ချစ်တယ်လုိ့ မိန်းကလေးများ စ မပြောမိပါစေနဲ့

ဒီပိုစ့်လေးကိုမရေးချင်ပေ့မယ့်ရေးလိုက်ပြီဗျာ။ကျွန်တော်ကောင်းစေချင်လို့ပါ။မိန်းကလေးတွေကို ပုတ်ခတ်တာလဲမဟုတ်ပါဘူး။မိန်းကလေးတွေကစိတ်အရမ်းနုနယ်ကြတယ်။အဲ့ဒါပြောရမယ်ဆိုရင် မကောင်းဘူးပေါ့ဗျာ။ရည်စားစကားဆိုတာယောင်္ကျားလေးကစပြောရမှာပါ။မိန်းကလေးဘက်ကစပြီး ဘယ်လောက်ပဲချစ်နေပါစေလုံးဝကိုဖွင့်မပြောသင့်ပါဘူး။ပြီးတော့အွန်လိုင်းကယောင်္ကျားလေးတွေကို လည်းမယုံပါနဲ့။မယုံဖို.ဆိုတာကိုလဲကျွှန်တော်ခဏခဏပြောခဲ့ပါတယ်။ကျွန်တော့်သူငယ်ချင်းရဲ.

ကိုယ်တွေတစ်ခုပြောပြမယ်။မိန်းကလေးတစ်ယောက်နဲ့အွန်လိုင်းမှာခင်တယ်။သူက အွန်လိုင်းလည်းသိပ်မသုံးတက်သေးဘူး။သူမသိတာလေးတွေပြောပြတာပေါ့။သူကရန်ကုန်ကမဟုတ်ဘူး တခြားကနေရန်ကုန်ကိုလာတာ။အဲဒါရန်ကုန်မှာဘယ်လိုနေဘယ်လိုထိုင်ဆိုပြီးပြောမိပါတယ်။နေမကောင်းဘူး ဆိုလည်းအွန်လိုင်းမှာကျွန်တော့်သူငယ်ချင်းကိုလာပြောတယ်။သူဖြစ်သမျှအခက်ခဲတွေကိုလည်းပြောပြတယ်။ ကျွန်တော်သူငယ်ချင်းကလည်းသာမန်သူငယ်ချင်းတစ်ယောက်အနေနဲ့နားထောင်ပေးဖြစ်ပါတယ်။ အကြံလည်းပေးဖြစ်ပါတယ်။ဒါကသူငယ်ချင်းတစ်ယောက်အနေနဲ့ရင်ဖွင့်တာကိုနားထောင်တာလေ။ဘာလို့ တလွဲသွားတွေးကြတာလဲ။သူကပြောတယ်ကျွန်တော်သူငယ်ချင်းနဲ့စကားပြောရတာပျော်တယ်တဲ့။  ကျွန်တော့်သူငယ်ချင်းကိုရင်ဖွင့်လိုက်ရင်သူရင်ထဲမှာရှိတာတွေပေါ့သွားတယ်တဲ့။ကျွန်တော့်သူငယ်ချင်းက

အဲလိုပြောတာတွေကိုသာမန်လို့ထင်ထားခဲ့တာ။သူနဲ့အွန်လိုင်းမှာခင်လာတာဆယ်လလောက်ရှိမယ်ထင်တယ်။

အဲဒီဆယ်လအတွင်းဘယ်နေ့လာခဲ့မယ်နော်။ရက်ချိန်းတွေပေးပါတယ်။ သူငယ်ချင်းတစ်ယောက်အဖြစ်တော့လာခဲ့တော့ပြောဖြစ်ပါတယ်။သူ့ကိုတအားကြီးလည်း ဂရုစိုက်ပြတာတော့မဟုတ်ပါဘူး။သူငယ်ချင်းတစ်ယောက်ကိုဂရုစိုက်သလိုသာမန်ဂရုစိုက်မှုလေးပါပဲ။ သူကိုမှမဟုတ်ပါဘူးတခြားသူငယ်ချင်းတွေကိုလည်းအဲလိုပဲ၊စာရေးတဲ့သူဆိုပိုတောင်ဆိုးသေးတယ်ပိုတောင်

ပြောတတ်သေးတယ်။ဒါပေ့မယ့်အဲဒီသာမန်ဂရုစိုက်မှုတွေကသူ့အတွက်သာယာမှု တစ်ခုဖြစ်သွားခဲ့တယ်ထင်ပါတယ်။တစ်ရက်မှာအချစ်အကြောင်းမပြောဖူးဘဲသူကပြောလာတယ်။ ကျွန်တော့်သူငယ်ချင်းထက်တစ်နှစ်ငယ်တယ်။အစ်ကိုတဲ့သူမှာချစ်ရမယ့်သူတစ်ယောက်ရှိနေပြီတဲ့။ ဟုတ်လားပေါ့။သူကမင်းကိုဖွင့်ပြောပြီးပြီလားလို့မေးတယ်။သူဘက်ကဒီအတိုင်းပဲတဲ့။ညီမဘက်က

ဖြစ်နေတာပါတဲ့။ဖွင့်ပြောလိုက်ရင်ကောင်းမလားတဲ့။ကျွန်တော်အဲဒီမှာသူ့ကိုသတိပေးတယ်။မင်းက မိန်းကလေးဖြစ်တယ်။လုံးဝဖွင့်မပြောသင့်ဘူးလို့။တကယ်လို့ဖွင့်ပြောလိုက်ရင်လည်းမင်းအတွက်က ရလဒ်မကောင်းဘူးလို့ပြောခဲ့ပါတယ်။မိန်းကလေးတစ်ယောက်ကိုအရင်ကသုံးနှစ်သုံးမိုးတောင် ရည်းစားစကားပြောရတာပဲတို့၊အစဉ်အလာမရှိတဲ့အကြောင်းတို့သူနားလည်အောင်သူ့ကိုပြောခဲ့ပါတယ်။ သူကပြောတယ်။ဒီတိုင်းကြီးတဖက်သတ်ကြီးနေနေရမှာလားတဲ့။အင်းပေါ့လို့ပြောခဲ့တယ်။မရတော့ဘူး အစ်ကိုတဲ့။ညီမရင်ထဲမှာဘယ်လိုမှမျိုသပ်မထားနိုင်တော့ဘူးတဲ့။ပြောမှကိုဖြစ်မယ်တဲ့။ကျွန်တော်ဘယ်လို နားဝင်အောင်ပြောပြောမရခဲ့ပါဘူး။သူကပြောတယ်။ညီမပြောလိုက်တော့မယ်တဲ့။သူအဲဒီစကားပြောပြီးရင် တပတ်လောက်အွန်လိုင်းမလာတော့ဘူးတဲ့။အဲဒီထိကိုမသိသေးပါဘူး။နောက်တော့အဲဒီတစ်ယောက်က အစ်ကိုပဲတဲ့။တိန်သေရောပဲလေ။ကျွန်တော့်သူငယ်ချင်းကဆက်ပြောခဲ့ပါတယ်။အစ်ကို့ဘက်ကတော့မင်းကို သာမန်ညီမ၊သူငယ်ချင်းတစ်ယောက်ထက်မပိုနိုင်ပါဘူ့း။ပြီးတော့မင်းအစ်ကို့ကိုပြောတဲ့အတွက်

တော်သေးတာပေါ့။တခြားတစ်ယောက်ဆိုရင်မင်းဘယ်နှယ့်လုပ်မလဲ။မင်းကိုအထပ်ထပ်မှာထားတာပဲ အွန်လိုင်းကသူတွေကိုမယုံပါနဲ့လို့။ယုတ်စွအဆုံးအစ်ကို့ကိုပါမယုံနဲ့လို့ပြောထားတာလေလို့ပြောခဲ့ပါတယ်။

သူကအစ်ကို့ကိုမို့လို.ပြောတာတဲ့။အဲလိုတွေဖြစ်ပြီးနောက်ပိုင်းမှာကျွန်တော်သူ့ကိုပြောခဲ့ပါတယ်။ မင်းနဲ့မတွေ့တော့ဘူးလို့။မင်းအစ်ကို့ကိုအစ်ကိုတစ်ယောက်လိုသဘောထားနိုင်တဲ့အချိန်အွန်လိုင်းလာခဲ့ပါလို့

ပြောခဲ့တယ်။သူတစ်ပတ်လောက်နေတော့ပြန်တက်လာပါတယ်။အဲဒီနောက်ပိုင်းကနေ အခုချိန်ထိမတွေ့တော့ပါဘူး။အဲလိုအဖြစ်မျိုးတိုက်တိုက်ဆိုင်ဆိုင်ပဲနောက်တစ်ယောက်ကြုံခဲ့ရပါတယ်။ အဲဒါကြောင့်လည်းဒီပို့စ်လေးကိုရေးလိုက်တာပါ။မိန်းကလေးတွေကိုပုတ်ခတ်ရည်ရွယ်ပြီးရေးသားခြင်းမဟုတ်ပါ။

အဲလိုမျိုးကျွန်တော်ကြုံခဲ့ရတယ်။အဲဒီတော့အဲလိုမိန်းကလေးတွေကိုပြောချင်ပါတယ်။မိမိသိက္ခာကို ငဲ့ကွက်ကြပါ။မိန်းကလေးဆိုတဲ့အိနြေ္ဒကိုစောင့်ထိန်းကြပါ။အရှက်ကိုအသက်နဲ့လဲရမယ်ဆိုတဲ့ မိန်းကလေးတွေအတွက်ဆောင်ပုဒ်တွေတောင်ရှိခဲ့တာပဲ။ရှေးလူကြီးပြောခဲ့တာတွေကိုဖျောက်ဖျတ်မပစ်ကြ

ပါနဲ့။ညီမတွေလိုကိုယ်ချင်းစာပြီးရေးသားခြင်းဖြစ်ပါတယ်။မဖြစ်သင့်တဲ့ကိစ္စတွေပါ။ ရုပ်စွအဆုံးပြောလိုက်မယ်မတော်သူနဲ့တွေ့ရင်ဘဝပါပျက်သွားနိုင်ပါတယ်။မိမိကိုယ့်ကိုယ်တန်ဖိုးထားကြပါ။ တအားကြီးမပျော့ညံ့ကြပါစေနဲ့။ယောင်္ကျားလေးတစ်ယောက်ဂရုစိုက်တိုင်းလည်းသူ့ဘက်ကိုပါ မသွားပါစေနဲ့။သေချာစဉ်းစားဆုံးဖြတ်ကြပါ။ဘယ်လောက်ပဲကိုယ့်ဘက်ကတစ်ဖက်သတ်ချစ်နေပါစေ

နောက်ဆုံးအချိန်ထိကိုကိုယ့်ဘက်ကစမပြောမိပါစေနဲ့ဗျာ။အဲလိုမိန်းကလေးမျိုးသူငယ်ချင်းတို့ ပတ်ဝန်းကျင်မှာတွေ့ခဲ့ရင်လည်းဝိုင်းဝန်းပြောဆိုဖြောင့်ဖျကြပါ။မိန်းကလေးများသောအားဖြင့် သူငယ်ချင်းတွေကိုတော့တိုင်ပင်မယ်လို့မျှော်လင့်ပါတယ်။ဖြစ်နိုင်ရင်တော့အွန်လိုင်းမှာသူငယ်ချင်းပဲရှာကြပါ။

ကြင်ယာမရှာကြပါနဲ့။အခုခေတ်လူငယ်တွေတ်ာကီတွေမှာလည်းမျောမသွားပါစေနဲ့။အွန်လိုင်းကို စသုံးတက်ခါစမိန်းကလေးတွေမှာအများဆုံးဖြစ်တက်ပါတယ်။မိမိသူငယ်ချင်းလေးတွေ အဲလိုစသုံးတဲ့သူရှိရင်ဖေးမကူညီကြပါလို့စာဖတ်သူများကိုပြောချင်ပါတယ်။အွန်လိုင်းက အသုံးချတက်ရင်ရွှေပါ။တလွဲအတွေးတွေနဲ့အွန်လိုင်းမသုံးကြပါနဲ့။အကျိုးရှိမယ့်အရာလေးတွေနဲ့ပဲ အွန်လိုင်းမှာအချိန်ကုန်ကြပါစေ။အွန်လိုင်းပေါ်ကကောင်လေးတွေကိုအတက်နိုင်ဆုံးမယုံတာအကောင်းဆုံးပါ။ အွန်လိုင်းမှာတွေ့တဲ့ကောင်လေးတွေပေါ်မှာလည်းမသာယာကြပါစေနဲ့နော်။ညီမချင်း ကိုယ်ချင်းစာမိလို့ရေးတာပါ။စော်ကားမှု၊ပုတ်ခတ်မှုများပါခဲ့ပါကအနူးအညွှတ်တောင်းပန်အပ်ပါသည်။

 

မိန်းကလေးတိုင်း သိထားသင့်သော အဖြူဆင်းခြင်း

မိန်းကလေးတွေမှာအဖြူဆင်းတာကအဖြစ်များတတ်ပြီးမစိုးရိမ်ရတဲ့အခြေအနေဖြစ်နိုင်သလို အသက်အန္တရာယ်ကိုထိခိုက်စေနိုင်တဲ့အခြေအနေလည်းဖြစ်နိုင်ပါတယ်။အဖြူဆင်းတာကအနံ့အသက် ရှိတယ်၊အရောင်ရှိတယ်ဆိုရင်ပိုးဝင်တာကြောင့်ဖြစ်နိုင်ပါတယ်။

ပုံမှန်အဖြူဆင်းခြင်း
မိန်းကလေးတွေမှာအဖြူဆင်းရတဲ့အကြောင်းကအမျိုးမျိုးဖြစ်နိုင်ပါတယ်။တစ်လတစ်ကြိမ်သားဥကြွေချိန်မှာ မိန်းကလေးတွေရဲ့အဖြူဆင်းတာကပြောင်းလဲမှုဖြစ်ပေါ်နိုင်ပါတယ်။သားဥကြွေချိန်နီးတဲ့ရက်တွေမှာသင်ရဲ့ အဖြူဆင်းတာကအရည်ကြည်ကြည်တွေဆင်းတတ်ပါတယ်။ဒါကပုံမှန်အဖြူဆင်းတာဖြစ်လို့မစိုးရိမ်ပါနဲ့။

ပုံမမှန် အဖြူဆင်းခြင်း
မိန်းမကိုယ်ကနေပုံမမှန်အဖြူဆင်းနေတယ်ဆိုရင်တော့သားဖွားမီးယပ်ဆရာဝန်နဲ့အမြန်ဆုံးပြသစစ်ဆေးဖို့ လိုပါတယ်။သားအိမ်ခေါင်းကင်ဆာနဲ့သားဥအိမ်ကင်ဆာတွေဖြစ်နေနိုင်တာကြောင့်ပါ။
ငါးညှီနံရခြင်း...အဖြူဆင်းတဲ့အခါငါးညှီနံလိုညှီစို့စို့အနံ့မျိုးရနေရင်ဒါဟာပုံမှန်မဟုတ်ပါဘူး။ဘက်တီးရီးပိုး ဝင်တာကြောင့်ဖြစ်နိုင်ပါတယ်။အိမ်တွင်းကုထုံးနဲ့ဖြေရှင်းနိုင်ပါတယ်။ပိုးသတ်အာနိသင်ရှိတဲ့ကြက်သွန်ဖြူ စားပါ၊ဒိန်ချဉ်သောက်ပါ။အဖြူဆင်းတဲ့အခါငါးညှီနံ့ရနေတာဟာယောနိလမ်းကြောင်းရောင်ရမ်းနေတာကြောင့်
လည်းဖြစ်နိုင်ပါတယ်။ယောနိလမ်းကြောင်းရောင်ရမ်းမှုကိုမျိုးဆက်ပွားများနိုင်တဲ့အသက်အရွယ် အတွင်းမှာရှိတဲ့မိန်းကလေးတိုင်းဖြစ်နိုင်ပါတယ်။ဒါဟာလိင်မှတစ်ဆင့်ကူးစက်တတ်တဲ့ရောဂါကြောင့်လို့တော့ သတ်မှတ်လို့မရပါဘူး။ကုသမှုနည်းလမ်းတွေကတော့မျိုးစုံရှိနိုင်ပါတယ်။အိမ်တွင်းကုထုံးနဲ့မသက်သာပါက ဆရာဝန်နဲ့ ပြသတိုင်ပင်ပါ။

အဖြူဆင်းရာတွင်အရောင်ပါခြင်း
လိင်မှတစ်ဆင့်ကူးစက်တတ်တဲ့ရောဂါဖြစ်ပါတယ်။အနံ့အသက်ဆိုးဆိုးရွားရွားထွက်နေတာ၊အဖြူဆင်း ရာမှာအစိမ်းရောင်၊အဝါရောင်ဒါမှမဟုတ်မီးခိုးရောင်တွေဖြစ်နေတတ်ပြီးအမျိုးသားနဲ.အတူနေတဲ့အခါ နာကျင်တာ၊ယားယံတာနဲ့ယောနိလမ်းကြောင်းတစ်လျှောက်နေမထိထိုင်မသာဖြစ်တတ်ပါတယ်။
ဒိန်ချဉ်လိုအဖတ်များဆင်းခြင်း..မိန်းမကိုယ်မှိုစွဲတာကြောင့်ဖြစ်ပါတယ်။ဒိန်ချဉ်သောက်ပေးရုံနဲ့ အလွယ်တကူပျောက်ကင်းနိုင်ပါတယ်။အနံ့အသက်မရှိတတ်ပေမယ့်ပူစပ်ပူလောင်ဖြစ်တာနဲ့ ယားယံတာတွေခံစားရတတ်ပါတယ်။ဆီးသွားတဲ့အခါနာကျင်မှုဖြစ်တတ်ပါတယ်။ကလမ်မိုင်ဒီယား မှိုပိုးကြောင့်ဖြစ်တတ်ပြီးဆရာဝန်နဲ့ပြသဖို့လိုပါတယ်။

အရည်ကြည်များဆင်းခြင်း
လိင်မှတစ်ဆင့်ကူးစက်တတ်တဲ့ဟားပီးစ်ဗိုင်းရပ်စ်ပိုးကြောင့်အရည်ကြည်ကြည်တွေဆင်းတာနဲ့မိန်းမကိုယ် တစ်ဝိုက်မှာကြွက်နို့ပေါက်တာတွေဖြစ်တတ်ပါတယ်။မိန်းမကိုယ်တစ်ဝိုက်မှာပူစပ်ပူလောင်ဖြစ်တာ၊ ယားယံတာတွေဖြစ်တတ်ပြီးအရည်ကြည်ဖုတွေလည်းပေါက်တတ်ပါတယ်။အဖြူဖတ်များဆင်းခြင်း ဂနိုရောဂါကြောင့်မိန်းမကိုယ်ကအဖြူဖတ်တွေဆင်းနေနိုင်ပါတယ်။အဖြူဖတ်တွေဆင်းတာနဲ့အတူ
ရောင်ရမ်းတာ၊နာကျင်တာ၊ယားယံတာတွေလည်းဖြစ်နိုင်ပါတယ်။
                                                                                 အလင်း (ဆေးဝါး)

ရန်ကုန်မြို့တွင် ပြည့်တန်ဆာ လုပ်ငန်း လုပ်ကိုင်နေသော အမျိုးသမီးငယ်များက အင်တာနက်ကို အသုံးပြုပြီး ဖေါက်သည် ရှာဖွေမှုများ တိုးမြှင့် လုပ်ကိုင်လာ

ယခင်ကတယ်လီဖုန်းများဖြင့်ဆက်သွယ်ပြီးဖေါက်သည်ရှာဖွေခဲ့ကြသည်။မြို့တွင်းရှိကားမှတ်တိုင်များတွင် ရပ်ပြီးကားစီးမည့်ခရီးသည်အချင်းချင်းလိုက်လံကပ်မေးအချက်ပြပြီးတည်းခိုခန်း၊ ဟိုတယ်လ်သို့ခေါ်ဆောင်ကာလိင်ဖျော်ဖြေရေးလုပ်ငန်းများလုပ်ဆောင်နေကြသလို ကန်တော်ကြီး၊ပြည်လမ်းမများပေါ်ရှိကားမှတ်တိုင်အချို့တွင်ထိုင်လျက်ကိုယ်ပိုင်ကားများကိုအချက်ပြကာ လိင်ဖျော်ဖြေရေးလုပ်ငန်းလုပ်ကိုင်နေသူများလည်းရှိသည်။

အဆိုပါနည်းများဖြင့်လိင်ဖျော်ဖြေရေးလုပ်ကိုင်နေသူများကိုမြန်မာနိုင်ငံရဲတပ်ဖွဲ့မှစစ်ဆေး အရေးယူမှုများကြောင့်ပေါ်ပေါ်တင်တင်မလုပ်ရဲကြဘဲမသိမသာပုံစံဖြင့်သာကိုယ်ယောင်ဖျောက် လုပ်ကိုင်နေကြသော်လည်းယခုအခါအိုင်တီနည်းပညာကိုအသုံးပြုပြီးခေတ်မှီနည်းများဖြင့်ဈေးကွက် ချဲ့ထွင်လာသည်ကိုတွေ့မြင်ကြားသိနေရသည်။ထိုကဲ့သို့အမှန်တကယ်ပြည့်တန်ဆာလုပ်ငန်းကို လုပ်ကိုင်နေသူအမျိုးသမီးများအနေဖြင့်ပေါက်သည့်နဖူးမထူးဟူသောစကားအတိုင်းမထူးဆန်း လှသော်လည်းအတုမြင်အတတ်သင်လာမည့်ဆယ်ကျော်သက်များနှင့်အင်တာနက်ကိုအမှန်တကယ် အသုံးပြုနေသည့်ငယ်ရွယ်နုပျိုသည့်မိန်းကလေးများ၏အရှက်နှင့်သိက္ခာအတွက်မူစိုးရိမ်ဖွယ်အခြေအနေ တစ်ရပ်ဖြစ်လာနေသည်။
လက်ရှိဖြစ်ပေါ်နေသောအင်တာနက်ကိုအသုံးပြုပြီးလိင်ဖျော်ဖြေရေးလုပ်ငန်းလုပ်ကိုင်နေသူများမှာအသက် ၁၈ နှစ်မှအသက်၃၀ပတ်ဝန်းကျင်အထိအမျိုးသမီးများပါဝင်နေပြီးအချို့မှာဂိုဏ်းဖွဲ့ပြီးပြည့်တန်ဆာခေါင်းဆောင် များက Onlineအသုံးပြုကာဈေးကွက်ရှာဖွေပေးပြီးလိင်ဖျော်ဖြေမည့်အမျိုးသမီးငယ်များကိုစုဆောင်း ထားသည်ဟုပင်ကြားသိနေရသည်။

အဆိုပါအခြေအနေနှင့်ပတ်သက်ပြီးရန်ကုန်မြို့၌အင်တာနက်ကဖေးတစ်ခုကိုဦးစီးလုပ်ကိုင်နေသည့် ညီငယ်တစ်ယောက်၏အတွေ့အကြုံများကို MMDailynews.com မှမေးမြန်းခဲ့ရာ သူက.."ဟုတ်... အွန်လိုင်းကနေပြည့်တန်ဆာလုပ်ငန်းလုပ်ကိုင်နေတာတွေရှိတယ်အစ်ကို၊ဆိုင်မှာလာသုံးနေတဲ့ User တစ်ယောက်ပေါ့။သူကကောင်မလေးတစ်ယောက်ရဲ့အကောင့်ကိုရလို့ Gtalk ကနေAdd လိုက်တယ်။ အစကတော့သူဘာဆိုတာမပြောဘူးပြီးတော့အပြင်မှာချိန်းတယ်။အဲ့ဒီမှာသူတို့လုပ်စရာရှိတာတွေ ဆက်လုပ်ကြတယ်အဲ့တာကတစ်မျိုးအခကြေးငွေအတွက်တည်းခိုခန်းမှာချိန်းဘယ်လောက်ရရင် လိုက်မယ်ပေါ့။နောက်တစ်ခုကအကြီးစားပြည့်တန်ဆာတွေပေါ့။အွန်လိုင်းကနေတွေ့တယ်။ပြီးရင်ချိန်းတယ် ကြိုက်ရင်လိုက်သွားတယ်(ကက)သီးသန့်ပေါ့။
အခုနောက်ပိုင်းအွန်လိုင်းကိုပြည့်တန်ဆာတွေတော်တော်ကသုံးလာကြတယ်။Onlineကနေရတဲ့ဖေါက်သည်
တွေကလဲငွေကြေးများများပေးနိုင်တာကိုး။ဒီလုပ်ငန်းဖြစ်လာတာခန့်မှန်းရသလောက်အထူးသဖြင့် ရန်ကုန်မှာပေါ့။2008 ခုနှစ်နောက်ပိုင်းအခု 2010 ခုနှစ်မှာအမြင့်ဆုံးကိုရောက်နေတယ်လို့ထင်ပါတယ်။
ဒီလိုပြည့်တန်ဆာတွေလှူပ်ရှားလာတော့ကျန်တဲ့ဆယ်ကျော်သက်အမျိုးသမီးတွေမူဒိန်းမှူတွေနဲ့ ကိုယ်ကျင့်တရားအထိန်းသိမ်းလျော့ရဲတာတွေပါဖြစ်လာနိုင်ပါတယ်။

အွန်လိုင်းပြည့်တန်ဆာတွေရဲ့ပစ်မှတ်ကအွန်လိုင်း(ချက်တင်)ကိုအသုံးပြုတတ်ခါစလူတွေ၊အပြင်မှာတစ်ခါမှ လက်တွေ့မစမ်းရဲကြတဲ့ဆယ်ကျော်သက်တွေငွေကြေးတတ်နိုင်တဲ့သူတွေလို့ထင်ပါတယ်။သူတို့ကGtalkနဲ့ VZOကိုအများဆုံးအသုံးပြုပါတယ်။အခုနောက်ပိုင်းပေါ့။မြန်မာဘလော့ဂါအချို့ရဲ့sex၀က်ဆိုဒ်တွေမှာ Member၀င်ပြီးလဲဆက်သွယ်နေကြပါတယ်။ကျွန်တော်ကိုယ်တိုင်တစ်ခါတော့ကြုံဘူးတယ်။အကောင့်က ကျွန်တော့်Gtalkကိုအမှတ်မထင်ရောက်လာတယ်။ကျွန်တော်ကလက်ခံလိုက်တယ်။သူဂျီတော့မှာ မက်ဆေ့ခ်ျတစ်ခုတင်ထားတယ်။သူနဲ့ပျော်ချင်ပါသလားတစ်ည( Edit )ဆိုပြီး။
ကျွန်တော့်သူငယ်ချင်းတွေနဲ့ဒီလောက်ရဲတင်းလှတာကောင်မလေးတကယ်ဟုတ်မဟုတ်မေးမယ်ဆိုပြီး သူငယ်ချင်းတွေသူ့အကောင့်ကိုဝိုင်းAddကြတယ်။အပြင်မှာချိန်းတယ်တကယ့်ကောင်မလေးပါဘဲ။သူက ဘယ်တည်းခိုခန်းမှာဘယ်လိုဆိုဘယ်လောက်စိတ်ကြိုက်ကြိုက်တာခိုင်းဆိုဘယ်လောက်။
လူဘယ်နှစ်ယောက်ဆိုဘယ်လောက်ဆိုပြီးဈေးတွေတောင်Onlineကနေညှိခဲ့ဘူးတယ်။တကယ်သူချိန်းတဲ့ လက်ဖက်ရည်ဆိုင်မှာတစ်ယောက်ကသွားပြီးစောင့်ကြည့်တယ်။တကယ်ဟုတ်မဟုတ်။ တကယ်ပါဘဲကောင်မလေးတော်တော်ချောချောလေးပါဘဲ။မထင်ရက်စရာပေါ့။အသက် ၁၉ နှစ် ၂၀နှစ် ၀န်းကျင်လေးပါ။တကယ်တော့ကျွှန်တော်တို့မပျော်ခဲ့ပါဘူး။
နောက်ပိုင်းတော့သူ့အကောင့်ကိုBlockလိုက်ပါတယ်။အသိUserတစ်ယောက်တော့အွန်လိုင်းကနေတွေ့ပြီး တစ်ခါအလုပ်ဖြစ်ခဲ့ဖူးတယ်ပြောပါတယ်။အင်တာနက်ဆိုင်မှဝန်ထမ်းတစ်ဦးကလည်း "ဟုတ်ကဲ့ခင်ဗျ၊ ဂျီတော့မှာကိုဖော်ချွတ်ပုံတင်ပြီးတကယ်လိုက်တဲ့အကောင့်ပိုင်ရှင်တွေရှိပါတယ်။ဆိုင်တွေမှာလည်းအဲ့သလို အကြောင်းကိစ္စတွေအတွက်အသုံးပြုနေတာတွေအနည်းနဲ.အများတော့မြင်နေရပါတယ်။
အွန်လိုင်းမှာပဲချိန်းပြီးကားနဲ့လာကြိုသွားတဲ့အထိတွေ့ ခဲ့ဖူးပါတယ်"ဟုသူမြင်တွေ့ခဲ့ရသမျှပြောသည်။ အွန်လိုင်းမှပြည့်တန်ဆာလုပ်ငန်းလုပ်ကိုင်သူများအနေဖြင့်ဖေါက်သည်ရှာရန်အတွက်သီးခြားပြင်ဆင်စရာ မလိုသည့်အပြင်ပြောဆိုညှိ့နှိုင်းရာတွင်လည်းနှစ်ဦးနှစ်ဖက်မျက်နှာပူစရာမလိုခြင်း၊ဈေးညှိနှိုင်းနေစဉ် အဖမ်းအဆီးခံရမည့်အရေးအတွက်လည်းကျီးလန့်စာစားဖြစ်စရာမလိုခြင်း၊ပတ်ဝန်းကျင်မှ အသိမိတ်ဆွေများကရိပ်မိသွားမည်ကိုပါစိုးရိမ်စရာမလိုသည့်အခြေအနေများကြောင့် အွန်လိုင်းမှဖေါက်သည်ရှာခြင်းလုပ်ငန်းကိုတိုးမြှင့်ဆောင်ရွက်လာကြခြင်းဖြစ်သည်။
မြန်မာလူမျိုးမိဘများအနေဖြင့်သားသမီးများကိုခေတ်မှီနည်းပညာများနှင့်ထိတွေ့ရင်းနှီုးလာစေလိုသော သဘောဖြင့်အင်တာနက်အသုံးပြုမှုကိုလွတ်လပ်စွာခွင့်ပြုထားကြသော်လည်းကျန်းမာရေးရှုထောင့်အရ ကြည့်မည်ဆိုပါကလည်းကောင်းအကျင့်သိက္ခာပိုင်းအရလည်းကောင်းထိခိုက်နစ်နာမှုများမဖြစ်လာစေရေး အတွက်သားသမီးတို့၏အင်တာနက်အသုံးပြုမှုကိုအတိုင်းအတာတစ်ခုအထိစောင့်ကြည့် ထိန်းသိမ်းစောင့်ရှောက်သွားရန်ပါလိုအပ်လာပြီဖြစ်သည်။

မြန်မာမိန်းကလေးများအင်တာနက်( On Line) ပေါ်တွင် Sex ကိစ္စပြောဆိုခြင်း၊ပြသခြင်းများရှောင်ကြဉ်ပါ

ဒီလို Chatting မျိုးကအနောက်တိုင်းမှာအင်မတန်ရေပန်းစားပါတယ်။အနောက်တိုင်းရယ်လို့တောင်မဟုတ် ပဲဂျပန်၊တောင်ကိုရီးယား၊ဖိလစ်ပိုင်၊အစရှိသဖြင့်အာရှနိုင်ငံများမှာပါaရပန်းစားလာတဲ့Chattingဖြစ်ပါတယ်။ စကားပြောဆိုရုံChatting,ရုပ်မြင်ရုံဗီဒီယိုChattingတင်မဟုတ်တော့ပဲမမြင်သင့်တာတွေပါမြင်အောင်ပြတဲ့ Chattingအမျိုးအစားဟာမြန်မာပြည်မှာပါရေပန်းစားလို့နေပါပြီ။အများစုကနိုင်ငံခြားရောက်နေတဲ့ချစ်သူနဲ့ စကားပြောဆက်သွယ်တဲ့အခါမှာဖြစ်ပါတယ်။အနောက်တိုင်းမှာခေတ်စားတာကတော့မဆန်းပြားပါဘူး။
ဒီလိုတွေခေတ်စားသလိုVideo-ChattingကRecordလုပ်ထားတာတွေဟာလည်းပလူပျံနေ တတ်ကြပါတယ်။မြန်မာဖြစ်Sexy-Chattingမှတ်တမ်းတင်ထားမှုတွေဟာလည်းအနောက်တိုင်းနဲ့ ရင်ဘောင်တန်းလို့အင်တာနက်စာမျက်နှာတွေမှာပလူပျံနေပါပြီ။ချစ်သူချင်းမဟုတ်ပဲအွန်လိုင်းမှာသိပြီး စိတ်ဝင်စားတဲ့သူအချင်းချင်းတောင်ပွင့်ပွင့်လင်းလင်းထင်သာမြင်သာတဲ့အထိတောင်ကြားနေရပါတယ်။ ဒါဟာဘာကြောင့်လဲ?ဘုရားဟောတရားနဲ့သာတရားကိုယ်ကောက်ရရင်တဏှာအရင်းခံပြီးဖြစ်တဲ့ ကိစ္စတွေပဲဖြစ်ပါတယ်။အိန္ဒြိယလက္ခဏာချို.ယွင်းမှုတစ်ခုပါပဲ။ချစ်ရုံကြိုက်ယုံနဲ့မိမိမှာရှိတဲ့အရှက်(ဟီရိ) တရားပါလက်လွတ်စပယ်ပြုလိုက်တာမျိုးဟာမရင့်ကျက်တဲ့သူများဖြစ်ပါတယ်။အထူးသဖြင့်ဆယ်ကျော် သက်လူငယ်များ၊အသက်ကြီးသော်လည်းစာရိတ္တပျက်ပြားသောအမျိုးသား၊အမျိုးသမီးများဖြစ်ပါတယ်။
ပြန့်လွင့်သွားနိုင်တဲ့ဗီဒီယိုတွေကိုပြန်ပြီးRecoverလုပ်ပေးမယ့်ဆော့ဖ်ဝဲ၊ဘာညာအစရှိသဖြင့်ပေါ်ပေါက်လာပါတယ်။
သို့ပေမယ့်အင်တာနက်ခေတ်ကြီးထဲမှာဒါတွေဟာပုရွတ်တစ်ကောင်လောက်အောင်အစွမ်းမထက်ပါဘူး။ သို့ပေမယ့်အစွမ်းအထက်ဆုံးနည်းလမ်းတစ်ခုရှိပါတယ်။ဒီနည်းလမ်းကအင်တာနက်ပေါ်ပျံလွင့်မှုလုံးဝ မဖြစ်စေတော့ပါဘူး။လုံးဝ(လုံးဝ)SexyChattingမလုပ်ဖို့ပဲဖြစ်ပါတယ်။ကိုယ်နဲ့ယခုမှစသိတဲ့သူပဲဖြစ်ဖြစ်
နှစ်လရှည်ကြာ တွဲလာတဲ့ ချစ်သူပဲ ဖြစ်ဖြစ်ချက်တင်ထိုင်တဲ့အခါ လိင်ပိုင်းဆိုင်ရာ ရိုင်း စိုင်းသော ပြောဆိုမှု ကိုရှောင်ရှားရန်လိုအပ်ပါတယ်။အဲလိုသာရှောင်ရှားရင်တော့Sex-Chattingဘက်ကိုရောက်ဖို့ အင်မတန်ဝေးသွားပါပြီ။အချို.ကျသိသိမသိသိတစ်ဖက်သားကိုဇွတ်အတင်းမြင်အောင်၊ဖတ်အောင် ကြိုးပမ်းကြသူများဖြစ်ပါတယ်။
ဘာပဲဖြစ်ဖြစ်ဘလော့(Block)ပစ်ဖို့လိုအပ်ပါတယ်။ချစ်သူအရင်းခေါက်ခေါက်ဖြစ်နေခဲ့ရင်လမ်းခွဲမယ်လို့ သတိပေးတဲ့အဆင့်ထိပြောဆိုရန်သတ္တိရှိပါတယ်။ဟုတ်ပါတယ်။ဒီလိုမကြိုက်ဘူးလို့ပြော ထားရဲ့သားဇွတ်အတင်းပြောဆိုပြသနေရင်ဒါတကယ်ချစ်တာမဟုတ်ပါဘူး။အကယ်၍ပျံလွင့်သွားရင်ဖြစ်လာ  မယ့်အကျိုးဆက်ကစာရေးသူမပြောလည်းသိကြမယ်ထင်ပါတယ်။အချို.ကျတော့Chattingမဟုတ်ပဲ Record လုပ်ထားတဲ့အပျော်ဗီဒီယို၊အသံဖိုင်အစရှိသဖြင့်ဖြန့်ဝေကြပါတယ်။ဒီမှာလည်းထိုနည်းတူစွာပါပဲ။
ဒီကိစ္စတွေကိုရှောင်ရှားထားရင်ပြဿနာဆိုတာဖြစ်လာစရာအကြောင်းမရှိပါဘူး။မရှောင်ရှားနိုင်ဘူး ဆိုရင်တော့ဗီဒီယိုရိုက်တဲ့ချစ်သူမျိုးဆိုရင်မတွဲသင့်တာလုံးဝသေချာနေပါပြီ။ဒါဘာရည်ရွယ်ချက်လည်း။ ဘာလို့မှတ်တမ်းတင်တာလဲ။အသိဥာဏ်ရှိရှိစဉ်းစားတွေးခေါ်သင့်တဲ့ကိစ္စဖြစ်ပါတယ်။ဒါကြောင့်ဒီ ပြဿနာတွေ၊ အန္တရာယ်တွေကင်းကောင်တစ်ခုတည်းသောနည်းလမ်းကလုံးဝ(လုံးဝ)မပြုလုပ်ခြင်း၊ရှောင်ကြဉ်ခြင်းသာဖြစ်ပါ တယ်။

မိန်းကလေးတစ်ယောက်ရဲ.နောက်ဆုံးအပျိုစင်

"အပျိုစင်”ဆိုတဲ့စကားလေး(၃)ခွန်းဟာစကားအရာ(၃)ခွန်းဆိုပေမယ့်ထိန်းသိမ်းရတာတော့ခက်ပါ လားနော်အမေကမွေးပြီးအချိန်မှစလို့အရွယ်ရောက်တဲ့အချိန်၊ဆယ်ကျော်သက်ရူးမိုက်တတ်စအချိန်တွေမှာ ထိန်းသိမ်းရခက်ခဲပါတယ်။ကိုယ်တိုင်စောင့်ရှောက်မှုနဲ့အတူအမေ့ရဲ့သွန်သင်ဆုံးမမှုတွေကြောင့်သာ ဆယ်ကျော်သက်ဆိုတဲ့ဘ၀လေးကနေအသိဥာဏ်တွေရင့်ကျက်တဲ့အသက်အရွယ်အထိ“အပျိုစင်”ဆိုတဲ့ ဂုဏ်ပုဒ်တစ်ခုကိုထိန်းသိမ်းနိုင်ခဲ့တာပါ။

                                         ဆယ်ကျော်သက်အရွယ်နဲ့အတူဒွန်တွဲပြီးဖြစ်ပေါ်လာတတ်တဲ့အချစ်ဆိုတဲ့အရာဟာအရွယ်နဲ့မမျှအောင် အင်အားကြီးမားခဲ့တာမို့ရင်ခုန်သံတွေရဲ့နောက်ကိုပါမသွားလေရအောင်ခက်ခက်ခဲခဲနဲ့ထိန်းသိမ်းခဲ့ရသူတွေ ကတော့ကျွန်မတို့မိန်းမသားတွေမဟုတ်လား…။ရင်ခုန်သံတွေစတင်ပြီးခုန်လာတတ်စမှာတော့သိပ်ချစ်တာပဲ

ဆိုတဲ့စကားလေးတစ်ခွန်းဟာမိန်းမတစ်ယောက်အတွက်တန်ဘိုးမဖြတ်နိုင်ပါဘူး…မိန်းမတစ်ယောက်ဟာ သူမရဲ့ဘ၀ကြီးတစ်ခုအတွက်ရှိသမျှအချစ်တွေအားလုံးကိုပေးချင်တတ်ကြပါတယ်၊အဲ့ဒီအရွယ်ဟာ..

ဆယ်ကျော်သက်အရွယ်လေးပါ…ဘာကိုမှမစဉ်းစားချင်၊ဘာကိုမှလည်းမဆုံးဖြတ်ဘဲ….တဒိန်းဒိန်း

ခုန်နေတာကိုအချစ်လို့မှတ်ယူတတ်ခဲ့လို့ပါပဲ…။ခုတော့လည်းရင်ခုန်သံတွေကတဆင့်ကျော်လာခဲ့ပြီမို့ အချစ်ဆိုတာကိုနားလည်သယောယောင်တော့ရှိလာသလိုလို…ဒါပေမယ့်လည်း မိန်းမတစ်ယောက်ရဲ့စိတ်ဟာခန့်မှန်းရခက်သားလား။ယောက်ျားတွေတွေ့တိုင်းဆွေ့ဆွေ့ခုန်၊ ရင်ခုန်ခြင်းမျိုးလည်းမဟုတ်။ရင်ခုန်သံတွေတဒိန်းဒိန်းမြည်နေခဲ့တိုင်းလည်းမိန်းမတွေမချစ်တတ်ခဲ့…။ ဒါဆို…ကျွန်မတို့မိန်းမတွေရဲ့အချစ်ဆိုတာကိုဘယ်လိုနားလည်ရမလဲ။

ဆယ်ကျော်သက်ရဲ့အထက်နှစ်ဆယ်ကျော်အရွယ်အစမှာတော့အချစ်ကိုရှာဖွေချင်သူဖြစ်လာခဲ့ပြန်ပါပြီ… ရှာဖွေချင်သော်ငြားလည်းရှာမရခဲ့။တိတ်တိတ်လေးရင်ထဲမှာကြိတ်နေပြီးချစ်တဲ့သူကိုလိုက်ရှာနေ မိတော့သည်…ဆယ်ကျော်သက်အရွယ်ကစိတ်မျိုးမဟုတ်ခဲ့…မိန်းမတစ်ယောက်ဟာသူမမြတ်နိုးသူ၊ သိပ်ချစ်တတ်တဲ့သူကိုသာရှာဖွေတတ်သည်…ယောက်ျားတစ်ယောက်ကချစ်သလား၊ကြိုက်သလားဆိုတဲ့ အရာကိုမစဉ်းစားမိ…စကားပုံတစ်ခုလိုပါပဲ…မချစ်ဘူးလို့အချစ်ရူး….အချစ်ဦးမို့အချစ်ထူးဆိုသလိုပါပဲ ပစ်ပစ်ခါခါ၊နှစ်နှစ်ကာကာချစ်ဖို့ကြိုးစားပြန်သည်….အချစ်တွေစုဆောင်းပြီးတောင်ပုံကြီး တစ်ခုလိုဖြစ်လာတဲ့အခါမိန်းမတစ်ယောက်ရဲ့အချစ်ဟာ…လောဘဆိုတဲ့အရာနဲ့ဒွန်တွဲလာပြန်ပါတယ်…။ သူမပေးထားသောအချစ်တွေအတွက်ယောက်ျားတစ်ယောက်ဆီကအစွမ်းကုန်လိုချင်သော အချစ်တစ်ခုပေါ့…ဆန့်ကျင်ဘက်တစ်ခုကတော့ပေးဆပ်ခြင်းဆိုတဲ့စိတ်တစ်ခုရယ်ပါ။ 
မိန်းမတစ်ယောက်ဟာယောက်ျားတစ်ယောက်အရမ်းချစ်တတ်တဲ့စိတ်တွေရှိလာတဲ့အချိန်နှလုံးသား တစ်ခုကိုပါစတေးပြီးချစ်တတ်ကြပါတယ်။ဒါပေမယ့်မိန်းမတစ်ယောက်ဟာအဲ့ဒီအချိန်မှာအချစ်ဆို တဲ့အရာကိုဆန်းစစ်ရှာဖွေနေချိန်လို့ပြောလို့ရနိုင်သလိုသေရာပါမယ့်အချစ်မျိုးဆိုရင်လည်းမှားမယ် မထင်ပါဘူး။နောက်ဆုံးအပျိုစင်ဘ၀…နောက်ဆုံးဆိုတဲ့စကားလေးတစ်ခွန်းကိုကြားမိတာနဲ့ မိန်းမတစ်ယောက်ရဲ့မကြားချင်ဆုံးသောစကားတစ်ခွန်းပါ။မိန်းမတွေဟာလောဘကြီးတယ်လို

ယောက်ျားတွေရဲ့တဖက်သက်အမြင်တွေကိုစွပ်စွဲခဲ့မယ်ဆိုရင်…သူမပြောပြချင်ပါတယ်။
ယောက်ျားတစ်ယောက်ရဲ့အချစ်ဆိုတာဘ၀ရဲ့တစ်စိတ်တပိုင်းပါ…မိန်းမတစ်ယောက်ကတော့သူမရဲ့ အပျိုစင်ဆိုတဲ့ဘ၀လေးကိုစွန့်လွှတ်ရတော့မယ်ဆိုတဲ့အသိစိတ်တစ်ခုဟာမီးတောင်တစ်ခုပေါက်ကွဲမတတ် ခံစားရတတ်ကြပါတယ်…ဘာကြောင့်လဲဆိုတဲ့အဖြေတစ်ခုမိန်းမတွေမှာရှိပါတယ်…အဲ့ဒီအချိန်မှာမိန်းမတွေ ဟာအချစ်ဆိုတဲ့အရာကိုနှလုံးသားနဲ့ရောဦးနှောက်နဲ့ပါအသိစိတ်တွေကရင့်ကျက်သွားခဲ့လို့ပါ။

မိန်းမတစ်ယောက်ရဲ့အပျိုစင်ဘ၀ကိုသူမချစ်တဲ့သူနဲ့ဖြတ်သန်းလိုက်ရမလား..သို့မဟုတ်သူမမချစ် မနှစ်သက်သူနဲ့ဖြတ်သန်းလိုက်ရမလားဆိုတဲ့စိုးရိမ်ပူပန်မှုတွေကမိန်းမတစ်ယောက်ကိုအကြီးအကျယ် ရိုက်ခတ်စေပါတယ်..ကျွန်မတို့မိန်းမသားဘ၀တွေမှာ…နောက်ဆုံးအပျိုစင်ဘ၀ကုန်ဆုံးသွားခဲ့ရင်အရာအား လုံးဟာပျောက်ဆုံးနေခဲ့ပါပြီ။ကျွန်မတို့ရဲ့ကိုယ်ပိုင်ရင်ထဲကခံစားချက်၊လွတ်လပ်ခွင့်တွေဟာနည်းပါးသွား ခဲ့ရပါပြီ။ရှေးရိုးအစဉ်လာတည်းကမိန်းမတစ်ယောက်ဖြစ်ခဲ့ရင်မီးဖိုချောင်မှာချက်ပြုတ်လုပ်ရတဲ့အလုပ်ပဲ လုပ်ရမယ်လို့သတ်မှတ်ချက်တစ်ခုဟာမိန်းမတစ်ယောက်အတွက်အခွင့်အရေးတွေကို လက်လွတ်ဆုံးရှုံးရသလိုဖြစ်စေပါ တယ်။

အပျိုစင်ဘ၀တွေမှာရွေးချယ်ပိုင်ခွင့်၊လွတ်လပ်ပိုင်ခွင့်၊အများနှင့်တန်းတူပညာသင်ခွင့်တွေဟာနောက်ဆုံး အပျိုစင်ဘ၀မှာစွန့်လွှတ်ခဲ့ရပါသည်။အပျိုစင်ဘ၀လေးကိုမစွန့်လွှတ်ခင်အချိန်ကလေးမှာ ကျွန်မတို့မိန်းမတွေဘယ်လောက်ထိခက်ခက်ခဲခဲနဲ့ထိန်းသိမ်းခဲ့ရတယ်ဆိုတာသိနိုင်မယ်ဆိုရင်…

                                                                              ခိုင်လေး

ထူးဆန်းသည့် ကုက္ကိုပင်ကြီးကို မခုတ်လှဲတော့ပါ

ဘဲချောင်းရွာသည်ဧရာဝတီမြစ်လက်တက်တစ်ခု၏ကမ်းနဖူးတစ်လျှောက်အရှေ့နှင့်အနောက်တန်းလျက် တည်ရှိနေသည့်ရွာတန်းရှည်ဖြစ်ပြီးဝါးခယ်မမြို့နယ်အတွင်းတည်ရှိကာအိမ်ခြေ၁၁၀ခန့်ရှိသည်။ဝါးခယ်မမြို.နှင့် ၁၃မိုင်ဝေးသောကျူံမငေးမြို.သို့သွားရာကားလမ်းအနီး၌ရှိ၍စည်ကားသည်။အရှေ့နှင့်အနောက်ရွာလယ်လမ်းကို 
ရွာသူရွာသားများကိုယ်ထူကိုယ်ထစနစ်ဖြင့်ငါးပေကျယ်သောကွန်ကရစ်လမ်းဖောက်လုပ်ထားရာ ရှစ်မျက်နှာစေတီနှင့်အ-လ-ကကျောင်းရှေ့တစ်ဖြတ်သာခင်းရန်ကျန်တော့သည်။ထိုလမ်းပိုင်းကို ဆက်ခင်းရန်မှာပင်စည်လူနှစ်ဖက်စာခန့်ရှိနှစ်၁၀၀ခန့်သက်တမ်းရှိပြီဖြစ်သောကုက္ကိုပင်ကြီးခံနေသည်။
ထိုအပင်ကြီးတွင်နှစ်စဉ်တပို့တွဲလရောက်တိုင်းမည်သည့်နေရာကလာသည်မသိသောငှက်ကြီးဝန်ပိုလို ငှက်ကြီးများအကောင်လေးငါးဆယ်ခန့်လာရောက်နားခိုကာအသိုက်လုပ်လေ့ရှိသည်ဟုဆိုသည်။ယခုနှစ် တွင်မိုးဒဏ်လေဒဏ်ကြောက်ရ၍ထိုကုက္ကိုပင်ကြီး၏အုပ်ဆိုင်းနေသည့်အကိုင်းများကိုရွာသားများက ချိုင်ခဲ့ကြပြီးယခုတစ်ဖန်လမ်းနှင့်မလွတ်၍အပင်ကြီးကိုခုတ်လှဲသင့်မလှဲသင့်အစည်းအဝေးပြုလုပ်သောအခါ ခုတ်လှဲရန်ဆန္ဒရှိသူကအများစုဖြစ်၍ခုတ်လှဲရန်ဆုံးဖြတ်ခဲ့ကြသည်။
သို့ဖြစ်၍သစ်ပင်ခုတ်ယူမည့်သူများအားငွေကျပ်တစ်သိန်းဖြင့်ရောင်း၍၎င်းတို့ခုတ်ယူကြရန်ဆွေးနွေး
သဘောတူလိုက်သည်။
ထိုညတွင်ပင်ကျေးရွာအုပ်ချုပ်ရေးမှူးဦးမင်းအောင်ကိုလည်းကောင်း၊ရပ်ကျိုးရွာကျိုးဆောင်ရွက်နေသူ ကိုကျော်လွင်ကို လည်းကောင်း''ငါဒုက္ခရောက်သလို မင်းတို့လည်း ဒုက္ခရောက်စေ ရမယ်။ ငါငို ရသလို မင်းတို့လည်းငိုရမယ်'' ဟုထူးဆန်းစွာအိပ်မက်လာပေးကြောင်း၊ကျုံမငေးမြို့မြတ်စွယ်တော်ကျောင်းပရိယတ္တိ စာသင်တိုက်နာယကဆရာတော်ဘဒ္ဒန္တပညာဇောတိကလည်းတရားဟောရင်း''ဒီအပင်ကြီးကိုမခုတ်ကြပါနဲ့၊ မလုပ်ကောင်းပါဘူး''ဟုမိန့်ကြားခဲ့ကြောင်း၊သို့ဖြစ်၍အဆိုပါကုက္ကိုပင်ကြီး(ပုံ)ကိုခုတ်လှဲခြင်းမပြုတော့ဘဲ ကွန်ကရစ်လမ်းကိုအပင်ကြီးအားဝိုက်၍ခင်းသွားရန်စီစဉ်နေကြပြီဖြစ်ကြောင်းဘဲချောင်းရွာ ဘုန်းတော်ကြီးကျောင်းဆရာတော်ဘဒ္ဒန္တ၀ရသာမိနှင့်ကျေးရွာဖွံ့ဖြိုးရေးကိုရှေ့တန်းမှဆောင်ရွက်နေသူ ဦးကျော်စိုး(အလယ်တန်း ကျောင်းအုပ်-ငြိမ်း) တို့ကပြောပြလိုက်သည်။
                                                                                 ပြည်မြန်မာ

ငါအိုသွားသောအခါ...

ငါအိုသွားတဲ့အခါငါဟာအရင်ကငါမဟုတ်တော့ဘူး၊ငါ့ကိုနားလည်ပေးပါ…၊စိတ်ရှည်ရှည်ထားဆက်ဆံပေးပါ။
ချိနဲ့နဲ့လက်တွေနဲ့ထမင်းဟင်းတွေအင်္ကျီပေါ်လောင်းမိတဲ့အခါ၊ဖိနပ်ကြိုးတွေချည်ဖို့မေ့သွားတဲ့အခါ၊ငါ့ကို မရွံပါနဲ့၊ငယ်ငယ်တုန်းကငါသင်ပေးခဲ့တာတွေကိုကျေးဇူးပြုပြီးသတိရပေးပါ။

အပ်ကြောင်းထပ်မကပြောဖူးတဲ့စကားတွေကိုငါပြန်ပြောမိတဲ့အခါစကားမဖြတ်ဘဲကျေးဇူးပြုပြီး နားထောင်ပေးပါ၊ငယ်ငယ်တုန်းကအိပ်ရာဝင်တိုင်းတစ်ထောင့်တညပုံပြင်တွေကိုမရိုးအောင်ပြောရင်း ငါချော့သိပ်ခဲ့ဖူးတာတွေကိုသတိရပေးပါ။

မလှုပ်မရှားနိုင်လို့ရေချိုးဖို့အကူအညီလိုတဲ့အခါငါ့ကိုမငြိုငြင်ပါနဲ့၊ငယ်ငယ်တုန်းကချော့တစ်လှည့်
ခြောက်တစ်ခါရေချိုးပေးခဲ့ဖူးတဲ့ပုံရိပ်လေးကိုမြင်ယောင်ပေးပါ။

ခေတ်သစ်၊နည်းပညာသစ်တွေကိုမသိနားမလည်ခဲ့ရင်ငါ့ကိုမလှောင်ပါနဲ့၊ငယ်ငယ်တုန်းက “ဘာကြောင့်”ဆိုတဲ့မေးခွန်းတိုင်းကိုစိတ်ရှည်စွာငါပြန်ဖြေခဲ့တာကိုသတိရပေးပါ။

စိတ်သွားတိုင်းကိုယ်မပါနွမ်းလျပြီးလမ်းမလျောက်နိုင်တဲ့အခါခွန်အားပါတဲ့လက်တစ်စုံနဲ့ငါကိုကူတွဲပေးပါ၊ လမ်းလျောက်သင်စအရွယ်တုန်းကတစ်လှမ်းချင်းလှမ်းလျောက်ကျင့်ပေးခဲ့ဖူးတာကိုကျေးဇူးပြုပြီး သတိရပေးပါ။

အသက်ကြီးလာလို့စကားပြောရာမှာရှေ့နောက်မညီဘဲအကြောင်းအရာတွေကိုငါမေ့သွားတဲ့အခါ အချိန်ပေးပြီးစဉ်းစားခွင့်ပေးပါ၊စကားအကြောင်းအရာတွေကငါ့အတွက်အရေးမကြီးပါဘူး။ဘေးကနေ ငါပြောသမျှကိုနားထောင်ပေးရင်ကျေနပ်ပါပြီ။

တစ်နေ့ထက်တစ်နေ့အိုစာသွားတဲ့ငါ့ကိုကြည့်ပြီးဝမ်းမနည်းပါနဲ့၊နားလည်ပေးပါအားပေးပါ၊အရင်တုန်းက လူ့ဘ၀တက်လမ်းအတွက်ငါလမ်းညွှန်ခဲ့သလိုအခုအချိန်မှာငါ့ဘ၀နောက်ဆုံးအချိန်တွေအတွက် အဖော်ပြုပေးပါ။အချစ်နဲ့အေးမျှမှုတွေကိုငါပြုံးပြုံးလေးလက်ခံမှာပါ။အဲဒီအပြုံးတွေထဲမှာမဆုံးတဲ့ ငါ့မေတ္တာတွေတွေ့ရမှာပါ။

အမျိုးသမီးတွေရဲ. ရင်သားကို တနေ. ၁၅ မိနစ်ကြည့်ရင် ကျန်းမာရေးပိုကောင်းစေနိုင်

Facebookမှာတောင်ပျံ့သွားတဲ့အမျိုးသမီးတွေရဲ့ရင်သားကိုတနေ့၁၅မိနစ်ကြည့်ရင်ကျန်းမာရေး ပိုကောင်းစေနိုင်တယ်ဆိုတာကိုအမှတ်မဲ့မြင်ဖူးလိုက်မယ်ထင်ပါတယ်။အခုကြည့်တာတင်မဟုတ်ပဲ ညှစ်ရတော့မှာပါ။

သိပ္ပံပညာရှင်တွေကအမျိုးသမီးတွေရဲ့ရင်သားကိုညှစ်ပေးချင်းအားဖြင့်Cancerဖြစ်စေနိုင်တဲ့အန္တရာယ်ရှိတဲ့ Cell တွေဖြစ်ပေါ်ခြင်းကကာကွယ်နိုင်တယ်လို့ပြောလိုက်ပါတယ်။
ကဲကောင်လေးနဲ့ကောင်မလေးတွေရင်သားကင်ဆာတားဆီးရေးအတွက်ကိုယ်စွမ်းရှိသလောက် ကူညီကျတာပေ့ါဟုတ်တယ်မလား:D California ပြည်နယ်က Berkeley တက္ကသိုလ်မှာဒီသုတေသန ကိုဦးဆောင်တဲ့သူတွေထဲကတစ်ယောက်ဖြစ်တဲ့ Gautham Venuhopalan က Cell တွေအပေါ်ဒြပ်ရှိတဲ့ ဖိအားပေးမှုကနဂိုမူလဖွံ့ဖြိုးမှုလမ်းကြောင်းထဲပြန်ထိမ်းပေးနိုင်တယ်ဆိုတာစမ်းသပ်မှုတွေကတစ်ဆင့်တွေ့ရှိ ရတယ်လို့ပြောပါတယ်။ဆန့်ကျင်ဘက်အနေနဲ့ဆိုရင်တော့Cancerဖြစ်နိုင်မယ့်ဖွံ့ဖြိုးမှုကိုအားသာစေပါတယ်။

 

အတိအကျပြောရရင်ရာစုနှစ်ပေါင်းများစွာကတည်းကအားသက်ရောက်မှုကြောင့်ခန္ဓာကိုယ်ကိုပြောင်းလဲ

စေနိုင်တယ်ဆိုတာလူတွေကသိပြီးသားပါ။ဥပမာ...ပေးရရင်ဝိတ်မတယ့်အခါကြွက်သားတွေကြီးလာသလိုပေ့ါ။ 

ကမ္ဘာမြေကြီးရဲ့ဆွဲငင်အားကကျွန်တော်တို့အရိုးတွေကိုသန်မာလာစေဖို့အဓိကကျပါတယ်။အခုဒီမှာ ကျွန်တော်တို့ပြောချင်တာကဒြပ်ရှိအားသက်ရောက်မှုကဖွံ့ဖြိုးမှုနေရာမှာအချက်အချာကြနိုင်ပြီးCancel Cell တွေဖြစ်ပေါ်လာမှုကိုကျုံ့စေပါတယ်။ဒီစမ်းသပ်မှုမှာ Cancer ဖြစ်စေနိုင်တဲ့ Cellတွေကို Silicone ထဲမှာ ဖွံ့ဖြိုးစေပြီး ပထမ Cell ဖွံ့ဖြိုးလာတဲ့အဆင့်မှာ Silicone ကိုညှစ်တာ ပါဝင်ပါတယ်။အချိန် ကြာလာတာနဲ့ အမျှ Cell တွေက ပုံမှန်ပြန်လည် ဖွံ့ဖြိုး လာတာကို တွေ့ရပါတယ်။ Venugopalan ကဒီ Cell တွေဟာ ပုံမှန်ကျန်းမာတဲ့ပုံစံထဲပြန်ဝင်လာဖို့အရိပ်အမြွက်လေးလောက်ပဲလိုတာပါ။ဖျစ်ညှစ်ခြင်းကအဲ့ဒီအရိပ်အမြွက် ပါပဲ။

ကဲစာဖတ်သူတို့ ရင်သား Cancer ရောဂါပပျောက်ဖို့များများညှစ်ကြစို့။

ခေတ်သစ်လူငယ်တို. ခေတ်မှီရေးသို.

ဆယ်ကျော်သက်အရွယ်ကနေ နှစ်ဆယ်ကျော်အထိ လူငယ်လို့ သတ်မှတ်ခံရသလို၊ လူကြီးတွေကလည်း ကိုယ့်ထက်ငယ်သူတွေကို လူငယ်လို့ ခေါ်တတ်ကြသည်။ အသက် သုံးဆယ်ကျော် ကျမက ဆယ်ကျော်သက်များနဲ့ နှစ်ဆယ်ကျော်သက်များကို လူငယ်များလို့မြင်သလို၊ အသက် ငါးဆယ်ကျော် လူကြီးများက ကျမကို လူငယ်တယောက်ဟုပင် မြင်ကြသည်။ တကယ်တော့ လူငယ်ဆိုသည်မှာ အသက်အရွယ်ကို ရည်ညွှန်းခြင်းထက်၊ ခေတ်တခုကို လက်ဆင့်ကမ်း သယ်ဆောင်မည့် မျိုးဆက်တခုနဲ့ ပိုသက်ဆိုင်မည်။ မျိုးဆက် (generation) တခုဟာ အနှစ် ၃၀ လောက် ရှိခဲ့ရင်၊ ကျမက လက်ရှိမျိုးဆက်ရဲ့ အဆုံးစွန်နားရောက်နေသလို၊ ဆယ်ကျော်သက်တွေကတော့ အစနားမှာရှိနေသည်။

ကျမအမြဲထိတွေ့ဆက်ဆံရသော လူငယ်များမှာ အသက် ၁၈ - ၂၇ ၀န်းကျင်လောက် ရှိကြသည်။ ကျမစာသင်ခဲ့သော စင်္ကာပူနိုင်ငံရှိ ပေါ်လီတက္ကနစ် (polytechnic) မှ ကျောင်းသား/သူ များ၊ လက်ရှိစာသင်နေသော ထိုင်းနိုင်ငံရှိ တက္ကသိုလ်မှ ကျောင်းသား/သူ များ၊ စေတနာ့ဝန်ထမ်းအဖြစ် ကျမစာသင်ပေးသောကျောင်းမှ ကျောင်းသား/သူ များ၊ အပြင်မှာ တခါတလေ ဆုံရသော လူငယ်များ ဖြစ်ကြသည်။ မြန်မာ၊ စင်္ကာပူ၊ ဗီယက်နမ်၊ တရုတ်ပြည်၊ မလေးရှား၊ ထိုင်း၊ အိန္ဒိယ၊ သီရိလင်္ကာ စသော နိုင်ငံပေါင်းစုံမှ လာကြသည်။

နိုင်ငံခြားတွင် ပညာလာသင်ကြသော လူငယ်အများအတွက် လွတ်လပ်မှု (independence) သည် ကိုယ်လုပ်ချင်ရာလုပ်တာမျိုး ဖြစ်တတ်ကြသည်။ တကယ်တော့ မိဘများနဲ့ဝေးပြီး၊ ကိုယ့်ဘာသာ ထိန်းကြောင်းရသော လွတ်လပ်မှုမျိုး ဖြစ်သည်။ ထိုအခါ ကိုယ့်ကိုယ်ကိုယ် ဘယ်လိုစည်းကမ်းတကျနေမလဲဆိုတာ အရေးကြီးလာသည်။ လွတ်လပ်ခြင်းနောက်တွင် (ကိုယ့်ဘာသာ) တာဝန်ယူတတ်ဖို့ လိုလာသည်။ ကိုယ့်လုပ်ရပ်တိုင်းရဲ့ ရလဒ်များကို သတ္တိရှိရှိ ရင်ဆိုင် တာဝန်ယူပြီး၊ သင်ခန်းစာယူတတ်ဖို့ ပြင်ဆင်ထားရမည်။

လူတိုင်း ကိုယ်မလုပ်ဖူးတာကို လက်တည့်စမ်းလိုစိတ်ရှိသည်။ ကျမကိုယ်တိုင်လည်း ထိုသို့ပင်။ သို့သော် ကိုယ့်ဘ၀အတွက် ထိခိုက်သွားနိုင်သည့် လက်တည့်စမ်းမှုမျိုးကိုတော့ ဘယ်တော့မှ လုပ်ဖို့ စိတ်မကူးခဲ့ပေ။ မိဘများက ဆေးလိပ်မသောက်ရ၊ အရက်မသောက်ရ၊ ငယ်ငယ်ရွယ်ရွယ်နဲ့ ရည်းစားမထားရ၊ ညမိုးချုပ် အပြင်မထွက်ရ စသည့် စည်းကမ်းများ ချတတ်ကြသည်။ ဒါဟာ မကောင်းဘူးလို့ ပြောကြသည်။ တကယ်လည်း အဲဒီလုပ်ရပ်တွေနောက်မှာ အမှားကျူးလွန်နိုင်စရာ အလားအလာ အများကြီးရှိသည်။ လုံးဝရှောင်နိုင်ရင် အကောင်းဆုံးဖြစ်သည်။ အဲဒီအရာတွေ လုပ်မိတဲ့လူငယ်တွေကိုလည်း မှားတယ် ဆိုးသွမ်းတယ်လို့ မဆိုနိုင်။ လူငယ်သဘာဝ လက်တည့်စမ်းတာ ဖြစ်နိုင်သည်။ အဓိကက ဘယ်အရာမဆို အလွန်အကျွံ မဖြစ်ဘဲ balance ဖြစ်ဖို့ပင်။ ကိုယ့်ဘ၀ အနာဂတ်ကို ထိခိုက်နိုင်လောက်အောင် မလုပ်ဖို့ အမြဲစဉ်းစားဆင်ခြင်ဥာဏ်ရှိအောင် ကိုယ့်ဘာသာ စည်းကမ်း (discipline) ရှိဖို့ပင်။

နိုင်ငံခြားတွင် ကျောင်းသွားတက်ဖို့ဆိုတာ မြန်မာလူငယ်တိုင်းလုပ်ချင်သော်လည်း မလုပ်နိုင်သောအရာ။ တချို့က ငွေကြေးအရ မတတ်နိုင်။ တချို့ကျ ၀င်ခွင့်စာမေးပွဲ သတ်မှတ်ထားသော ၀င်ခွင့်လိုအပ်ချက်နဲ့ မပြည့်စုံ။ တချို့ဆို လေး ငါး နှစ်အထိ ၀င်ခွင့်စာမေးပွဲအောင်ဖို့ ကြိုးစားကြရသည်။

မြန်မာနိုင်ငံ မြ၀တီမြို့ တဘက်ကမ်းမှာရှိတဲ့၊ ထိုင်းနိုင်ငံ မဲဆောက်မြို့မှာ လူငယ်တချို့နဲ့ ကျမ စကားဝိုင်းလုပ်ဖူးသည်။ သူတို့ကို အနာဂတ်အတွက် ဘာမျှော်လင့်ချက်ရှိလဲလို့ ကျမကမေးတော့၊ အနည်းစုက ထိုင်းနိုင်ငံ တက္ကသိုလ်တခုခုတွင် ကျောင်းတက်ချင်ကြသည်။ ဒါပေမယ့် အဲလိုတက်နိုင်ဖို့ စကောလားရှစ် (scholarship) ရအောင် သူတို့ ကြိုးစားရမည်။ ကျောင်းသားပေါင်း ရာချီလျှောက်တဲ့ထဲက ဆယ်ဂဏန်းလောက်သာ ရွေးသောကြောင့် စကောလားရှစ် ရဖို့က မလွယ်။ ထိုအနည်းစုကမှ သူတို့ဘာလုပ်ချင်လဲ သိကြသေးသည်။ ကျန်သည့်အများစုက သူတို့အနာဂတ်တွက် တိုးတက်ချင်သည်၊ သို့သော် ဘာဆက်လုပ်ရမည်ဆိုတာ မသိ။ စကောလားရှစ်ရလောက်အောင် စာမေးပွဲဖြေနိုင်ဖို့ အခြေခံပညာအဆင့်အတန်းအရ သူတို့မှာမရှိ။ လုပ်နိုင်မည်လို့လည်း ကိုယ့်ဘာသာ ယုံကြည်ချက် မရှိကြ။ မိဘတွေကလည်း ထောက်ပံ့မှုမပေးနိုင်။ သူတို့ ပတ်ဝန်းကျင်မှ အများစုလုပ်ကြသလို တနေ့လုပ်တနေ့စားပဲ ၀င်လုပ်ရမည်လား မရေမရာ ဖြစ်နေကြရှာသည်။

ဒါကြောင့် စင်္ကာပူနိုင်ငံရှိ ပေါ်လီတက္ကနစ်မှ မြန်မာကျောင်းသား/သူ တချို့ ကို သူတို့ကံကောင်းကြောင်း၊ ရရှိထားသော အခွင့်အရေးကို အလဟဿ မဖြစ်ဖို့အရေးကြီးကြောင်း ကျမပြောပြလေ့ရှိသည်။ ဘ၀တွင် အချိန်ဆိုသည်မှာ ကုန်ဆုံးပြီးသော ဘယ်လိုမှ နောက်ပြန်မလှည့်နိုင်သောအရာ ဖြစ်သည်။ ရရှိသော အခွင့်အရေးကို ရရှိသော အချိန်တွင် မြဲမြဲဖမ်းဆုတ်ပြီး၊ အကျိုးရှိရှိ အသုံးချတတ်ဖို့ အရေးကြီးသည်။ လူငယ်သဘာဝ ပျော်ပျော်နေတတ်ကြတာ မှန်ပေမယ့်၊ တနေ့တနေ့ အလေလိုက်နေမယ်ဆိုရင် အချိန်တွေ နှမြောစရာကောင်းလှသည်။ လူတယောက်ဟာ ကိုယ့်ဘ၀ရဲ့ ဆယ်စုနှစ်တခုစာကို ပြန်ကြည့်လိုက်တိုင်း တိုးတက်မှုရှိနေတာကိုသာ မြင်သင့်သည်။ အဲလိုမဟုတ်ခဲ့ရင် တခုခုလုပ်ဖို့ အချိန်တန်ပြီဆိုတာလည်း ကိုယ့်ဘာသာ သိနားလည်သင့်သည်။

လူငယ်တွေ လမ်းမှားမရောက်အောင် စာများများဖတ်ဖို့ လိုတယ်၊ စာဖတ်မှ အမှား အမှန် သိလာမယ် လို့ ဆိုကြသည်။ ကျမအမြင်မှာတော့ စာဖတ်တာက ပထမအဆင့်ဖြစ်သည်။ သို့သော် ခုခေတ်တွင် စာဖတ်ရုံနဲ့ မလုံလောက်တော့။ စာဖတ်တာဟာ စာအုပ်ထဲက စကားလုံးကြီးကြီးတွေသုံးပြီး၊ လူတွေအထင်ကြီးအောင် ပြောဖို့ပဲ မဟုတ်။ ဘယ်လိုစာမျိုးကို ဖတ်မလဲ၊ ဖတ်ထားတဲ့စာတွေကို ဘယ်လိုအသုံးချမလဲ၊ ဘယ်လို ပြန်သုံးသပ်မလဲ ဆိုတာတွေက ပိုအရေးကြီးလာသည်။

ကျမကတော့ လူငယ်တွေနဲ့ ပတ်သက်လာရင် လမ်းမှားပဲ ရောက်နေနေ၊ လမ်းမှန်ပဲ ရောက်နေနေ၊ သူတို့ပြောတာတွေကို နားထောင်ပေးဖို့ပဲ အဆင်သင့်ပြင်ဆင်ထားသည်။ သူတို့ပြောတာ နားထောင်ပြီး ကျမအမြင်ကို ပြောပြသည်။ ဘယ်လိုလုပ်လိုက်ရင် ဘယ်လိုဖြစ်လာနိုင်တယ်၊ ဘယ်လိုအချက်တွေ ထည့်စဉ်းစားရမယ် ဆိုတာတွေ ပြောသည်၊ ဆွေးနွေးသည်။ သို့သော် ဆုံးဖြတ်ချက်ကတော့ သူတို့ကိုယ်ပိုင် ရွေးချယ်မှုပင်ဖြစ်သည်။ ကျမကိုယ်တိုင်လည်း ကိုယ်ပိုင်ရွေးချယ်မှုကိုပင် တန်ဖိုးထားသည်။

နာမည်ကျော် အမေရိကန် လက်ဝှေ့ထိုးသမား ဖြစ်ခဲ့ဖူးသူ Muhammad Ali ကတော့ .. လူတယောက်ရဲ့ အသက် ၂၀ အရွယ်က ဘ၀ကိုကြည့်တဲ့ပုံစံက၊ အသက် ၅၀ အထိ အတူတူဖြစ်နေမယ်ဆိုခဲ့ရင် အဲဒီလူဟာ သူ့ဘ၀ရဲ့ အနှစ် ၃၀ ကို အလကား နေပစ်လိုက်သလိုပဲ .. ဟု ဆိုခဲ့သည်။ လက်ရှိ ခေတ်သစ်ရဲ့လူငယ်တွေဟာ နောင် အနှစ် ၃၀ ဆယ် မှာ ဘယ်လို လူကြီးတွေ ဖြစ်လာမလဲဆိုတာဟာ၊ သူတို့ရဲ့ ကိုယ်ပိုင်ရွေးချယ်မှုအပေါ် များစွာမူတည်နေသည်။

ပေါ်လီတက္ကနစ်မှ ကျမကျောင်းသူတချို့က သူတို့ တကယ်စိတ်ပါဝင်စားတဲ့ profession နဲ့ လက်ရှိတက်နေတဲ့လိုင်းတို့ ကွဲလွဲနေလို့ ဘယ်လိုလုပ်ရမလဲလို့ ကျမကို အကြံဥာဏ်တောင်းလေ့ရှိသည်။ ထိုသို့လူငယ်များတွက် ကျမအလွန်အားရမိသည်။ အသက် နှစ်ဆယ်ကျော်အချိန်တွင် ဘ၀မှာ ဘယ်လို profession ကို လုပ်မလဲဆိုတာ သူတို့အသေအချာ သိကြသည်။ ကျမသူတို့အရွယ်တုန်းက အင်ဂျင်နီယာအလုပ်ကို နှစ်ခြိုက်ခဲ့ပေမယ့်၊ သူတို့လောက် မသေချာခဲ့။ ကိုယ့်ထက်ငယ်တဲ့ မြန်မာလူငယ်တွေက ကိုယ့်ထက် စိတ်ဓါတ်ပိုင်းဆိုင်ရာ၊ အနေအထိုင်၊ ခံယူချက် စတာတို့ သာတာမျိုးကိုပဲ ကျမမြင်ချင်မိသည်။ (အဲလိုဖြစ်အောင်လည်း တတ်နိုင်သလောက် ကြိုးစားမည်ဟု ဆုံးဖြတ်ထားသည်)။ နာမည်ကျော် သိပ္ပံပညာရှင် Isaac Newton က “ကျနော်ဟာ သူများတွေထက် ပိုဝေးဝေးမြင်နိုင်တာ၊ ကျနော့်အရင် မျိုးဆက်ရဲ့ ပုခုံးပေါ် တက်ကြည့်နိုင်လို့ ဖြစ်တယ်” လို့ ဆိုခဲ့သည်။ သူဆိုလိုချင်တာ မျိုးဆက်သစ်တွေဟာ မျိုးဆက်ဟောင်းတွေလုပ်ခဲ့တာအပေါ် တဆင့်တက်ပြီးကြည့်နိုင်ရင်၊ မျိုးဆက်တခုစီဟာ ပို ပိုပြီး တိုးတက်နေမယ် ဆိုတဲ့သဘောပါ။

လူငယ်တို့က သူတို့အပြုအမူအပေါ် ဝေဖန်ခံရတဲ့အခါ၊ ခေတ်မမှီဘူး၊ ရှေးဆန်တဲ့အတွေးတွေနဲ့ လာပြောနေတယ်လို့ တုန့်ပြန်တတ်ကြသည်။ မျိုးဆက်တခုနဲ့တခုကြားမှာ၊ အထူးသဖြင့် လူကြီးနဲ့လူငယ်ကြား မျိုးဆက်ကွာဟမှု (generation gap) ကို လက်ညှိုးထိုးတတ်ကြသည်။ တချို့လူငယ်တွေအတွက် ဂျင်းဘောင်းဘီ၊ တီရှပ်၊ စကပ်တို၊ ဘောင်းဘီတိုတို့ဝတ်မှ၊ မိုဘိုင်းဖုန်း ကိုင်နိုင်မှ၊ Facebook ရှိမှ၊ ကဖေးထိုင်မှ၊ ကလပ်သွားမှ စတာတို့ ဖြစ်နိုင်သည်။ တကယ်တော့ ထိုသို့ ခေတ်မှီတာကို အဓိပ္ပါယ်ဖော်တာက အပေါ်ယံဆန်လှသည်။

ခေတ်မှီရေးသို့ (becoming modern) နဲ့ ပတ်သက်ပြီး ဟားဗတ်တက္ကသိုလ်မှ ပညာရှင်များက ဖွံ့ဖြိုးဆဲခြောက်နိုင်ငံမှ (Argentina, Chile, India, Israel, Nigeria, Bangladesh) လူငယ် ၆၀၀၀ ကို သုတေသနလုပ်ထားတာကို ဖတ်ဖူးသည်။ နိုင်ငံတနိုင်ငံ ခေတ်မှီလာဖို့အတွက် ဘယ်လိုခေတ်မှီတဲ့ လူငယ်တွေ လိုအပ်သလဲဆိုတာကို ရှာဖွေလေ့လာခြင်းဖြစ်သည်။ သူတို့တွေ့ရှိချက်အရ ခေတ်မှီလူသား (modern man) တွင် စရိုက်လက္ခဏာ လေးမျိုးရှိသည်။

(၁) သူဖြတ်သန်းနေသော ခေတ်မှာ အများတကာ ဘာတွေ ဖြစ်နေလဲ၊ ကိုယ့်နိုင်ငံနဲ့ကမ္ဘာမှာ ဘာတွေဖြစ်နေလဲ ဆိုတာတွေကို အစဉ်လေ့လာ၊ အသိပညာဖွံ့ဖြိုးပြီး၊ ခေတ်ကို ထဲထဲဝင်ဝင် စူးစမ်းလိုစိတ်ရှိသည်။
(၂) သူ့ကိုယ်ပိုင်လုပ်ရပ်ဟာ သူ့အတွက်သာမက၊ သူနဲ့ပတ်သက်နေတဲ့ ပတ်ဝန်းကျင် (ကိုယ့်မိဘအသိုင်းအ၀ိုင်း၊ ကိုယ့်လူမျိုး၊ ကိုယ့်နိုင်ငံ) ကိုပါ အကျိုးသက်ရောက်မှုရှိတယ်ဆိုတာ နားလည်သည်။
(၃) သူက လွတ်လပ်စွာ တွေးခေါ်ဆုံးဖြတ်သည်။ အထူးသဖြင့် ဘယ်တက္ကသိုလ်လိုင်းကို ရွေးမလဲ၊ ဘယ်အလုပ်လုပ်မလဲ စတဲ့ ကိုယ်ပိုင်ကိစ္စများ ဆုံးဖြတ်ရာတွင်၊ ခေတ်ဟောင်းမှ အတွေးအခေါ် အယူအဆတို့ လွှမ်းမိုးခြင်းကို မခံ။
(၄) သူက အိုင်ဒီယာအသစ်၊ အတွေ့အကြုံအသစ်များအတွက် အမြဲ အသင့်ဖြစ်နေသည်။ သူ့တွင် ဖွင့်ထားသောစိတ် (open mind)၊ ဒါဆိုဒါမှဟု တယူသန်အစွဲမရှိသော၊ အသိအမြင်အားဖြင့် ပျော့ပြောင်းနိုင်စွမ်း (cognitive flexibility) ရှိသည်။

ထိုသုတေသနကို ၁၉၇၄ ခုနှစ်ကလုပ်ခဲ့ပေမယ့်၊ ခုချိန်ထိ အကျုံးဝင်နေသေးသည်။ ထိုသုတေသနမှာ ဖော်ပြထားသော ခေတ်မှီလူသား တယောက် ရှိထိုက်သော စရိုက်လက္ခဏာလေးမျိုး နဲ့ ပတ်သက်ပြီး၊ မြန်မာလူငယ်တို့ သေချာစဉ်းစားသင့်သည်။ ဥပမာပြောရရင်.. ကိုယ့်နိုင်ငံ ကိုယ့်ယဉ်ကျေးမှုနဲ့ သင့်တော်တယ် မတော်တယ် မစဉ်းစား၊ ကိုယ်အပြုအမူကြောင့် တခြားသူတွေက ကိုယ့်နိုင်ငံ ကိုယ့်လူမျိုးအပေါ် ဘယ်လိုမြင်သွားမယ် မစဉ်းစား၊ အတုယူမှားတာတွေဟာ ခေတ်မှီတာမဟုတ်တာတော့ သေချာသည်။ အတုယူတဲ့အခါ ကိုယ့်အတွက် ပိုကောင်းသွားစေမယ့် အရာမျိုးကိုသာ အတုယူသင့်သည်။ ဘယ်လိုဟာမျိုးကို အတုယူသင့်သလဲဆိုတာလည်း အရင် သေချာစဉ်းစား တွေးတောကြည့်သင့်သည်။

မြန်မာနိုင်ငံသည် ဖွံ့ဖြိုးဆဲ၊ ရှေ့လျှောက်ဖွံ့ဖြိုးဖို့ အလားအလာကောင်းနေတဲ့ နိုင်ငံဖြစ်သည်။ မြန်မာနိုင်ငံ ကမ္ဘာမှာ ခေတ်မှီရေးအတွက် မြန်မာလူငယ်တို့ ဘယ်လောက်ထိ ခေတ်မှီလူသား ဖြစ်နိုင်ကြမလဲဆိုတာပေါ် အများကြီးမူတည်နေပေသည်။

Ref: Becoming Modern: Individual Change in Six Developing Countries

(၃ မတ်လ ၂၀၁၂ ထုတ် Venus News ဂျာနယ်တွင် ဖော်ပြပြီး ဖြစ်သည်)

                                                                                     ခင်နှင်းစိုး

လူငယ် နှင့် ချက်တင်

ခုခေတ်လူငယ်တွေဟာချက်တင်ထိုင်ကြတယ်။လူငယ်ရယ်လို့တော့မဟုတ်ပါဘူးကလေး၊လူကြီးအစုံပါပဲ။ တချို့ကချက်တင်ပေါ်မှာလေ့လာတယ်ချက်တင်ဆိုတာလည်းလေ့လာသင်ယူစရာတွေလည်းများတယ်
မဟုတ်ပါလား။ဒါကိုတချို့ကဒီကောင်အား၊အားနေ၇င်အင်တာနက်ဆိုင်သွားပြီးမဟုတ်က၊ဟုတ်ကတွေ ကြည့်၊ဟိုကောင်မလေးကိုရည်စားစကားပြောလိုက်ဒီကောင်မလေးကို ကြိုက်လိုက်လို့ပြောသံတွေကြားနေရပါတယ်။သူတို့ပြောတာတွေလည်းဟုတ်တော့ဟုတ်သားဗျ တချို့ဆိုအဲလိုတကယ်ကိုရှိတာပဲလေ။ဒါပေမယ့်ချွင်းချက်တော့၇ှိပါတယ်ချက်တင်ထိုင်တဲ့ လူတိုင်း၊လူတိုင်းကလဲအဲလိုမဟုတ်ပါဘူးလို့ပြောလိုပါတယ်တချို့လူငယ်လေးတွေဆိုရင်ပြိုင်ပွဲ တခုခုဝင်ပြိုင်ရပြီဆိုရင်သူတို့မသိတဲ့စာသူတို့နားမလည်တဲ့မသိတဲ့ဟာတွေကိုချက်တင်ပေါ်မှာ
လိုက်ရှာရတတ်တယ်မဟုတ်ပါလား။ပြီးတော့ဒီခေတ်ကြီးထဲမှာချက်တင်မှမတတ်ရင်လည်း အလုပ်ရှာရတာကအစမလွယ်ဘူးလေအနည်းဆုးံတော့အင်တာနက်၊အီးမေးလ်လောက်
တော့တတ်ထားသင့်တယ်လူတိုင်တော့အဲလောက်အနည်းဆုးံတတ်ထားသင့်တယ်မဟုတ်ပါလား။ ဒါပေမယ့်ချက်တင်ပေါ်မှာပညာရှာကြသလိုချက်တင်ထဲမှာလည်း မကောင်းမှုဒုစရိုက်တွေအရမ်းကိုများနေတာကိုလည်းသတိတော့ထားစေချင်ပါတယ်။ ကိုယ့်ထက်ငယ်တဲ့လူတွေကိုလည်းပြောပြလို့ရတာပေါ့ဗျာမကောင်းတာတွေပယ်ကောင်းတာလေးတွေကို အတုယူတတ်အောင်ပြောပေးရမှာကကျွန်တော်တို့ရဲ့သမိုင်းပေးတာဝန်တွေပဟုတ်ပါလား မကောင်းမှု့ဆိုတွေကတော့ကျွန်တော်ကိုယ်တွေ့လည်းတခုပါကောင်မလေးတစ်ယောက်ဘယ်သူ ဘယ်ဝါဆိုတာတော့မပြောတော့ပါဘူးသူ့ဂုဏ်သိက္ခာရှိတယ်လေကောင်မလေးကနယ်ပါကျွန်တော့် သူငယ်ချင်းနဲ့ပတ်သက်ပြီးမှာသိတာပါချက်တင်ထဲမှာပေါ့သူငယ်ချင်းယောကျွန်တော်ပါ သူ့ကိုအပြင်မှာမတွေ့ဖူးပါဘူးတရက်မှတော့စကားပြောဖြစ်ကြတယ်စလိုက်နောက်လိုက်နဲ့ပေါ့ ထင်းစားပြီးလားမေးတော့မစားရသေးဘူးအဆောင်မှာနေပြီးကျောင်းတက်တာပိုက်ဆံကုန်လို့ မစားရသေးဘူးတဲ့အိမ်ကလဲပိုက်ဆံမပို့ဘူးတဲ့လေသူကပိုက်ဆံနည်းနည်းချေးပါလားတဲ့ ခုလည်းထမင်းမစားရသေးဘူးတဲ့လေကျွန်တော်ကလဲနောက်တယ်မှတ်လို့ဘယ်လောက်လဲမေး
လိုက်မိပါတယ်အယ်သူကအတည်ချေးတာဗျာပြီးတော့ဘဏ်ကနေပို.ခိုင်းတယ်
နောက်ပြီးအဝေးပြေးဝင်းထဲကနေပို့ခိုင်းတယ်ဗျာသူကအတည်ချေးနေတာလို့ပြောရင်းနဲ့သိလာတော့တယ် သူ၇န်ကုန်လာ၇င်ပြန်ပေးပါ့မယ်တဲ့လေကဲအဲဒါပဲကြည့်ကြပေတော့ဗျာနောက်ရှိပါသေးတယ်ဒီဆိုဒ်ထဲမှာ ရှိတဲ့ကောင်းကောင်းလင်းကိုသာမေးကြည့်ပါဗျာနောက်ပြီးချက်တင်ထဲမှာလူကုန်ကူးတာကအစရှိတယ်
လို့တောင်ပြောသံတွေကြားနေရတယ်ဗျာတကယ်ကိုရှိတာပါအဲဒါတွေက။ဒါကြောင့်ကောင်လေးပဲ
ဖြစ်ဖြစ်ကောင်မလေးပဲဖြစ်ဖြစ်အပြင်မှာတစ်ခါတွေ့ဖူးရုံလောက်နဲ့မယုံမိစေဖို့ပါပဲ ဒါပေမယ့်လူတိုင်းတော့မဟုတ်ကြပါဘူးအပြင်မှာတခါတည်းနဲ့ယုံရမယ့်လူလည်းတကယ်ကိုရှိကြပါတယ် လူတယောက်မကောင်းတာနဲ့လူတိုင်းကိုအဲလိုမထင်စေချင်ဘူးဗျာစောစောကပြောခဲ့တာတွေကိုတော့ လူတိုင်းကိုပြောတာမဟုတ်ပါဘူးလူတိုင်လူတိုင်းကလည်းအဲလိုမဟုတ်ကြပါဘူးကျွန်တော်ကကြုံဖူး ကြားဖူးလို့ပြောပြလိုက်ရတာပါချက်တင်ထဲမှာပညာ၊ဗဟုသုတသင်ယူလေ့လာစရာတွေအများကြီးပါ ချက်တင်တော့ထိုင်ပေါ့လမ်းမှားမရောက်အောင်ကိုယ့်ကိုယ်ကိုယ်လမ်းမှားမရောက်အောင်တော့ လိုတာပေါ့ဗျာကျွန်တော်ဆိုဒီဆိုဒ်ထဲရောက်မှာစာပေတွေ၊ဗဟုသုတတွေ၊သူငယ်ချင်းအပေါင်းအသင်းတွေ
အများကြီး၇ခဲ့တာလေဒါချက်တင်ထိုင်တဲ့အကျိုးရလဒ်တွေပေါ့ကိုယ့်ကိုကိုယ်လဲ လမ်းမှားမရောက်အောင်နေပါတယ်ဒါကြောင့်လူငယ်တွေချက်တင်ထိုင်ရင်လဲမကောင်းမှုံရှောင်၊
ကောင်းမှု့ဆောင်ဆိုသလိုမကောင်းတာလေးတွေကိုအတုမယူတတ်အောင် ကျွန်တော်ရေးပြရခြင်းသာဖြစ်ပါသည်။ပြီးတော့ကိုယ့်ထက်ငယ်တဲ့ကလေးတွေကိုလဲပြောပြလို့ရတာပေါ့။
 အင်းးအရေးကြီးတာကတော့မိန်းကလေးတွေဖြစ်နိုင်ရင်မိမိပုံကိုမတင်ကြပါနဲ.လို.မေတ္တာရပ်ခံချင်ပါတယ်...

ရွှေစည်းခုံစေတီတော် (ပုဂံ) သမိုင်း

ရွှေစည်းခုံစေတီတော်တည်နေရာ...
ညောင်ဦးမြို့၊ဧရာဝတီမြစ်ကမ်းနဖူးဉာဏ်တော် ပေ(၁၆၀)ကျော်ကြားမှုပုဂံမင်းနှစ်ပါးတည်ခဲ့ပြီး၊
သိမှတ်ဖွယ်ရာ၊အံ့ဘွယ်များကြောင့်ရွှေစည်းခုံစေတီတော်သည်ညောင်ဦးမြို့မှအနောက်တောင်ယွန်းယွန်း၊ မိုင်ဝက်ခန့်ဧရာဝတီမြစ်ကမ်းနဖူးရှိပေ(၇၅၀)ကျော်ခန့်ရှည်လျားကျယ်ဝန်းသောမဟာရံတံတိုင်းကြီးနှင့် ဉာဏ်တော်ပေ(၁၆၀)၊ဖိနပ်တော်အကျယ်ပေ(၁၆၀)ပမာဏရှိကာရွှေရောင်ဝင်းလျက်တင့်တယ်ကြည်ညိုဖွယ် တည်ရှိလေသည်။

သမိုင်း

ပုဂံပြည့်ရှင်သီရိအနုရုဒ္ဓဒေ၀ခေါ်အနော်ရထာမင်းလက်ထက်တွင်သီဟိုဠ်ကျွန်း၏ဘုရင်ပထမ၀ိဇယဗာဟု မင်းကြီး၏အကူအညီတောင်းခြင်းကြောင့်ရဟန်းသံဃာတော်များ၊ပိဋကတ်သုံးပုံကျမ်းစာများနှင့် ဆင်ဖြူတော်တစ်စီးတို့ကိုအကူအညီပေးခဲ့သည်။ပထမ၀ိဇယဗာဟုမင်းကလည်း အနော်ရထာမင်း၏ကျေးဇူးကိုတုံ့ပြန်သော်အားဖြင့်မြတ်စွာဘုရား၏စွယ်တော်ပွားကိုအနော်ရထာမင်းထံ ဓမ္မလက်ဆောင်ပြန်လည်ပေးပို့ခဲ့သည်။အနော်ရထာမင်းကြီးသည်စွယ်တော်မြတ်ကိုနန်းတော်ရှေ့  ရတနာပြဿာဒ်တွင်ကိန်းဝပ်စေပြီးပူဇော်ဝတ်ပြုခဲ့သည်။ထိုအခါမင်းဆရာဖြစ်သော်ရှင်အရဟံမထေရ်က သတ္တ၀ါအားလုံးကိုးကွယ်နိုင်စေရန်စေတီတည်ပါဟုမင်းကြီးအားအကြံဥာဏ်ပေးခဲ့သည်။ အနော်ရထာမင်းလည်းရှင်အရဟံမထေရ်၏အကြံဥာဏ်မှာအလွန်လှော်ကန်သင့်မြတ်သည့်အတွက်
စေတီတည်၍တည်ထားကိုးကွယ်ရန်ဆောင်ရွက်ခဲ့သည်။မင်းကြီးသည်စွယ်တော် ကိန်းဝပ်လိုသောအရပ်တွင်ဆင်ဖြူတော်ရပ်စေသတည်းဟုအဓိဌာန်၍ဆင်ဖြူတော်၏ကိုပေါ်တွင် စွယ်တော်ကြုတ်တင်၍လွှတ်လိုက်လေသည်။ဆင်ဖြူတော်သည်ပုဂံ၏အရှေ့ မြောက်အရပ် (ဇေယျဘုံဟုခေါ်တွင်သောအောင်မြေအရပ်၌) သဲစည်းခုံတွင်ဝပ်လေသည်။ဆင်ဖြူတော်ဝပ်ရာ သဲစည်းခုံတွင်စွယ်တော်မြတ်ကိုဌာပနာထားပြီစေတီတည်တော်မူသည်။ကောဇာသက္ကရာဇ် ၄၂၁-ခု၊ တပို့တွဲလဆန်း(၁၀)ရက်၊ကြာသပတေးနေ့တွင်စတင်တည်ဆောက်ခဲ့ပြီးတရုပ်ပြည်မှရသောမြဆင်းတုတစ်ဆူ
နှင့်သရေခေတ္တရာပြည်ရှိဒွတ္တပေါင်မင်းကြီးတည်ထားကိုးကွယ်ခဲ့သောနဖူးသင်းကျစ်တော်တစ်ဆူကိုလည်း ဌာပနာထားသည်။ဘုရားတည်နေတုန်းပစ္စယာ၃ဆင့်အရောက်တွင်ပင်အနော်ရထားမင်းနတ်ရွာစံ(သေဆုံး) ခဲ့သည်။အနော်ရထာမင်းနတ်ရွာစံပြီးနောက်ကျန်စစ်သားမင်းကကောဇာသက္ကရာဇ် ၄၅၁-ခု၊ တန်ဆောင်မုန်းလဆန်း(၁၃)ရက်၊ဗုဒ္ဓဟူးနေ့တွင်ဆက်လက်တည်ဆောက်ခဲ့ရာကောဇာသက္ကရာဇ် ၄၅၂-ခု၊ ကဆုန်လပြည့်နေ့တွင်ပြီးမြောက်အောင်မြင်ခဲ့သည်။စေတီတော်ကြီးတည်ဆောက်ခဲ့သည့်နှစ်မှ ပြီးစီးသည့်နှစ်အထိနှစ်ပေါင်း၃၁-နှစ်ကြာ၏။

စေတီတည်ထားပုံ

ရွှေစည်းခုံစေတီတော်ကြီးသည်မူလကကျောက်ချပ်များဖြင့်တည်ဆောက်ထားခြင်းဖြစ်သည်။သို့သော် ယနေ့အခါရွှေအထပ်ထပ်ချသောကြောင့်မူလကျောက်ပြားများပျောက်နေပြီးရွှေတောင်ကြီးသဖွယ်
ဖြစ်နေသည်။ပစ္စယာအဆင့်၃ဆင့်ရှိသည်သုံးဆင့်အပေါ်မှရှစ်ထောင့်ကြာဝန်း၊ကြေးဝိုင်း၊ ကြာမှောက်ကြာလှန်နှင့်ခါးပတ်ရှိသည်။ယင်းအထက်တွင်ခေါင်းလောင်းပုံ၊ခေါင်းလောင်းပုံ၏အထက်တွင် သပိတ်မှောက်နှင့်ဖောင်းရစ်ရှိသည်။ဖောင်းရစ်အထက်ကြာစိတ်၊ကြာမှောက်၊ကြာပျံနှင့်ထီးတော်ရှိသည်။ ပစ္စယာအဆင့်မှထီးတော်အထိပေ၁၅၀မြင့်သည်။ပစ္စယာအဆင့်ဆင့်တွင်ငါးရာ့ငါးဆယ်ဇာတ်တော်ရုပ်ကြွ အုပ်ချုပ်များရှိသည်။ညာဖက်တွင်ဖေါ်ပြထားသောပုံတော်သည် ရွှံကိုမီးဖုတ်ပြီးပြုလုပ်ထားသည့် ပုံတော်ဖြစ်သည်။

ရင်ပြင်တော်

စေတီ၏လေးဘက်လေးတန်၌အုတ်ဂန္ဓကုဋီလေးဆောင်ရှိသည်။ယင်းဂန္ဓကုဋီတိုက်များအတွင်း၌ အလွန်လက်ရာမြောက်သောမတ်ရပ်ကြေးဆင်းတုတစ်ဆူစီရှိသည်။ဥာဏ်တော်၁၂ပေမြင့်သည့် ပုဂံခေတ်လက်ရာဖြစ်သည်။မူလကဂန္ဓကုဋီတိုက်တံခါးများရှိသော်လည်းယခုအခါ၁ခုသာကျန်တော့သည်။ ရင်ပြင်တော်အနောက်ဘက်ပိုင်းတွင်နတ်ရုပ်တု၊ဘိုးတော်ရုပ်တု၊သိကြားရုပ်တုစသည်များလည်း သူ့အဆောင်နှင့်သူရှိသည်။ရင်ပြင်တော်အရှေ့ မြောက်ထောင့်တွင်ကျောက်စာရုံရှိသည်။ကျောက်စာရုံ ထဲတွင်ခေတ်အဆက်ဆက်မှရေးထိုးထားခဲ့သည့်ကျောက်စာများထဲမှကျောက်စာ၆ချပ်ကို သိမ်းဆည်းထားသည်။ကျန်းစစ်သားမင်းကြီး၏ကျောက်စာတိုင်ကြီး၂တိုင်သည်အရှေ့ ဘက်မုခ် တွင်ရှိသည်။ရှေးမွန်ဘာသာဖြင့်ရေးထိုးထားသည်။

သိမှတ်ဖွယ်ရာ

ရွှေစည်းခုံစေတေီအောက်ခြေတွင်ပစ္စယံသုံးဆင့်ရှိပြီးပစ္စယံသုံးဆင့်အထက်တွင်ရှစ်ထောင့်ကြာဝန်း ကျည်းဝန်း၊ခေါင်းလောင်းပုံ၊ရင်စည်း၊သပိတ်မှောက်၊ဖောင်းရစ်အဆင့်ဆင့်၊ကြာမှောက်၊ရွဲ၊ကြာလန်၊ ပဉ္စလောဟာချရားသီး၊ထီးအဆင့်ဆင့်ဖြင့်တည်ဆောက်ထားသည်။
 ရွှေစည်းခုံစေတီတော်၏ပစ္စယံအဆင့်ဆင့်တွင်စဥ့်စိမ်းသိတ်အုတ်ချပ်များဖြင့်ပြုလုပ်ထားသော (၅၅၀)ဇာတ်များကိုဇာတ်အမည်၊နံပါတ်များနှင့်တကွတွေ့ရသည်။ရွှေစည်းခုံစေတီ၏ မျက်နှာလေးဖက်တွင်ကြေးဂူတိုက်လေးတိုက်ရှိပြီးထိုတိုက်များထဲတွင်(၃.၉၀)မီတာ(၁.၂၈)ပေခန့်အမြင့်ရှိ ရပ်တော်မူဗုဒ္ဓရုပ်ပွားတော်ကြေးဆင်းတု(အဘယမုဒြာနှင့်ဝရဒမုဒြာ)များရှိသည်။ ပုဂံခေတ်ကြေးသွန်းကြေးခတ်နည်း(ပန်းတည်းပညာ)ကိုလေ့လာနိုင်သည်။
 ရွှေစည်းခုံစေတီတော်၏အရှေ့ဘက်မုခ်တွင်ရှေးမွန်ဘာသာဖြင့်ရေးထိုးထားသည့်ကျန်စစ်သားမင်းအေဒီ (၁၀၈၄-၁၁၁၃)၏နန်းတက်အမိန့်တော်ပြန်တမ်းကျောက်စာတိုင်နှစ်တိုင်ရှိသည်။ထိုကျောက်စာတွင် ကျန်စစ်သားမင်းသည်ဘုရားလက်ထက်၌ဗိဿနိုးဖြစ်ခဲ့ပြီးနောင်အခါအရိမဒ္ဒပူရပြည်တွင်တရားစောင့်သော မင်းဖြစ်လာမည်ဟုဘုရားကဗျာဒိတ်ပေးခဲ့ကြောင်း၊တိုင်းသူပြည်သားတို့ကိုကြင်နာစွာအုပ်ချုပ်မည့် အကြောင်းရေးထိုးထားသည်။
ဟံသာဝတီဘုရင့်နောင်ကျော်ထင်နော်ရထာအေဒီ(၁၅၅၀၁၅၈၁)သည်ရွှေစည်းခုံစေတီကို
ရွှေသင်္ကန်းကပ်လှူခဲ့ပြီးထိုအကြောင်းကို(၂၃)မေ၊(၁၅၅၇)ကလှူခဲ့သည့်(၂၁၀၀)ပိဿာ၊(၃.၁၈)တန်ရှိ ကုသိုလ်တော်ခေါင်းလောင်းစာတွင်ဖြော်ပခဲ့သည်။
ကုန်းဘောင်ခေတ်ဆင်ဖြူရှင်မင်းအေဒီ(၁၇၆၃-၁၇၇၆)သည်(၃၀)မေ၊(၁၇၆၈)တွင်ရွှေစည်းခုံစေတီကို ထီးတော်တင်ပြီး၎င်း၏အလှူဒါနကိုရေးထိုးထားသည့်မော်ကွန်းကျောက်စာရှိသည်။
ရွှေစည်းခုံစေတီရင်ပြင်ရှိအုတ်ဇရပ်အတွင်းရှိပုဂံခေတ်ကထုလုပ်ခဲ့သည့်ဗုဒ္ဓခြေတော်ရာ၊သစ်သားပန်းပု သိကြားရုပ်နှင့်သစ်သားပန်းပုတံခါးရွက်တို့ကိုလေ့လာနိုင်သည်။
 ရွှေစည်းခုံစေတီပန္နက်ရိုက်ရာ၌အခြေပြုသည့်ပန္နက်သဲဂူ၊အုတ်ဇလားဂူတို့လည်းရှိသည်။

အံ့ဘွယ်ကိုးပါး

ရွှေစည်းခုံစေတီသည်အတွင်းအံ့ကိုးပါး၊အပြင်အံ့ကိုးပါးနှင့်ပြည့်စုံသည်ဟုယုံကြည်ကြသည်။
[ပြင်ဆင်ရန်]အတွင်းအံ့ကိုးပါး

1. ထီးတော်အလွန်ကြီးသော်လည်းသံကြိုးမဆိုင်းရခြင်း၊
2. စေတီ၏အရိပ်သည်တံတိုင်းအပြင်သို့မရောက်ခြင်း။
3. စေတီ၏ထိပ်မှရွှေစက္ကူပစ်ချလျှင်အပြင်သို့မရောက်ခြင်း။
4. စေတီ၏မဟာရံတံတိုင်းအတွင်းလူမည်မျှများများပြည့်ကျပ်မနေခြင်း။
5. တန်ဆောင်မုန်းလပြည့်ပွဲတော်တွင်ပထမသပိတ်တော်၌မည်သူမျှဆွမ်းဦးမတင်နိုင်ခြင်း။
6. အဝေးကကြည့်လျှင်ကုန်း၊အတွင်းမှကြည့်လျှင်ကျင်းသဖွယ်ထင်ရခြင်း။
7. စေတီ၏တစ်ဖက်မှတီးသောစည်သံကိုအခြားတစ်ဖက်မှမကြားရခြင်း။
8. မိုးသည်းထန်စွာရွာသော်လည်းစေတီရင်ပြင်၌ရေမတင်ခြင်း။
9. စေတီတော်အရှေ့ တောင်ထောင့်ရှိခရေပင်သည်၁၂ရာသီပွင့်ခြင်းတို့ဖြစ်သည်။

* ထို့အတွက်ကြောင့်ရှေးမှယနေ့တိုင်အစဉ်အဆက်မှတ်ခဲ့ကြသည်မှာ...တန်ခိုးမှာရွှေစည်းခုံ၊အနုမှာ အာနန္ဒာ၊ထုမှာဓမ္မရံ၊အမြင့်မှာသဗ္ဗေညုဟူ၍ဖြစ်သည်။

အပြင်အံ့ဘွယ်ကိုးပါး

1.ဧရာဝတီမြစ်ကမ်းစပ်ရေစီးအတွင်းစွယ်တော်တင်လာသည့်ဆင်ဖြူတော်ဝပ်သည့်နေရာသောင်ဖြစ်လာခြင်း။
2.ထိုသဲသောင်တို့သည်ကျောက်ဖြစ်လာခြင်း။
3. ဧရာဝတီမြစ်ရေသည်စေတီတော်ကိုဦးခိုက်ရစ်ဝဲစီးဆင်းခြင်း။
4. မဟာရံတံတိုင်းသည်ရှစ်ပယ်(၁၄.၁၆)ဧကကျယ်ဝန်းခြင်း။
5. စေတီတည်ရာတွင်တုရင်းတောင်မှကျောက်များကိုပုဂံပြည်သူတို့လက်ဆင့်ကမ်းသယ်ခြင်း။
6. ကျောက်သယ်ယူသူများအရိပ်ရရန်မန်ကျည်းပင်များချက်ခြင်းပေါက်ခြင်း။
7. ကျောက်သယ်အပြီးမန်ကျည်းပင်များပျောက်ခြင်း။
8. ရွှေစည်းခုံစေတီအရှေ့မျက်နှာစာလှေကားအနီးရှိရေမှန်အတွင်း၌စေတီအရိပ်ထင်ခြင်း။
9. စေတီကိုအဝေးမှကြည့်ပါကကုန်းမြင့်ပေါ်တွင်တည်ထားသည်ဟုထင်ရခြင်းတို့ဖြစ်သည်