသောက်ဖြစ်ခဲ့ပါဘူး။ 25 Dec 2012 မှာ နောက်ထပ်တစ်ခေါက် ထပ်ပြပြီး နောက်တစ်ကြိမ် သွေးစစ်ပါတယ်။ အဖြေတွေက HBV DNA Test - Not detected, ALT 87 (high), AST 26 (normal) ဖြစ်ပါတယ်။

Bad breath ခံတွင်းနံ့ မကောင်းရင်

လူတွေထဲက ၂၅% ဟာ အနည်းနဲ့အများ ခံတွင်းနံ့ မကောင်းကြပါ။ Bad breath ခံတွင်းနံ့ မကောင်းတာကို ဆေးစာနဲ့ Halitosis ခေါ်တယ်။ သွား-ခံတွင်းရောဂါနဲ့ တခြား ကျန်းမာရေး အခြေအနေတွေကနေ ဖြစ်စေတယ်။ အစားအသောက် ကြောင့်လဲ ဖြစ်စေတယ်။ ၈၅-ဝဝ% ဟာ ခံတွင်းနဲ့ ဆိုင်တယ်။ အသား-ငါးစားတာ၊ အရက်သောက်တာ၊ ဆေးလိပ် သောက်တာ၊ ဆေးငုံတာတွေကြောင့်လဲ အနံ့ မကောင်းစေဘူး။ လူဝလို့လဲ ဖြစ်တတ်တယ်။                                                              
• အစားအစာတွေကို ပါးစပ်ကနေ စားသောက်လိုက်ပြီးရင် ကျေချက်ပြီးနောက် သွေးထဲရောက်မယ်။ နောက်မှာ အဆုပ်ကို ရောက်ရာကနေ အသက်ရှူထုတ်တော့ ဆိုင်ရာ အနံ့ထွက်စေတယ်။ ပါးစပ်ထဲမှာ အစားအစာတွေ ကပ်သတ် ကျန်နေရင် (ဗက်တီးရီးယား) တွေ ပေါက်ဖွါးစေမယ်။ သူတို့ထဲမှာ အနံ့ ဆိုးစေတာမျိုးတွေ ရှိတယ်။ Bacteria ကနေ toxins အဆိပ်လို ဖြစ်လာစေနိုင်တယ်။ ဆေးမကုရင် သွားဖုံးရော မေးရိုးပါ ရောဂါ ရစေနိုင်တယ်။
• ကြက်သွန်ဖြူ၊ ကြက်သွန်နီတွေ စားရင် Brushing and flossing ပါးစပ်ဆေး၊ သွားတိုက်တာတောင်မှ ခဏတာ အနံ့ ဖုံးပေးတာ လောက်သာ တတ်နိုင်တယ်။
• သွားတု တပ်တာ နေရာမကျရင်၊ (ရိစ်) မှိုရောဂါရရင်၊ သွားပိုးစားရင်လဲ အနံ့မကောင်းတာ ဖြစ်စေနိုင်တယ်။
• Dry mouth (Xerostomia) ပါးစပ်ခြောက်နေတာဖြစ်လို့လဲ ဖြစ်နိုင်သေးတယ်။ တံတွေးဟာ ပါးစပ်ကို သန့်ရှင်းပေးတယ်။ အက်စစ်ဓါတ်ကို ဖြေပေးတယ်။ သေသွားတဲ့ (ဆဲလ်) တွေကိုလဲ ရှင်းပေးတယ်။ တံတွေးနည်း-ခြောက်နေရင် အဲလို ကောင်းကျိုးတွေ မဖြစ်စေတော့ဘဲ ပုပ်နံ့ထွက်လာစေတယ်။ ပါးစပ်ခြောက်နေတာက ဆေးဝါးတွေကြောင့် ဖြစ်နိုင်တယ်။ Salivary gland တံတွေး ထွက်အိတ်တွေ ရောဂါရနေလို့လဲ ဖြစ်စေတယ်။
• နူမိုးနီးယား၊ လေပြွန်ရောင်၊ နာတာရှည် (ဆိုင်းနပ်စ်) ရောဂါ၊ တာရှည်နှာရည်ယိုတာ၊ ဆီးချို၊ အက်စစ်ရည် အထက် ဆန်ရောဂါ၊ အသဲရောဂါ နဲ့ ကျောက်ကပ် ရောဂါတွေ ကြောင့်လဲ အာခေါင်ခြောက် နေနိုင်တယ်။

(၁) လျှာ
Don't let your tongue become a dirty carpet! လျှာကို ညစ်ထေးနေတဲ့ ကော်ဇောလို မဖြစ်ပါစေနဲ့လို့ တင်စား ပြောကြတယ်။ ဘာလို့လဲဆိုတော့ ခံတွင်းနံ့ မကောင်းတာကို လျှာကြောင့်ဖြစ်ရတာ ၈ဝ-၉ဝ% ရှိတယ်။ လျှာမှာနေတဲ့ (ဗက်တီးရီးယား) ကနေ Malodorous compounds နဲ့ Fatty acids တွေ ဖြစ်လာစေတယ်။ လူတိုင်းမှာရှိနေတဲ့ အဲလို ပိုးတွေက လျှာရဲ့ နောက်ပိုင်းမှာနေကြလို့ သန့်ရှင်းရေးလုပ်တာ မထိရောက်စေဘူး။ နှာရည်ယိုနေတာ၊ အာခေါင် ခြောက်နေတာတွေကြောင့် ပိုဆိုးစေတယ်။ Anaerobic bacteria အမျိုးအစားပိုးတွေက ပိုဆိုးစေတယ်။ ကြာတော့ Putrescent smell of indole, Skatole, Polyamines အနံ့တွေ ဒါမှမဟုတ် Rotten egg ဥပုပ်တဲ့အနံ့မျိုး ထွက်မယ်။ Volatile sulfur compounds (VSCs) အနံ့မျိုးဖြစ်တယ်။ Hydrogen sulfide, Methyl mercaptan, Allyl methyl sulfide နဲ့ Dimethyl sulfide တွေကို ဆိုလိုတာဖြစ်တယ်။ ဒီလိုကြောင့်ဖြစ်သူတွေက Mints, Mouth sprays, Mouthwash တွေ သုံးနိုင်တယ်။ ဒါတွေကလဲ အနံ့ဆိုကို ဖုံးပေးတာသာဖြစ်တယ်။ လျှာကို သန့်ရှင်းရေးက ပိုအရေးကြီးတယ်။

(၂) Mouth
ပါးစပ်၊ ပါးစပ်ထဲမှာ ဗက်တီးရီးယား အမျိုးအစားပေါင်း ၆ဝဝ ကျော်ရှိတယ်။ အဒီထဲက တချို့တွေက အနံ့ဆိုး ထွက်စေအောင် လုပ်နိုင်တယ်။ သူတို့ကနေ Proteins (ပရိုတင်း) တွေကို ချေဖျက်ပြီး Amino acids (အမိုင်နိုအက်စစ်) တွေ ထွက်လာမယ်။ ဆက်ပြီး Hydrogen sulfide နဲ့ Methyl mercaptan တွေ ဖြစ်တဲ့ အနံ့ဆိုး ဓါတ်ငွေ့တွေ ဖြစ်စေမယ်။ Bad mouth ဆိုတာ အာဖရိက ကလာတဲ့ ကျိန်စာသဘော ဖြစ်ပြီး ဒီခေတ်မှာ သူများအပြစ်တင်တာကို ပြောတာဖြစ်တယ်။ ဗမာတွေကတော့ ခံတွင်းနံ့ ကောင်းချင်ရင် မုသား မပြောပါနဲ့တဲ့။

(၃) Gum disease
 သွားဖုံးရောဂါတွေကြောင့်လဲ ဖြစ်တယ်ဆိုတာကို အားလုံးကတော့ လက်မခံပါ။

(၄) Nose
 နှာခေါင်း၊ ဒုတိယလိုက်တယ်။ Sinus infections (ဆိုင်းနပ်စ်) ရောဂါ ထိပ်ခပ်နာ နဲ့ Foreign bodies ပြင်ပ-ပစ္စည်း ဝင်နေတာတွေကနေ ဖြစ်စေမယ်။

(၅) Tonsils 
အာသီးရောဂါကနေ (ဆဲလ်) ပျက်စီး-သေဆုံးတာတွေကြောင့် အနံ့ဆိုး ထွက်နိုင်တယ်။ ၃-၅% မှာဖြစ်တယ်။

 (၆) Esophagus
အစာမြိုပြွန်မှာ Hiatal Hernia နဲ့ GERD ရောဂါရနေရင်ဖြစ်မယ်။ Zenker's diverticulum ရောဂါ ကနေလဲ ဖြစ်တယ်။

(၇) Stomach 
အစာအိမ်ကြောင့် သိပ်မဖြစ်စေတတ်ပါ။ လေချင်တက်တာတော့ ဖြစ်မယ်။

(၈) Systemic diseases 
တခြားရောဂါတွေကတော့ Fetor hepaticus ရောဂါ၊ အသက်ရှူလမ်း အောက်ပိုင်း ရောဂါတွေ၊ ကျောက်ကပ်ရောဂါတွေ၊ ကင်ဆာ၊ ဆီးချိုရောဂါ နဲ့ Metabolic dysfunction ရောဂါ၊ လျှာ-ကင်ဆာ၊ လည်ချောင်း-ကင်ဆာ နဲ့ အစာမြိုပြွန်-ကင်ဆာတွေ ဖြစ်တယ်။

Management ဘယ်လိုကုသမလဲ
• Good oral hygiene ခံတွင်း သန့်ရှင်းပါ။ Fluoride toothpaste (ဖလိုရိုက်) ပါတဲ့ သွားတိုက်ဆေးနဲ့ တနေ့ ၂ ကြိမ် သွားတိုက်ပါ။ အစာစားပြီးရင်လဲ သွားတိုက်ပါ။ သွားပွတ်တံကို ၂-၃ လ တခါ အသစ်လဲပါ။
• Floss ဒါမှမဟုတ် Interdental cleaner သွားကြားသန့်ရှင်းနည်း တနေ့တခါ လုပ်ပါ။
• သွားအတုကို ညအချိန် ဖြုတ်ထားပြီး သန့်ရှင်းပေးပါ။
• သွားဆရာဝန်နဲ့ ပုံမှန် (တနှစ် နှစ်ခါ) စစ်ဆေးကုသပါ။
• ရေများများ သောက်ပါ။
• Chewing gum ငုံပါ။ ဖြစ်နိုင်ရင် သကြား မပါတာကို ငုံပါ။ Sucking on candy စုပ်ရတဲ့ အစားအစာမျိုးကနေ သွားရည် ပိုထွက်စေတယ်။ သကြားမပါရင် ပိုကောင်းတယ်။
• ကြော်ညာပြီး ရောင်းနေတဲ့ Mouthwashes ပါးစပ်ဆေး ဆေးရည်တွေကို သတိပြုသုံးပါ။ ခဏလောက်သာ အနံ့ဆိုးကို ဖုံးပေးမယ်။ Astring-O-Sol, Colgate, Dentyl pH, Listerine, Oral-B, Sarakan, Scope နဲ့ Tantum verde တွေဖြစ်တယ်။ Oral-B ကို ၂၀၀၉ ကတည်းက ရောင်းခွင့်ပိတ်လိုက်ပြီ။
• Antiseptic mouth-rinse တွေက ပိုးတွေသေစေမယ်။ 3G Mouthwash, All-Fresh, Alna Biotech, Am Pm Mouthwash, Ampm Mouthwash, Angelica Mouthwash, Antiplaque Mouthwash, Antiseptic & Antiplaque Mouthwash, Chlorex Mouthwash, Chlorhexadine Gluconate Mouth Wash, Chlorhexidine Mouthwash, C-Nate--Chlorhexidine Gluconate, Dysinc Mouthwash, FRESHO Mouthwash, Gumdent Mouthwash, Herbal Mouthwash, Listerine Liquid Mouthwash, Mouthwash (AMPM), Nirmal Mouth Wash, Oral care Flavours and Fragrances, Oraline Mouthwash (Chlorhexidine Mouthwash) နဲ့ Speedent Mouth Wash တွေ ဖြစ်တယ်။
• လျှာကို ညင်ညင်သာသာ တနေ့ ၂ ခါ သန့်ရှင်းပါ။ လျှာပေါ်က Bacterial biofilm ဗက်တီးရီးယား၊ Debris အစာ အကြွင်းအကျံတွေ နဲ့ Mucus အကျိအချွဲတွေကို Tooth brush, Tongue cleaner, Tongue brush/scraper စတဲ့ လျှာဆေးကရိယာ သုံးပါ။ ဇွန်းနဲ့လဲ လုပ်လို့ ရပါတယ်။ လျှာကို မခိုက်မိပါစေနဲ့။ လျှာနောက်နားမှာ V-shaped ပုံရှိနေတဲ့ Taste buds အရသာခံ အသီး-အဖုလေးတွေကို မထိခိုက်စေပါနဲ့။
• Gargling တခုခုစားပြီးတိုင်း ပါးစပ် ပလုပ်ကျင်းပါ။ Streptococcus salivarius K12 ဆေးလဲသုံးနိုင်တယ်။ Antibacterial mouthrinses က အကျိုးရှိစေတယ်။ ဗက်တီးရီးယားတွေကိုနိုင်တဲ့ Cetylpyridinium chloride, Chlorhexidine, Zinc gluconate, Essential oils, နဲ့ Chlorine dioxide တွေကို သုံးတယ်။ တချို့က Odor eliminators အနံ့ကိုနိုင်တဲ့ Oxidizers တွေကိုလဲ သုံးတယ်။
• အိမ်သုံး-ဆေးနည်းတွေ = Areca nut ကွမ်းသီး-အစို၊ Betel leaf ကွမ်းရွက် နဲ့ Betel leaf ကွမ်းသီး-အခြောက်တွေကို ဝါးခိုင်းတယ်။ တချို့က ဒီလိုလုပ်တာ Squamous cell carcinoma ကင်ဆာ ဖြစ်စေမလား စိုးရိမ်တယ်။ Lemon သံပုရာ-ရှောက်သီး၊ Clove လေးညှင်း၊ Cardamon seeds ဖါလာစေ့၊ Aniseed စမုန်စပါး၊ Apple ပန်းသီး၊ Zinc သွပ်ဓါတ်ပါတဲ့ အစားအစာတွေ၊ Green tea ရေနွေးကြမ်း၊ Baking soda (ဆိုဒါ)၊ Hydrogen peroxide ဟိုက်ဒရိုဂျင်-ပါအောက်ဆိုက် တွေကိုလဲ သုံးနိုင်တယ်။
• သွား-ခံတွင်း ကောင်းနေပေမဲ့ အနံ့မကောင်းသေးရင် တခြား ကျန်းမာရေး စစ်ဆေးရမယ်။

နာတာရှည် ပါးစပ်နဲ့ မကောင်းသူတွေကို ကုရတာ ခက်တယ်။ တာရှည်ဖြစ်နေရင် Periodontal disease သွားဖုံးရောဂါကို ဆက်ဖြစ်စေနိုင်တယ်။ Plaque on teeth သွားအပေါ်ဖုံအလွှာ ဖြစ်လာရင် အဲလိုရောဂါ ဖြစ်စေတယ်။

Mouthwashes သုံးပြီး Chronic halitosis နာတာရှည် ခံတွင်းနံ့ ဆိုးနေတာကို ကောင်းစေတယ်လို့ သုတေသနက သက်သေ မပြနိုင်ပါ။ ကိုယ့်ခံတွင်းနံ့ကို သိပ်ကောင်းစေချင်လို့ ဆေးလာကုသူတွေထဲက ကဲသူတွေကို Halitophobia ဆိုတာ Delusion halitosis လို့ ခေါ်တယ်။ အလိုလို ကြာညိုနံ့ သင်းချင်နေသူကို ပြောတာပါ။
                                       ဒေါက်တာတင်ဆွေ

မြန်မာ ခန္ဓာကိုယ်ြ​ဖင့် ရင်းနှီးလု​ပ်ကိုင်ရသူ​များအတွက် ဆေးခန်း

သီတာဝင်းဟာ ရန်ကုန်မြို့လမ်းမပေါ်မှာ သူ့ခန္ဓာကိုယ်ကို ရောင်းစားရာကနေ (အိတ်ခ်ျ-အိုင်-ဗွီ) ကူးစက်ခံလာရတဲ့အခါ သူမ အားကိုးနိုင်တာက ယိုယွင်း ကျဆင်းနေတဲ့ နိုင်ငံတော်ရဲ့ ကျန်းမာရေးဌာန မဟုတ်ဘဲ သူမလို ဘဝတူတွေသာ ဖြစ်ပါတယ်။ ခန္ဓာကိုယ် ရင်းနှီးပြီး လုပ်ကိုင်နေသူတွေအတွက် သက်သက် ဆောင်ရွက်ပေးနေတဲ့ (တော့ပ်-ပရောဂျက်) ကနေ သူမကို ဆေးလဲ ကုပေးတယ်၊ (အိတ်ခ်ျ-အိုင်-ဗွီ) ရောဂါနဲ့ ဒီလို အသက်မွေးလုပ်ငန်းအပေါ်မှာ အထင်အမြင် မှားတာတွေနဲ့ ကင်းရာနေရာကိုလဲ ပေးတယ်။ ကုန်ကုန်ပြောရရင် အလုပ်အကိုင်လဲ ရှာပေးသေးတယ်။ “ကျမအခုဆို ကိုယ့်အသိုင်းအဝိုင်းကို ကူညီနိုင်တဲ့ ကျန်းမာရေး-လုပ်သား တယောက် ဖြစ်နေပြီ။ ကျမမှာ ရောဂါပိုး ရှိတယ် ဆိုတာကိုတောင် မေ့ထားနိုင်ပြီလေ။ ကျမဒီလို အလုပ်မျိုးတွေ လုပ်ခွင့်ရတာ ဂုဏ်ယူပါတယ်။ ကျမတသက်လုံး သူတို့အတွက် လုပ်သွားမှာပါ” လို့ အသက် ၃၃ နှစ်အရွယ်ကနေ (အေ-အက်ဖ်-ပီ) ကို ပြောလိုက်ပါတယ်။ (တော့ပ်) နဲ့ အလားတူ (ပရောဂျက်) တွေဟာ စစ်တပ်ကနေ ကြီးစိုးထားတဲ့ မြန်မာနိုင်ငံမှာ အလွန်လိုအပ်လှပါတယ်။ ဘာလို့လဲ ဆိုတော့ ကျန်းမာရေးအတွက် ငွေကနည်းလွန်းတယ်။ လူတွေက ဟိုဟိုဒီဒီ သွားလာ လှုတ်ရှားနေကြရတယ်။ ပညာရေးကလဲ နိမ့်ကျတယ်။ အာရှမှာ (အိတ်ခ်ျ-အိုင်-ဗွီ) ကပ်ရောဂါ အဆိုးဆုံးနိုင်ငံလဲ ဖြစ်လို့ပါဘဲ။ “ကျမမှာ ရောဂါရှိနေတာ စသိတော့ ကိုယ်ဝန်ကြီးနဲ့ပါ။ ကျမကို ကလေးစိတ်ချရအောင် ဘယ်လိုလုပ်ရလဲဆိုတာ သူတို့က ပြောပြကြတယ်။ ဒါ့ကြောင့် ကျမကလေးမှာ ရောဂါကင်းတာ ကျမသိမ်စိတ်ချမ်းသာတယ်” လို့ သီတာဝင်းက ဆိုပါတယ်။ ၂ဝဝ၈ ခုနှစ်အတွင်း မြန်မာနိုင်ငံမှာ လိင်လုပ်ငန်းနဲ့ အသက်မွေးနေရသူပေါင်း ၆ သောင်းထဲက လူ ၅ ယောက်မယ် ၁ ယောက်မှာ (အိတ်ခ်ျ-အိုင်-ဗွီ) ရှိနေကြတယ်လို့ ခန့်မှန်းတယ်။ ပြီးခဲ့တဲ့နှစ် သြဂုတ်လထုတ် ကုလသမဂ္ဂ အစီရင်ခံစာ တခု အရ တရားဥပဒေဆိုင်ရာ အကန့်အသတ်တွေနဲ့ ခွဲခြားဆက်ဆံမှုတွေ ဒီ တရားမဝင်ဖြစ်နေတဲ့ အသက်မွေး လုပ်ငန်းဆီ ရောက်ဘို့ ခက်ခဲလှပါတယ်။ စစ်တမ်းအရ ရဲတွေဟာ ဖမ်းဆီးဘို့ (ကွန်ဒွမ်) ကို သက်သေအဖြစ် တင်ပြနေတာရှိတယ်လို့ ထောက်ပြထားတာ တွေ့ရတယ်။ (တော့ပ်) ကိုတည်ထောင်သူ ဒါရိုက်တာ (ဟဘစ်-ရာခ်မန်) ပြောတာက “စီမံချက်ရဲ့ သော့ချက်တခုကတော့ အယူအဆလွဲ တွေကနေ ကင်းဝေးတဲ့နေရာနဲ့ ပြဿနာတွေကို ဘဝတူတွေကြား မျှဝေနိုင်ရေး ဖြစ်ပါတယ်” လို့ ဆိုပါတယ်။ “သန့်ရှင်းရေး လာလုပ်သူတွေဆိုတာလဲ လိင်လုပ်ငန်းကသူဘဲ။ အကူအညီပေးတဲ့ (ကောင်ဆယ်လာ) တွေဆိုတာလဲ သူတို့ဘဲ။ ဒါ့ကြောင့် ဒီအသိုင်းအဝိုင်းကနေဘဲ လူသစ်မွေးဘို့ ဆုံးဖြတ်ခဲ့တာ ဖြစ်ပါတယ်။ ဘာလို့လဲဆိုတော့ အယူအဆ လွဲတွေ၊ ခွဲခြားမှုတွေ မရှိစေချင်လို့ပါ။” (ရာမန်) ပြောတာက “အမျိုးသမီးတွေ အများစုဟာ အန္တရာယ်ကို ဘာမှမသိဘဲ လိင်နဲ့အသက်မွေးတဲ့ လုပ်ငန်းထဲ ဝင်လာခဲ့ကြတယ်။” “မြန်မာနိုင်ငံမှာ ယေဘုယျ ပြောရရင် ကျောင်းတွေမှာ လိင်ပညာပေးဆိုတာ မရှိပါ။” ဒီ (ပရောဂျက်) ကနေ လိင်နဲ့ အသက်မွေးနေဆဲသူတွေထဲကနေ လူသစ်စုရတယ်။ သူများတွေကို (အိတ်ခ်ျ-အိုင်-ဗွီ) အကြောင်း ပညာပေးဘို့နဲ့ သတင်းအချက်အလက်တွေ ဖြန့်ရာမှာ သူတို့သိတဲ့၊ ယုံရတဲ့သူဆီကနေတာမျိုး ဖြစ်အောင် လုပ်တာ ဖြစ်ပါတယ်။ “ကျွန်တော်တို့က ရောဂါပိုး ရှိနေတာ သိပေမဲ့ ခင်ဗျားတို့ ဒီလို လိင်ရောင်းစားတာ မလုပ်ပါနဲ့လို့ ဘယ်သူ့ကိုမှ ပြောနိုင်စွမ်း မရှိပါ။ လုပ်နိုင်တာတခုကတော့ ကိုယ့်ကိုယ်ကို ကျန်းမာအောင်နေဘို့နဲ့ ဖေါက်သည်တွေကို (ကွန်ဒွမ်) သုံးပြီး ကာကွယ် စေဘို့သာ ဖြစ်ပါတယ်” လို့ (ရာမန်) ကပြောတယ်။ သူကဘဲ ဆက်ပြောတာက “(တော့ပ်) ရဲ့ အချိန်ပိုင်း ပညာပေးသူ (ပီးယား-အက်ကျူကေတာ) တွေကိုတော့ လိင်-လုပ်ငန်းမှာ ဆက်လုပ်ချင်ရင် လုပ်ဘို့ တိုက်တွန်းပါတယ်။ အချိန်ပြည့်သမားတွေကြတော့ လုံးဝ ဒီအလုပ် ဆက်မလုပ်ဘို့ ညွှန်ကြားထားပါတယ်။” မြင့်မြင့်ဟာ အိမ်ထောင်ပျက်ပြီး လိင်လုပ်ငန်း စီးပွါးရေးထဲရောက်ပြီး၊ မကြာခင်လေးမှာဘဲ (အိတ်ခ်ျ-အိုင်-ဗွီ) ကူးစက်တာ ခံရခဲ့တယ်။ သူမရဲ့ ဖေါင်သည်တွေဟာ ပဲနဲ့ငါး စီးပွါးရေးသမားတွေ ဖြစ်ပြီး ကာကွယ်တာ မသုံးချင်သူတွေ ဖြစ်တယ်လို့ ပြောပြတယ်။ (ကွန်ဒွမ်) မသုံးချင်တဲ့ ဖေါက်သည်တွေနဲ့ တွေ့ရင် ကျမ အကြမ်းဖက်တာ ခံရတယ်။ ဒါက ပြဿနာ အကြီးစားဘဲ။ ကျမ ထင်တာတော့ ဖေါက်သည်တွေဟာ (ကွန်ဒွမ်) အကြောင်း မသိကြဘူး။ သူတို့က ပလပ်စတစ်-အမှိုက်လို သဘောထား ကြတယ်။ ဒီလို ပြောပြသူကတော့ (တော့ပ်) ရဲ့ ပညာပေးသူ (ပီးယား-အက်ကျူကေတာ) နဲ့ လိင်လုပ်ငန်းကိုလဲ ဆက် လုပ်နေသူလဲ ဖြစ်တယ်။ ကုလသမဂ္ဂ အစီရင်ခံစာအရ မြန်မာပြည်မှာ (အိတ်ခ်ျ-အိုင်-ဗွီ) အဓိကကူးစက်နေတာက အန္တရာယ် အများဆုံး အုပ်စုဖြစ်တဲ့ လိင်ရောင်းစားသူတွေနဲ့ ဖေါက်သည်တွေ ဖြစ်ကြသလို ယောက်ျား လိင်တူ ဆက်ဆံသူတွေလဲ ဖြစ်တယ်။ မူးယစ်ဆေး ထိုးသူတွေမှာ ၃၆% နဲ့ အများဆုံးဖြစ်ပြီး၊ သူတို့ကဘဲ ပိုက်ဆံပေးတဲ့ လိင်လုပ်ငန်းထဲ ဝင်သေးတာမို့ လိင်လုပ်ငန်းကနေ ကပ်ရောဂါလို ဖြစ်အောင် လောင်စာထိုးပေးသလို ဖြစ်စေတယ်။ နှစ်ပေါင်းများစွာ စစ်ဗိုလ်ချုပ်တွေက ပေယျာလကန်ပြုထားတယ်။ မြန်မာနိုင်ငံဟာ ၂ဝဝ၇ ခုနှစ်မှာ ကျန်းမာရေး အသုံး စရိတ်ဟာ ဘတ်ဂျက်ရဲ့ ဝ့၉% သာ သုံးခဲ့တယ်။ ဒါ့ကြောင့် နိုင်ငံခြား အလှူရှင်တွေဟာ (အိတ်ခ်ျ-အိုင်-ဗွီ) ကုသရေးကိုသာ လုပ်ကြဘို့ တွန်းပို့စေတော့တယ်။ ၂ဝ၁ဝ အငြင်းပွါးဘွယ် ရွေးကောက်ပွဲကနေ တက်လာတဲ့ အစိုးရသစ်ကနေ နိုင်ငံခြား အလှူရှင်တွေကနေ ပိုမို ရင်းနှီး မြုတ်နှံဘို့ မျှော်လင်ချက်ပေးနေပေမဲ့ နိုင်ငံတော်ကတော့ စစ်တပ်ဖွဲ့စည်းပုံအတွက် ဒီနှစ်မှာ ၂ဝ% သုံးပါလိမ့်မယ်။ ၂ဝဝ၉ ခုနှစ် ကုလသမဂ္ဂ ခန့်မှန်းချက်အရ မြန်မာနိုင်ငံမှာ လူပေါင်း ၂၄ဝဝဝဝ မှာ ရောဂါပိုး ရှိနေတယ်။ တိုးတက်မှု ရှိလာတာ ဖြစ်ပေမဲ့ ရောဂါဖြစ်ပွါးနှုန်းကတော့ အာရှမှာ ထိုင်းနဲ့ ပါပူအာ-နယူးဂီနိ ပြီးရင် တတိယအများဆုံး ဖြစ်နေတာမို့ စိုးရိမ်စရာ ကောင်းလှပါတယ်။ (အိတ်ခ်ျ-အိုင်-ဗွီ) ကပ်ရောဂါဟာ မြန်မာပြည်မယ် သော့ချက်ကျတဲ့ လူဦးရေတွေမှာ အကျပိုင်းကို ဦးတည်နေတယ်။ ဒါပေမဲ့ မြင့်မားနေဆဲသာ ဖြစ်ပါတယ်လို့ မြန်မာနိုင်ငံရှိတဲ့ (ယူအက်စ်အေအိုင်ဒီ) က စိုးနိုင်က ပြောပါတယ်။ သူပြောတာက နိုင်ငံတော်က ထားပေးတဲ့ (အိတ်ခ်ျ-အိုင်-ဗွီ) ကုသရေးဌာနတွေဟာ မြို့ကြီးတွေမှာ ရှိပါတယ်။ ဒါပေမဲ့ အခြေအနေက အကောင်းကြီး မဟုတ်ပါ။ လူတွေက အရည်အသွေးနဲ့ သူများတွေကို မသိစေချင်တာတွေကြောင့် သိပ်မသွားချင်ကြဘူး။ (တော့ပ်) ဆေးခန်းတွေကနေ စမ်းသပ်တာတွေရော၊ ရှင်းပြတာတွေရော ကုသတာပါ အားလုံးလုပ်ပေးနေပါတယ်။ ပြီးခဲ့တဲ့နှစ်က စစ်ဆေးမှုနဲ့ ကုသမှုတွေကို စုစုပေါင်း လိင်ကုန်ကူးလုပ်ငန်းက အမျိုးသမီး ၁၁၇၇ဝ ယေက်နဲ့ အမျိုးသား ၁ဝ၇၂၇ ဦးကို ဆောင်ရွက်ပေးခဲ့တယ်။ ဒါဟာ (အိတ်ခ်ျ-အိုင်-ဗွီ) စမ်းသပ်မှု ၄ဝ% နဲ့ ၈၂% အသီးသီး ဖြစ်ကြတယ်။ ဒီစီမံချက်ဟာ လွန်ခဲ့တဲ့ ၇ နှစ်က နိုင်ငံတကာ လူဦးရေးဆိုင်ရာအဖွဲ့ကြီး (ပီ-အက်စ်-အိုင်) ကနေ ထူထောင်တာပါ။ အခု ဝန်ထမ်းပေါင်း ၃၅ဝ ရှိတယ်။ ဒီထဲက ၉၅% ဟာ လိင်လုပ်ငန်းလုပ်သူ အမျိုးသမီးတွေနဲ့ လိင်တူယောက်ျားတွေ ဖြစ်တယ်။ မြို့ပေါင်း ၁၉ မြို့မှာရှိပါတယ်။ အမေရိကန်ရဲ့ ၂ဝဝ၇ ခန့်မှန်းချက် အရ မြန်မာနိုင်ငံမှာ သုံးပုံတပုံဟာ ဆင်းရဲမွဲတေမှု အောက်မှာ ကျနေတယ်။ ငွေလိုအပ်ချက်ကြောင့် လူတွေကို လိင်အသက်မွေးမှုထဲ ဆက်ပြီး တွန်းပို့နေတယ်။ သီတာဝင်းဟာ လိင်ကို စပြီး ရောင်းခဲ့ရတုံးက တက္ကသိုလ်ကျောင်းသူသာ ရှိသေးတယ်။ အိမ်ထောင့် တာဝန်နဲ့ ကလေး ပြုစုရမဲ့ ဝန်ထုပ်ဝန်ပိုးတွေကြောင့် ခုထိ ဒီအလုပ်ဘဲ ဆက်နေရပါသတဲ့။ “ကျမဘွဲ့ရခဲ့တာ လိင်လုပ်ငန်းကနေ ဖြစ်ပါတယ်။ ဒီအလုပ်နဲ့ဘဲ ကျမမိသားစုကို ကောင်းကောင်း ထောက်ပံ့နိုင်ခဲ့တယ်” လို့ ဓါတုဗေဒနဲ့ ဘွဲ့ရခဲ့သူက ပြောပါတယ်။ သူမကဘဲ မိသားစု ၇ ယောက် လုံလောက်တယ်လို့ ဆက်ပြောသေးပါတယ်။
                                     ဒေါက်တာတင့်ဆွေ

အဆုတ်ရောဂါရှိသူများ စိတ်ခံစားမူ ကောင်းစေရန်

သင့်မှာနာတာရှည်အဆုတ်ရောဂါရှိတဲ့အခါ နေကောင်းတဲ့ နေ့ရက်တွေရှိသလို နေထိုင်မကောင်းတဲ့ နေ့ရက်တွေလည်း ရှိမှာပါပဲ။ နာတာရှည်အဆုတ်ရောဂါရှိသူတွေအနေနဲ့ ခန္ဓာကိုယ်ပိုင်းဆိုင်ရာ ကျန်းမာရေးကို ဂရုစိုက်သလိုပဲ စိတ်ခံစားမူဆိုင်ရာ ကျန်းမာရေးကိုလည်း ဂရုစိုက်ဖို့ လိုပါတယ်။

ထိန်းချုပ်ကာ နေထိုင်ပါ
နာတာရှည်အဆုတ်ရောဂါရှိရင်စိတ်ပျော်ရွှင်မူအပေါ်သက်ရောက်မူရှိနေပါတယ်။ဒီရောဂါကြောင့် ဒေါသထွက်တာ။ အလိုမကျတာနဲ့စိတ်ဓာတ်ကျတာတွေဖြစ်တတ်ပါတယ်။အောက်ပါအချက်တွေကသင့်ခံစားချက်ကို ထိန်းချုပ်နိုင်မယ့်နည်းတွေ ဖြစ်ပါတယ်။

- ပျော်ရွှင်ဖွယ်ရာ အရာတွေကို လုပ်ဆောင်ပါ။ သင့်ရဲ့ တစ်နေ့တာကို အစီးအစဉ်ရေးဆွဲနေစဉ်မှာ သင့်စိတ်ပျော်ရွှင်မူရစေမယ့် လုပ်ဆောင်မူတချို့ပါဝင်ပါစေ။

- သူငယ်ချင်းနဲ့ မိသားစုနဲ့ အတူနေထိုင်ပါ။ အပေါင်းအသင်းတွေနဲ့ စုရုံးပြီး ပျော်ပျော်ရွှင်ရွှင်နေထိုင်တာက အထီးကျန်နေထိုင်တာထက်စိတ်ခံစားမူကိုကောင်းမွန်စေပါတယ်။သင်ခင်မင်ရသူတွေကိုသင့်ခံစားချက်အကြောင်း ဖွင့်ဟ ပြောဆိုပါ။

- အဆုတ်ရောဂါနဲ့ ပတ်သက်တဲ့ ဗဟုသုတတွေကို တတ်နိုင်သမျှလေ့လာပါ။ သင့်အနေနဲ့ အဆုတ်ရောဂါအကြောင်းကောင်းကောင်းသိလေလေ၊ရောဂါကို ထိန်းချုပ်နိုင်စွမ်း ပိုရှိလေလေ ဖြစ်နေမှာပါ။ သင့်ရောဂါအကြောင်း သိနားလည်တဲ့ မိသားစုဝင်တစ်ဦးကို ဆရာဝန်ထံ သွားတိုင်း ခေါ်သွားပါ။

- ဆေးကုသမူမှာ တက်တက်ကြွကြွပါဝင်ပါ။ ဆိုလိုတာက သင်သိလိုတဲ့ မေးခွန်းတွေကို ဆရာဝန်ကို မေးပါ။ မသက်သာရင် ကုသမူ အသစ်ကို ပြောင်းလို့ရမလား ဆိုတာကို ထည့်သွင်းမေးမြန်းပါ။

အိမ်ထောင်ဖက်နှင့် ချစ်ခင်စွာ နေပါ
သင့်အနေနဲ့ အောက်ဆီဂျင်ကို သုံးနေရရင်တောင်မှ နာတာရှည် အဆုတ်ရောဂါရှိတာနဲ့ အိမ်ထောင်ဖက်နဲ့ ကာမဆက်ဆံမူမပြုရတော့ဘူးဆိုတာ မဟုတ်ပါဘူး။

- သင်တို့ရဲ့ စိတ်ခံစားချက်တွေ ထိစပ်မူကတစ်ဆင့် သင့်ရဲ့ စိတ်ကျန်းမာရေး ပိုကောင်းလာပါလိမ့်မယ်။

- ကာမစပ်ယှက်မူဟာ စိတ်ခံစားမူကို ပိုကောင်းစေပါတယ်။ ဒါပေမဲ့ ပင်ပန်းစေမယ့် နည်းလမ်းမျိုးကို ရှောင်ပါ။

- ကာမစပ်ယှက်မူကို သဘောမကျရင်လည်း အဆင်ပြေပါတယ်။ အိမ်ထောင်ဖက်ကို ပွေ့ဖက်တာ၊ ချစ်ခင်ကြောင်းပြောတာ၊စောင့်ရှောက်တာစတဲ့နည်းတွေကလည်းသင့်စိတ်ကိုကြည်နူးသာယာမူ ဖြစ်စေနိုင်ပါတယ်။

သတိပြုရန်
နာတာရှည်အဆုတ်ရောဂါရှိတာကြောင့်တစ်ချိန်လုံးနာမကျန်းဖြစ်နေလိမ့်မယ်လုမဆိုလိုပါဘူး။ ရောဂါကြောင့် သင့်စိတ်ကမျှော်လင့်ချက်ကင်းမဲ့နေသလိုလို၊အကူအညီမဲ့နေသလိုလိုဖြစ်နေရင်ဆရာဝန်နဲ့တိုင်ပင်ဆွေးနွေးပါ။ စိတ်ဓာတ်ကျတဲ့လက္ခဏာတွေကိုထိန်းချုပ်နိုင်မှသာသင့်ရဲ့ခန္ဓာကိုယ်ကျန်းမာရေးပါပိုကောင်းလာမှာ ဖြစ်ပါတယ်။ 

  ညီမလေးမိုးနှင်းဖြူ (လာရှိုး)မှကူညီပံပိုးပေးပါသည်