Tuesday, March 12, 2013

တစ်နေ.ကျရင် သေရမှာပဲ

သေခြင်းတရားကိုဆင်ခြင်အောက်မေ့မူဟာဝိပဿနာအလုပ်အားထုတ်မူကိုအင်အားကြီးမားစွာနဲ့
အထောက်အကူပြုတယ်။သေခြင်းတရားကိုအဆင်ခြင်မိတဲ့ပုဂ္ဂိုလ်များကတော့အကာအလုပ်တွေနဲ့ပဲ အချိန်ကုန်နေတတ်တယ်။အနှစ်သာရရှိတဲ့အလုပ်တွေကိုaမ့လျော့ပြီးနေတတ်ကြတယ်။
လောကီအာရုံကာမဂုဏ်ချမ်းသာတွေကိုခံစားနေတယ်၊မကောင်းမူဒုစရိုက်တွေကိုပြုလုပ်နေတယ် ဆိုတာကတော့အကာအလုပ်တွေလုပ်နေတယ်ဆိုတာထင်ရှားပြီးသားပါ။
အဲဒီအကာအလုပ်တွေမလုပ်ပါဘူး၊ကုသိုလ်အလုပ်တွေပဲလုပ်နေတယ်လို့ဆိုပြန်တော့လည်း ကုသိုလ်အမည်ခံထားတဲ့အပေါ်ယံဂုဏ်ပကာသန၊ထင်ပေါ်ကျော်ကြားမူ၊လာဘ်လာဘအစရှိတဲ့ အကျိုးတွေအတွက်ပဲအချိန်ကုန်နေတတ်ကြတယ်။အဲဒီအလုပ်တွေလုပ်နေတာလည်းအကာအလုပ်တွေနဲ့ အချိန်ကုန်နေခြင်းပါပဲ။အဲဒီအကာကိစ္စတွေလည်းမလုပ်ပါဘူး၊အနှစ်စစ်အနှစ်မှန်ဖြစ်တဲ့ ၀ိပါဿနာအလုပ်ကိုပဲအားထုတ်တယ်လို့ဆိုပြန်တော့လည်းအဲဒီဝိပဿနာအလုပ်ကိုအေးအေးဆေးဆေး

ပေါ့ပေါ့လျော့လျော့နဲ့ဖြည်းဖြည်းလေးလေးအားထုတ်နေတတ်ကြတယ်။သေခြင်းတရားကို မဆင်ခြင်မိဘူးဆိုရင်ပေါ့။သေခြင်းတရားကိုဆင်ခြင်မိတဲ့ပုဂ္ဂိုလ်ကတော့ဝိပဿနာအလုပ်ကို အရှိန်အဟုန်ကောင်းကောင်း၊အင်အားပါပါ၊စွမ်းရည်ပြည့်ပြည့်နဲ့လုပ်ဖြစ်ပါတယ်။ဒါနအလုပ်၊သီလအလုပ်၊ သမထအလုပ်တွေကိုလည်းအကွက်စေ့စေ့၊အနှစ်ပါပါ၊စံချိန်များများနဲ့တင်းတင်းရင်းရင်းလုပ်ဖြစ်ပါတယ်။
ဒါကြောင့်အပေါ်ယံအကာအလုပ်တွေနဲ့အချိန်မကုန်ကြစေဘဲနဲ.အနှစ်စစ်အနှစ်မှန်ဖြစ်တဲ့အလုပ်တွေကို ဦးစားပေးပြီးလုပ်နိုင်ဖို့အတွက်သေခြင်းတရားကိုအမြဲမပြတ်ဆင်ခြင်ကြရမယ်။


(၁) “တစ်နေ့ကျရင်သေရမှာပဲ”ဆိုတဲ့အသိ၊

(၂) “အချိန်မရွေးသေသွားနိုင်တယ်”ဆိုတဲ့အသိ၊

နှလုံးသားထဲမှာစွဲစွဲမြဲမြဲရှိနေအောင်ကြိုးစားကြရမယ်။

“တစ်နေ့ကျရင်ျသရမှာပဲ”ဆိုတဲ့အသိကတေျာ့သခြင်းတရားကိုအဝေးမှာထားပြီးဆင်ခြင်တဲ့သဘော သက်ရောက်ပါတယ်။ဒါပေမယ့်လည်းအဲဒီဆင်ခြင်မူကလိုအပ်တဲ့ဆင်ခြင်မူပါပဲ။
တစ်နေ့ကျရင်သေရမှာပဲလို့ဆင်ခြင်ထားတဲ့ပုဂ္ဂိုလ်ဟာလောကဓံတရားတွေနဲ.ကြုံတွေ့လာတဲ့အခါမှာ ခံနိုင်ရည်ရှိပါတယ်။လူရယ်လို့ဖြစ်လာရင်တော့လောကဓံဆိုတာတစ်ပါးပါး၊သို့မဟုတ်တစ်ပါးထက်များစွာကို ကြုံတွေ့နေရတာချည်းပါပဲ။လာဘော၊အလာဘော။တစ်ခါတစ်ရံမှာပစ္စည်းဥစ္စာတွေပြည့်စုံပြီး၊ တစ်ခါတစ်ရံမှာပစ္စည်းဥစ္စာချို့တဲ့တယ်။ယသော၊အယသော။တစ်ခါတစ်ရံမှာအခြံအရံတွေပေါများပြီး၊ တစ်ခါတစ်ရံမှာအခြံအရံတွေကင်းမဲ့တယ်။နိန္ဒာ၊ပသံသာ။တစ်ခါတစ်ရံမှာကဲ့ရဲ့ခံရပြီး၊တစ်ခါတစ်ရံမှာ ချီးမွမ်းခံရတယ်။သုခံ၊ဒုက္ခံ။တစ်ခါတစ်ရံမှာကိုယ်စိတ်နှစ်ပါးချမ်းသာပြီး၊တစ်ခါတစ်ရံမှာကိုယ်စိတ်နှစ်ပါး ဆင်းရဲတယ်။အဲဒီလိုအားဖြင့်လောကဓံရှစ်ပါးတစ်ပါးပါး၊သို့မဟုတ်တစ်ပါးထက်များတဲ့လောကဓံတွေနဲ့ လူသားတွေဟာအချိန်တိုင်းအချိန်တိုင်းတွေ့ကြုံနေကြရတာပါပဲ။
အဲဒီလိုလောကဓံတွေနဲ့တွေ့ကြုံလာတဲ့အခါမှာ“တစ်နေ့ကျရင်သေရမှာပဲ”လို့ဆင်ခြင်လိုက်မယ်ဆိုရင် ကြုံလာတဲ့လောကဓံကိုခံနိုင်ရည်ရှိသွားပါတယ်။ကြုံတွေ့လာခါမှကောက်ကာငင်ကာဆင်ခြင်မယ်ဆိုရင်တော့ သိပ်စိတ်မချရဘူး။လောကဓံတွေနဲ့မကြုံတွေ့သေးခင်ကြိုတင်ပြီးဆင်ခြင်ထားနိုင်မှစိတ်ချရမယ်။
မကြုံတွေ့သေးခင်ဆိုတာကတော့
အမှန်ကတော့လောကဓံဆိုတာကတော့အချိန်တိုင်းကြုံတွေ့နေတာချည်းပါပဲ။သို့သော်လည်း သိသိသာသာဆိုတဲ့လောကဓံ၊သိသိသာသာကောင်းတဲ့လောကဓံကိုမှလူအများကလောကဓံလို့ သတ်မှတ်ကြတော့၊အဲဒီလိုသိသာထင်ရှားတဲ့လောကဓံတွေနဲ့မကြုံတွေ့ခင်ကတည်းက “တစ်နေ့ကျရင်သေရမှာပဲ”လို့ထပ်ကာထပ်ကာဆင်ခြင်ထားနိုင်မယ်၊အင်အားပါအောင် ဆင်ခြင်ထားနိုင်မယ်ဆိုရင်တကယ်တမ်းသိသာထင်ရှားတဲ့လောကဓံကြုံလာတဲ့အခါမှာ “တစ်နေ့ကျရင်သေရမှာပဲ”လို့ဆင်ခြင်လိုက်ရုံနဲ့လောကဓံကိုအလိုအလျောက်ခံနိုင်ရည်ရှိသွားပါတယ်။
ကောင်းတဲ့လောကဓံပဲဖြစ်ဖြစ်၊ဆိုးတဲ့လောကဓံပဲဖြစ်ဖြစ်၊လောကဓံမှန်သမျှဘယ်လောကဓံမှ မတည်မြဲပါဘူး။အကောင်းပြီးရင်အဆိုးလာနိုင်သလိုအဆိုးပြီးရင်လည်းအကောင်းလာနိုင်တာပါပဲ။
နေမင်းကြီးဟာအမြဲတမ်းထွက်ပေါ်ထွန်းလင်းမနေပါဘူး။အချိန်တန်ရင်ချုပ်ကွယ်မှောင်မိုက်ရပါတယ်။ လမင်းကြီးဟာလည်းအမြဲတမ်းဆန်းတက်ပြည့်ဖြိုးမနေပါဘူး။အချိန်တန်ရင်ဆုတ်ကျကွယ်ပရပါတယ်။ လပြည့်ရက်ရှိရင်လကွယ်ရက်ရှိသလိုလဆန်းရက်ရှိရင်လဆုတ်ရက်လည်းရှိရတာပါပဲ။
လောကဓံတရားတွေဟာနေမင်း၊လမင်းကြီးတွေနဲ့သဘောချင်းတူပါတယ်။လောကဓံကောင်းဆိုး အမျိုးမျိုးနဲ့တွေ့ကြုံလာတိုင်းဆင်ခြင်ပွားများခံနိုင်အားရှိဖို့အတွက်မဃဒေ၀လင်္ကာလေးတစ်ခု လက်ဆောင်ပေးလိုက်ပါရစေ။
“နေကိုပုံပြ၊လကိုပုံထား၊မှတ်တုံငြားလော့၊နေကားထွက်ဝင်၊ပေါ်ချုပ်ထင်၏၊လပြည့်လကွယ်၊ကြီး၍ငယ်ခဲ့၊ ထို့နှယ်မလွဲ၊လူခပဲတို့၊အမြဲချမ်းသာ၊မရှိစွာရှင့်။”
သေခြင်းတရားကိုဆင်ခြင်မူရဲ့အစွမ်းသတ္တိဟာအင်မတန်အံ့သြစရာကောင်းပါတယ်။လောကဓံခံနိုင်တဲ့ စိတ်စွမ်းအားကိုသေခြင်းတရားပွားများမူကဖန်တီးပေးနိုင်ပါတယ်။
တစ်နေ့ကျရင်အများအားဖြင့်ဘ၀မှာလိုအင်ဆန္ဒတွေသိပ်များနေတတ်ကြတယ်။ဟိုဟာလည်းဖြစ်ချင်၊ ဒီဟာလည်းဖြစ်ချင်၊ဟိုဟာလည်းလုပ်ချင်၊ဒီဟာလည်းလုပ်ချင်၊ဟိုဟာလည်းရယူချင်၊ဒီဟာလည်းရယူချင်နဲ့ လိုအင်ဆန္ဒတွေများနေတတ်ကြတယ်။
တချို့ကျတော့ကိုယ်ကိုယ်တိုင်လည်းလိုအင်ဆန္ဒများရုံတင်မကဘူး၊ကိုယ်နဲ့ပတ်သက်တဲ့ ပုဂ္ဂိုလ်တွေအတွက်ပါလိုအင်ဆန္ဒများနေတတ်ကြတယ်။ကိုယ်နဲ့ပတ်သက်တဲ့ပုဂ္ဂိုလ်တွေကို ဟိုဟာလည်းဖြစ်စေချင်၊ဒီဟာလည်းဖြစ်စေချင်၊ဟိုဟာလည်းလုပ်စေချင်၊ဒီဟာလည်းလုပ်စေချင်၊ ဟိုဂုဏ်လေးလည်းယူစေချင်၊ဒီဂုဏ်လေးလည်းယူစေချင်စသည်အားဖြင့်လိုအင်ဆန္ဒတွေ များနေတတ်ကြတယ်။အဲဒီလိုအင်ဆန္ဒကဘ၀အေးချမ်းမူကိုဖြစ်စေတဲ့လိုအင်ဆန္ဒဆိုရင်တော့တော်ပါသေးရဲ.၊ ဘ၀အေးချမ်းမူကိုပျက်စီးစေတဲ့လိုအင်ဆန္ဒဆိုရင်တော့၊ဥပမာ...ဂုဏ်ပကာသနတို့၊ထင်ပေါ်ကျော်ကြားမူတို့ အဲဒီလိုလိုအင်ဆန္ဒမျိုးဆိုရင်တော့...အဲ့ဒီလိုအင်ဆန္ဒကို အကောင်အထည်ဖော်နေတဲ့အချိန်မှာလည်းလောဘစိတ်၊လောဘအပူနဲ့ပင်ပန်းဆင်းရဲရပါတယ်။ အကောင်အထည်ပေါ်လာလို့မိမိလိုချင်တဲ့ဂုဏ်ပကာသန၊ထင်ပေါ်ကျော်ကြားမူရပြန်တော့လည်း

သောကစိတ်၊သောကအပူနဲ့ပင်ပန်းဆင်းရဲရပါတယ်။ဂုဏ်ကြီးလေအပူကြီးလေ၊ထင်ပေါ်ကျော်ကြားလေ ပင်ပန်းဆင်းရဲလေပါပဲ...
တစ်နေ့ကျရင်သေရမှာပဲလို့ဆင်ခြင်ထားနိုင်တဲ့ပုဂ္ဂိုလ်၊တစ်နေ့ကျရင်သေရမှာပဲဆိုတဲ့ခံစားချက် ထင်ထင်ရှားရှားဖြစ်နေတဲ့ပုဂ္ဂိုလ်ကတော့မိမိအတွက်လည်းလိုအင်ဆန္ဒမများတော့တဲ့အတွက်ကြောင့် စိတ်အေးချမ်းပါတယ်။
မိမိနဲ့ပတ်သက်တဲ့ပုဂ္ဂိုလ်တွေအတွက်လည်းလိုအင်ဆန္ဒမများတော့တဲ့အတွက်မိမိနဲ့ပတ်သက်တဲ့ပုဂ္ဂိုလ်က မိမိရဲ့လိုအင်ဆန္ဒကိုဖြည့်မပေးတဲ့အခါမှာစိတ်ပင်ပန်းဆင်းရဲခြင်းမဖြစ်တော့တဲ့အတွက်စိတ်အေးချမ်းရပါတယ်။ တိုတောင်းလှတဲ့ဘ၀လေးမှာစိတ်အေးချမ်းစွာနေသွားရဖို့ကအဓိကပါပဲ။


ရွှေပါရမီတောရ အရှင်ဆန္ဒာဓိက မသေခင်ဘာလုပ်ကြမလဲ စာအုပ်မှ ပြန်လည်ထုတ်နုတ်ဖော်ပြပေးထားပါသည်။

No comments:

Post a Comment